Fréttablaðið - 05.06.2004, Blaðsíða 26

26 5. júní 2004 LAUGARDAGUR
Hinar gríðarlega vin-sælu teiknimyndir um
Línuna eru komnar út á
DVD og seljast grimmt hér
á landi. Það eru 12 Tónar
sem sjá um innflutninginn
og Jóhann Ágúst Jóhanns-
son, útgáfustjóri- og kynn-
ingarfulltrúi 12 Tóna, seg-
ir fyrstu sendingu hafa
rokið út á nokkrum dögum.
Einhver eintök eru eftir í
verslunum en beðið er eft-
ir næstu sendingu. „Í
nokkur ár hafa selst
geisladiskar með tónlist-
inni úr teiknimyndunum
um Línuna og höfum við
selt fleiri hundruð eintaka,“ segir
Jóhann Ágúst. „Línan á sér greini-
lega tryggan aðdáendahóp. Þegar
við fengum tölvupóst frá ítölsku út-
gáfufyrirtæki um DVD-útgáfu á
teiknimyndunum hugsuðum við
okkur gott til glóðarinnar. Dreif-
ingarfyrirtækið leggur mikið upp
úr þessari útgáfu sem verður á
fjórum DVD-diskum. Þeir tveir
fyrstu eru komnir út og hinir tveir
munu koma á markað seinna á ár-
inu. Viðtökur Íslendinga hafa verið
einstaklega góðar.“
Þessar góðu viðtökur eru ekki
einkennilegar sé tekið mið af þeim
miklu vinsældum sem teiknimynd-
irnar um Línuna nutu hér á landi
þegar þær voru sýndar í ríkissjón-
varpinu fyrir allmörgum árum.
Fjölskyldur landsins skemmtu sér
innilega við að fylgjast með hrak-
föllum hinnar mislyndu Línu.
Jóhann Ágúst man vel eftir Lín-
unni. „Ég sá hana fyrst í svart
hvítu sjónvarpi og man hvað það
var sérstakt að sjá hana í litasjón-
varpi þar sem hún skipti litum eft-
ir skapi,“ segir hann.
12 Tónar reka plötubúð, sjá um
innflutning og eru auk þess með
eigin útgáfudeild. „Við miðum út-
gáfuna við það sem heillar okkur
og það sem við teljum eiga erindi á
íslenskan og erlendan markað,“
segir Jóhann Ágúst. „Við riðum á
vaðið í fyrra með okkar fyrstu út-
gáfu sem var geisladiskurinn
Krákan með Eivöru Pálsdóttir.
Diskurinn fór í gull hér heima og
seldist einnig gríðarlega vel í Fær-
eyjum. Salan gengur líka vel í Dan-
mörku þar sem Eivör hefur fengið
frábæra dóma og allt bendir til að
viðtökurnar verði á sama veg í Sví-
þjóð. Fyrir stuttu sendum við frá
okkur tónlistina úr Nóa albínóa og í
byrjun júlí kemur út afar góður
diskur með Brúðarbandinu. Annar
diskur er væntanlegur um miðjan
þennan mánuð en það er Trabant á
Bessastöðum. Á umslaginu er
mynd af forseta Íslands, Ólafi
Ragnari Grímssyni, ásamt hljóm-
sveitinni en diskurinn var tekinn
upp á Bessastöðum þegar Trabant
spilaði þar síðastliðinn janúar í
boði sem var haldið til heiðurs
Ólafi Elíassyni. Diskurinn verður
gefinn út í 500 eintökum og verður
til sölu í verslun okkar á Skóla-
vörðustíg og þar gildir reglan,
fyrstir koma fyrstir fá.“
Jóhann Ágúst segir fleiri diska
væntanlega en 12 Tónar stefna á að
gefa út átta til tíu geisladiska þetta
árið.
kolla@frettabladid.is
LÍNAN
Hinir meistaralegu og bráðfyndnu þættir
um Línuna hafa verið sýndir í 40 löndum
og unnið til fjölda alþjóðlegra verðlauna.
Línan þarfnast ekki mikilla útskýringa. Allir sem hafa séðfrábærar teiknimyndir Osvaldos Cavandoli um Línuna
muna eftir hinni ofvirku og skapbráðu Línu sem oft reifst há-
stöfum við teiknara sinn. Allt sem á sér stað í þessum mynd-
um gerist á einni línu og flestir hlutir í myndunum eru sömu-
leiðis teiknaðir með einni línu sem síðan tekur umbreytingum.
Aðalpersónan, Línan, hlær venjulega í upphafi og sönglar en
er fljót að skipta skapi enda finnur hún ýmsar misfellur á lín-
unni sem hún gengur eftir. Hver Línuþáttur er nokkrar mín-
útur og nær allir enda þeir illa.
Osvaldo Cavandoli, höfundur Línunnar, fæddist árið 1920 á
Ítalíu. Hann var 23 ára þegar hann byrjaði að teikna teikni-
myndir. Árið 1969 skapaði hann meistaraverk sitt La Linea
(Línuna), en þættirnar unnu til fjölda alþjóðlegra verðlauna
og hafa verið sýnir í 40 löndum, þar á meðal hér á landi. Tón-
listin í teiknimyndunum er eftir Franco Godi (Signor Rossi
eins og hann er kallaður) og leikarinn Carlo Bonomi túlkar
rödd Línunnar á sérlega eftirminnilegan hátt. ■
Hin alþjóðlega Lína
JÓHANN ÁGÚST JÓHANNSSON
„Línan á sér greinilega tryggan aðdáendahóp. Þegar
við fengum tölvupóst frá ítölsku útgáfufyrirtæki um
DVD-útgáfu á teiknimyndunum hugsuðum við okkur
gott til glóðarinnar.“
Íslendingar taka
Línunni fagnandi