Fréttablaðið - 04.06.2004, Blaðsíða 34
Krakkar á Klettaborg í góðu skapi.
SJÓNARHORN
FR
ÉT
TA
B
LA
Ð
IÐ
/V
IL
H
EL
M
FH-ingurinn og landsliðsleikmaðurinn
Þórdís Brynjólfsdóttir er þekkt fyrir
harða baráttu á vellinum. Hún slær
ekki slöku við þegar handbolti er ann-
ars vegar en innst inni þráir hún ekkert
heitar en að komast í ró og næði með
kærastanum út á land. Undanfarinn
vetur hefur einkennst af stífum æfing-
um, leikjum og vinnu hjá Þórdísi og
ekki gafst mikill tími til að sinna kær-
asta eða vinum. Hún segir hér frá
draumórum sínum um langþráða
helgi sem jafnvel gæti orðið að veru-
leika í sumar.
FÖSTUDAGSKVÖLD Ég myndi vilja
koma kærasta mínum, Ægi Erni Val-
geirssyni, á óvart og vera búin að
redda öllu svo við gætum átt friðsæla
helgi saman. Segja bara: „Nú slöppum
við af ég og þú, góði !“ Við erum bæði
mjög upptekin og okkur tekst sjaldan
að vera saman bara tvö ein. Vinnunni
lyki snemma og ég myndi byrja á því
að fela eða hreinlega eyðileggja far-
símann hans. Ég færi í búð og keypti
gott í matinn. Svo vildi ég bruna út á
land, helst upp í sumarbústað sem
amma og afi eiga nálægt Þingvalla-
vatni. Þar gætum við dúsað í algleymi
og ekkert myndi skemma fyrir. Ekki
væri verra að fá gott veður en í vondu
veðri er líka notalegt að sitja inni og
taka því rólega. Við gætum því átt gott
og rómantískt kvöld saman.
LAUGARDAGUR Ég svæfi út líkt og
aðra morgna þegar tækifæri gefst. Allt
yrði að vera afslappað og óplanað svo
við gætum ráðið tíma okkar alveg sjálf.
Við gefum okkur alltaf svo lítinn tíma
hvort fyrir annað að í raun skiptir ekki
máli hvernig við eyddum deginum.
Það yrði bara ánægjulegt að vera sam-
an. Gaman væri að fara í göngutúr úti
í náttúrunni eða á línuskauta. Að því
loknu væri gott að fleygja sér í pottinn.
LAUGARDAGSKVÖLD Notalegt væri
að fá góða vini í heimsókn í bústaðinn
og gefa þeim eitthvað gott að borða.
Ég hugsa að ég myndi ekki treysta Ægi
til að sjá um grillið einn, ég þyrfti
sennilega að skipta mér aðeins af. Best
fyndist mér að fá nautalundir eða fyllt-
ar kjúklingabringur með kartöflum og
alls konar grænmeti. Í eftirrétt gæti
maður breytt aðeins til og grillað sæta
ávexti. Svo myndum við njóta sumar-
kvöldsins í góðra vina hópi.
SUNNUDAGUR Sem krakki ferðaðist
ég mikið um landið með foreldrum
mínum og ég myndi vilja gera meira af
því. Sunnudeginum yrði því varið úti í
náttúrunni. Þannig myndi ég safna
krafti fyrir komandi viku, hlusta á fugla-
söng og njóta tilbreytingarinnar frá
borgarlífinu. Svo kæmi að því að við
þyrftum að ganga frá sumarbústað
ömmu og afa áður en haldið yrði í bæ-
inn aftur.
RAUNVERULEIKINN Hefði ég fengið
að ráða væri ég úti í Tékklandi að
keppa með landsliðinu þessa helgi. Ég
meiddist á æfingu í síðustu viku og gat
því ekki farið með en er staðráðin í að
gera gott úr helginni þrátt fyrir það. Ef
ekkert kemur upp á förum við skötu-
hjúin út að borða á föstudagskvöldið
en það verður síðbúinn fögnuður því
ég átti afmæli 10. maí. Á laugardaginn
mun ég samgleðjast Söndru vinkonu
minni sem er að útskrifast sem al-
þjóðamarkaðsfræðingur. Ég hef van-
rækt vinkonur mínar í allan vetur
vegna handboltans og ætla að reyna
að bæta það upp og skemmta mér
með þeim um kvöldið.
ÞÓRDÍS BRYNJÓLFSDÓTTIR
DRAUMAHELGIN
4. júní 2004 FÖSTUDAGUR12
Léttöl
- mest lesna blað landsins
Á MÁNUDÖGUM
Fasteignaauglýsingar sem fara
inn á 75% heimila landsins
Auglýsingasíminn er 550 5000
auglysingar@frettabladid.is