Fréttablaðið - 02.06.2004, Blaðsíða 15
JÓN PÉTUR ZIMSEN
GRUNNSKÓLAKENNARI
UMRÆÐAN
KJARASAMNINGAR
KENNARA
Stöðugt blaður
æðstu manna
menntamála í borginni
um að menntun sé mikil-
vægasta fjárfestingin
hljómar falskt.
,,
Eftir að hafa lesið viðtal við Birgi
B. Sigurjónsson í Fréttablaðinu
26.05.2004 get ég ekki orða bund-
ist. Vegna þessa viðtals vil ég
benda á eftirfarandi. Í síðasta
kjarasamningi töpuðu kennarar
gríðarlegum réttindum og miklu
meiri vinnukvaðir voru settar á
þá en aðrar háskólamenntaðar
stéttir. Við fengum hærri laun
fyrir meiri vinnu. Raunverulegar
kjarabætur grunnskólakennara í
síðasta samningi voru svo gott
sem engar.
Þess vegna eru þær kjarabæt-
ur sem kennarar vilja nú hvorki
óraunhæfar né ósanngjarnar
heldur sanngjarnar og eðlilegar.
Stefna Reykjavíkurborgar í
kjaramálum kennara hefur helg-
ast af þekkingarleysi og hroka
gagnvart starfi kennarans.
Stefnan hefur einnig verið borg-
arfulltrúum R-listans til hábor-
innar skammar þar sem þeir
virðast ekki láta málið sig varða,
heldur horfa sljóum augum á
meðan kjaradeilan harnar og
stefnir í verkfall. Er R-listanum
alveg sama um það uppnám sem
skólastarf á komandi hausti
stefnir í? Er Stefáni Jóni Haf-
stein formanni Fræðsluráðs al-
veg sama?
LN (launanefnd sveitarfélag-
anna) virðist líka heltekin af því
að auka verkstjórnarþátt skóla-
stjóra og auka bindingu á vinnu-
tíma kennara. Aðar stéttir eru að
semja um sveigjanlegan og
styttri vinnutíma en LN krefst
stöðugt lengri vinnutíma og
minni sveigjanleika fyrir kenn-
ara. Svo rammt kveður að þessu
að einhvers konar árátta virðist
blinda samningamenn LN þannig
að þeir geti ekki bætt kjör kenn-
ara án þess að lengja eða binda
vinnutíma um leið.
Stöðugt blaður æðstu manna
menntamála í borginni um að
menntun sé mikilvægasta fjár-
festingin hljómar falskt, þegar
dramb og hroki einkenna sam-
skipti þeirra við grunnskóla-
kennara. Stefán Jón og Birgir B.
Sigurjónsson ættu að hugsa
meira um að hafa kennara
ánægða, þá sem sinna því hlut-
verki að mennta æsku landsins.
Meiri tími fer í að tortryggja þá
og reyna eftir fremsta megni að
auka vinnuálag sem kostur er.
Stefán Jón virðist ekki gera sér
grein fyrir að ánægðir starfs-
menn, sem finnst þeir metnir að
verðleikum, eru betri starfs-
menn en þeir sem stöðugt er ver-
ið að tortryggja óréttmætt. Um
leið er hann að veikja skólastarf
í borginni, vinna gegn börnum í
Reykjavík og hindra að þeim sé
veitt besta hugsanlega vinnuum-
hvefi sem völ er á. Metnaðurinn
nær ekki lengra en glansyrði á
góðviðrisdögum. ■
Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í blaðinu
eða leggja orð í belg um málefni líðandi
stundar. Bréf skulu vera stutt og gagnorð,
50–200 orð að lengd. Ritstjórn áskilur
sér rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
15MIÐVIKUDAGUR 2. júní 2004
Furðulegar aðstæður
Það eru ansi furðulegar aðstæður sem raun-
verulegir hægrimenn í HÍ hafa verið í nú á
vormánuðum. Jú, við höfum verið í þeirri
stöðu að þurfa að verja og koma á framfæri
hugmyndum um meiri þátttöku nemenda í
kostnaði náms síns, sem sagt skólagjöld.
Það má í raun segja að við höfum verið í
hagsmunaárekstri við sjálfa okkur.
Vilhjálmur Þór Vilhjálmsson á frelsi.is
Yfirskin
„Stríðið gegn hryðjuverkum“ er háð undir
því yfirskini að auka eigi öryggi almennings
á Vesturlöndum gegn hryðjuverkamönn-
um, sérstaklega arabískum, sem að sögn
stjórnlyndra hægrimanna á Vesturlöndum
öfunda okkur af lýðræði og góðum siðum.
Nýútkomin skýrsla Amnesty International,
um ástand mannréttindamála í heiminum
fyrir árið 2003, sýnir hins vegar að „stríðið
gegn hryðjuverkum“ er ein mesta ógn við
þau réttindi sem við teljum mest um verð.
Stjórnvöld víðs vegar í heiminum notfæra
sér hræðsluástand til að auka eftirlit með
borgurum, efla her og lögreglu, halda fólki
í fangelsi án ákæru og annað sem flokkast
undir ofríki stjórnvalda gagnvart þegnum
sínum.
Huginn Freyr Þorsteinsson á murinn.is
„Búið“?
Las bréfið, gekk úr salnum og sagði stund-
arhátt: „Búið“!
Svona einfalt eftir allt sem á undan hefur
gengið?
Og ummælin - sem gætu verið tákn fyrir
heilt tímaskeið í íslenskum stjórnmálum -
komast ekki í þingtíðindi - sögð á skökkum
stað.
En er það „búið“? Skýrist líklega í þessari
viku.
Guðmundur Magnússon á skraf.blogspot.com
Dularfull samkoma
Annars ráku margir upp stór augu daginn
fyrir þingslit. Það var ansi merkilegur bíla-
floti sem var samankominn við utanríkis-
ráðuneytið, en þar voru ekki bara allir sex
ráðherrabílar Framsóknarflokksins, heldur
einnig forsetabíll númer tvö. Það hefur alls
konar samsæriskenningum verið slengt
fram manna á milli um það hvað allir ráð-
herrar Framsóknar hafa verið að funda um
með forseta lýðveldisins í ráðuneyti Hall-
dórs, en engin þeirra er sennileg. Sam-
koman er í það minnsta dularfull.
Guðmundur Svansson á svansson.net
Framsóknarmenn alls staðar
Heilir og sælir kæru samlandar. Nú er ég
staddur í henni Ameríku, nánar tiltekið
Chicago, að breiða út fagnaðarerindið en
ég get sagt ykkur það að það er einmana-
legt að vera framsóknarmaður hér fyrir
vestan, hér skortir alla samvinnuhugsjón
og allir að ota sínum tota eins og tíðkast
hjá liðsmönnum bláu handarinnar, en ég
skynja það hjá Könunum þegar ég tala bet-
ur við þá að máltækið um að það sé fram-
sóknarmaður í okkur öllum sé líklega rétt.
Jón Einarsson á blog.central.is/framsokn
AF NETINU
Krókháls
Lyngháls
H
ál
sa
b
ra
ut
Bæjarháls
Dragháls
Fossháls
H
ál
sa
br
au
t
Norðurljós
ÁTVR
Vífilfell
Metnaðarleysi í kjaramálum grunnskólakennara