Fréttablaðið - 05.06.2004, Blaðsíða 28

Toyota ætlar að auka framleiðslu á tvinnbílum, það er bílum
sem ganga bæði fyrir bensíni og rafmagni, um 44% á næsta ári.
Verða þá framleiddir alls 130.000 bílar. Skýringin er ekki síst
mikil eftirspurn Bandaríkjamanna, sem bregður við hærra bens-
ínverð og beina því sjónum sínum að sparneytnari bílum.

 









 

 
 



 

 


DAEWOO lyftarar
Rafmagnslyftarar frá 1,3t - 3,0t
Dísellyftarar frá 1,5t - 15t.
Partur - Spyrnan - Lyftarar
Eldshöfða 10, 110 Reykjavík, sími 585 2500
Í tilefni þess að hundrað ár eru liðin
frá því að fyrsti bíllinn kom til Ís-
lands stendur Fornbílaklúbbur Ís-
lands fyrir sýningu í Laugardalshöll
um helgina. Bílarnir eru frá árinu
1904-1974 en margir þeirra hafa
ekki verið sýndir áður. Auk þess
verða nýuppgerðir bílar á sýning-
unni. Að sögn Sævars Péturssonar,
formanns Fornbílaklúbbsins, ættu
allir að hafa gaman af sýningunni.
„Þetta er áhugaverður viðburður
sérstaklega fyrir unga fólkið sem
ekki hefur séð slíka bíla áður.“
Fyrsti bíllinn sem kom til lands-
ins verður reyndar ekki á staðnum
enda var hann sendur aftur til Dan-
merkur þaðan sem hann uppruna-
lega kom. Sverrir Andrésson, for-
fallinn fornbílaáhugamaður, tók upp
á því að endursmíða þennan Thom-
sen-bíl, svokallaðan Cutell frá árinu
1901. „Ég var að undra mig á því að
nánast ekkert er eftir af jarðnesk-
um leifum þessara bíla lengur.
Reyndar er að finna Thomsen-bíl af
sömu árgerð á safni í Danmörku en
sá er allt öðruvísi en bíllinn sem
kom hingað til lands,“ segir Sverrir,
sem er bæði húsa- og húsgagna-
smiður en hefur unnið árum saman
við að gera upp bíla. Fyrsti bíllinn
var fluttur til Íslands eftir að Al-
þingi samþykkti fjárveitingu til að
kaupa bíl til reynsluaksturs. „Menn
voru að velta því fyrir sér hvort
hægt væri að keyra bíl á Íslandi.
Thomsen kaupmaður nokkur fékk
því styrk til að fara til Danmerkur
og kaupa bíl sem hann flutti svo inn
til landsins þann 20. júní 1904.“
Sverrir var um það bil tvö ár að
endursmíða bíl eins og þann sem
fyrst kom til Íslands og verður
eftirlíkingin að sjálfsögðu til sýnis
í Laugardalnum um helgina. Sverr-
ir kom honum sjálfur þar fyrir
enda er bíllinn vel ökuhæfur. Ekki
leikur vafi á að þar er fagmaður á
ferð því auk þess að gera upp bíla
hefur Sverrir safnað fornbílum
lengi og starfað sem bílasali í
áraraðir. Hann rak einnig Fornbíla-
setrið á Selfossi þar sem hann er
búsettur. „Ég er orðinn svo gamall
að nú vil ég fara að segja skilið við
þetta brask. Enn á ég nokkra forn-
bíla sem mig langar til að selja svo
ég geti dundað mér meira í róleg-
heitum í bílskúrnum,“ segir hinn 74
ára bíladellukarl og hlær.
Í Laugardalshöll um helgina
verða um 65 bílar af ýmsum toga til
sýnis en gersemin eru í eigu með-
lima Fornbílaklúbbs Íslands.
Sýningin stendur yfir frá
klukkan 11 til 22 á laugardag og
kl. 11-21 á sunnudag. Miðaverð er
800 kr, 400 kr. fyrir meðlimi Forn-
bílaklúbbsins en frítt er fyrir
börn yngri en 12 ára.
thorat@frettabladid.is
Tryllitæki þessarar viku er Corvette C5
blæjubíll og er eigandi þess Ingólfur Arn-
arson. Bíllinn er 1998 árgerð en Ingólfur
eignaðist hann í mars á þessu ári. Ingólf-
ur flutti bílinn sjálfur inn frá Bandaríkjun-
um og kom hann þaðan í ágætislagi en
Ingólfur hefur samt í hyggju að gera að-
eins meira fyrir hann á næstunni. Þessi
bíll er fyrsti C5 Corvette blæjubíllinn á
landinu og er þetta nýjasta kynslóðin af
Corvette-bifreiðum, en ný kynslóð verður
framleidd á næsta ári. Bíllinn hans Ing-
ólfs er 345 hestöfl og með 5,7 lítra vél.
Ingólfur telur að bíllinn sé metinn á um
fjórar milljónir íslenskra króna.
[ TRYLLITÆKIÐ ]
Sverrir ásamt eftirlíkingunni sem hann smíðaði eftir
fyrsta bílnum sem kom hingað til lands.
Fornbílasýning í Laugardalshöll:
Bílar í 100 ár
Öryggis-
hurðir
B Í L S K Ú R S
OG IÐNAÐAR H U RÐ I R
Smíðað
eftir máli
Hurðir til
á lager
Eldvarnar-
hurðir
ÁRMÚLA 42 - SÍMI 553 4236