Fréttablaðið - 06.06.2004, Blaðsíða 4
4 6. júní 2004 SUNNUDAGUR
Halldór Ásgrímsson um þjóðaratkvæðagreiðslu:
Kemur til greina að setja mörk
MÁLSKOT „Það kemur til greina að
setja mörk um þjóðaratkvæða-
greiðslu, bæði um þátttöku og
aukinn meirihluta. Það kemur
skýrt fram í fræðiriti Ólafs Jó-
hannessonar um þessi mál. En
hver þau eiga nákvæmlega að
vera vil ég ekki fullyrða um. Það
er eitt af þeim athugunarefnum
sem þurfa að fara fram,“ segir
Halldór Ásgrímsson, formaður
Framsóknarflokksins.
Efasemdaraddir hafa verið um
að tvísýnt sé að setja svona stíf
mörk þegar slíkt pólitískt hitamál
er í gangi. Spurður um hvort
stjórnarflokkarnir gætu ekki
hugsanlega hvatt dygga stuðn-
ingsmenn sína til þess að mæta
ekki á kjörstað svo þjóðarat-
kvæðagreiðslan yrði ekki gild
segist Halldór ekki eiga von á því.
„Ég hef enga trú á því að nokk-
ur láti sér detta það í hug að biðja
fólk að nýta ekki atkvæðisrétt
sinn. Það er nú heilagur réttur
sem allir eiga að nýta og ég hef
aldrei heyrt í stjórnmálamanni
sem ekki hvetur alla borgara til að
notfæra sér sinn atkvæðisrétt. Ég
trúi því ekki að nokkrum detti það
í hug.“ ■
Sorphaugurinn byrgir fjallasýn
Megn og viðvarandi óánægja er meðal þeirra sem búa í nágrenni við Sorpstöð Suðurlands. Þeir
segja að sorphaugurinn hækki óðum og sé nú farinn að byrgja fjallasýn. Vafi er talinn leika á að
sorpstöðin fari eftir gildandi deiliskipulagi.
SORPURÐUN „Það hafa alllengi stað-
ið yfir deilur um deiliskipulag sem
unnið var í upphafi framkvæmd-
anna við sorpstöðina,“ sagði Hjör-
leifur Brynjólfsson, oddviti bæjar-
stjórnar Ölfuss, um stöðu mála
milli sveitarfélagsins og Sorp-
stöðvar Suðurlands í Kirkjuferju-
hjáleigu.
„Við höfum haldið því fram í
alllangan tíma að deiliskipulag
hafi verið brotið. Það snýr að hæð
urðunarreinanna. Sveitarstjórnin
hefur sent kröfu á stjórn sorp-
stöðvarinnar þess efnis að óheimilt
sé að urða hærra en deiliskipulag-
ið segi til um. Við gáfum þeim
frest til 1. ágúst til að lækka það
sem við teljum komið umfram það
sem skipulagið gerir ráð fyrir, en
það eru um fimm metrar.“
Hjörleifur sagði að enn hefðu
engin viðbrögð borist frá stjórn
Sorpstöðvarinnar. Hann sagði jafn-
framt vera álitamál hvort hægt
væri að lækka þann sorphaug sem
kominn væri. Sveitarfélagið biði
nú ítarlegrar greinargerðar frá
Umhverfisstofnun um það efni.
„Þetta er sorpurðun, sem í er
gasmyndun,“ sagði Hjörleifur.
„Því er haldið fram að ef farið
verði að hefla ofan af haugnum
einhverja fimm metra verði gas-
inu hleypt út í andrúmsloftið, auk
þess sem þessu myndu fylgja
óþrif. En þetta erum við að láta
sannreyna fyrir okkur núna.“
Hjörleifur sagði að stöðugar
óánægjuraddir heyrðust frá þeim
sem byggju í nágrenni við sorp-
stöðina og viðvarandi óánægja
hefði verið meðal ábúenda nær-
liggjandi jarða allt frá því að sorp-
stöðin hefði verið sett þarna niður
1994. Hún væri í landi sem sorp-
samlagið leigði af ríkinu. Landbún-
aður hefði farið minnkandi en
verðmæti jarðanna aukist á annan
hátt. Öll leyfi stöðvarinnar væru í
lagi, en við endurútgáfu starfsleyf-
is 1998 hefði sveitarfélagið ítrekað
mjög hæð urðunarinnar sam-
kvæmt deiliskipulaginu. Ekki
hefði verið tekið tillit til þeirrar at-
hugasemdar við endurnýjun
starfsleyfisins, sem gilti til 2008.
„Vonandi tekst okkur að leysa
þetta milli Sorpstöðvarinnar og
sveitarfélagsins í rólegheitum,“
sagði Hjörleifur. „Ég vona að það
náist lending sem allir geta sætt
sig við.“
jss@frettabladid.is
■ ÍRAK
Ætlarðu að taka þátt í hátíða-
höldum á sjómannadaginn?
Spurning dagsins í dag:
Ertu sátt/ur við frammistöðu íslenska
fótboltalandsliðsins gegn Englandi?
Niðurstöður gærdagsins
á visir.is
68%
32%
Nei
Já
KJÖRKASSINN
Farðu inn á visir.is og segðu þína skoðun
visir.is
Stjórnarandstaðan:
Kallar eftir
samráði
STJÓRNMÁL Formenn stjórnarand-
stöðuflokkanna þriggja sem sæti
eiga á þingi hafa ritað formönn-
um stjórnarflokkanna bréf þar
sem óskað er eftir tafarlausum
fundi. Þar vilja þeir ræða stöð-
una sem upp er komin eftir að
forseti Íslands vísaði til þjóðar-
innar lögum um eignarhald á
fjölmiðlum í þjóðaratkvæða-
greiðslu.
Á fundinum vilja formenn
stjórnarandstöðuflokkanna, þeir
Össur Skarphéðinsson, Stein-
grímur J. Sigfússon og Guðjón A.
Kristjánsson að rætt sé hvernig
farsælast sé að halda á málum og
hvenær kveða skuli Alþingi sam-
an til að setja lög um fram-
kvæmd og tímasetningu þjóðar-
atkvæðagreiðslu ásamt því
hvernig þinghald verði undirbú-
ið.
Áður en þingi var frestað á
dögunum lögðu stjórnarandstæð-
ingar áherslu á að þing yrði
kallað saman aftur ef forseti
synjaði fjölmiðlalögunum um
staðfestingu sína. Það hefur hann
nú gert. ■
Mannrán:
Fóstri rænt
KÓLUMBÍA Ófrískri konu var
byrluð ólyfjan, skorið á kvið
hennar og átta mánaða fóstur
numið á brott í bænum Girardot í
Kólumbíu. Bæði barnið og móðir-
in fundust á lífi og hafa verið
sameinuð að sögn BBC.
Skorið var á kvið ófrísku kon-
unnar með eldhúshnífi, fóstrið
numið á brott og konan skilin eft-
ir í blóði sínu.
Henni tókst að vekja athygli á
sér og var komið á sjúkrahús.
Önnur kona var handtekin eftir
að rannsóknir sýndu að nýfædd-
ur drengur sem hún sagði son
sinn var ekki skyldur henni. Talið
er að hún hafi ekki verið ein að
verki. ■
ÍRAK, AP Þrátt fyrir miklar verð-
hækkanir á olíu síðustu mánuði er
hægt að fá það hræódýrt á einum
stað, í Írak og það þó það sé flutt
inn frá nágrannaríkjunum.
Lítrinn af bensíni kostar ekki
nema um eina krónu á bensín-
stöðvum í Írak en innkaupaverð
þess er um 30 krónur í nágranna-
löndunum, og þá á eftir að flytja
það á bensínstöðvar undir öflugri
hervernd. Ástæðan er sú að her-
námsyfirvöld vilja halda verðinu
jafn lágu og í stjórnartíð Saddams
Hussein. Vegna lítillar olíufram-
leiðslu Íraka þýðir það að flytja
þarf inn niðurgreitt eldsneyti frá
útlöndum. ■
KEYRT Á ÓDÝRU BENSÍNI
Meðal þeirra sem njóta góðs af niður-
greiddu bensíni eru vígamenn sem berjast
gegn Bandaríkjaher.
Ódýrt bensín:
Lítrinn á krónu
SORPSTÖÐ SUÐURLANDS
Sorphaugurinn hefur farið síhækkandi og er nú talið að hann sé um fimm metrum hærri en deiliskipulagið kveður á um. Þá er kvartað undan sóðaskap frá haugnum en þaðan fýkur
alls konar rusl þegar hvasst er að sögn ábúenda nágrannajarða.
Tímabundnu banni aflétt:
Rússar fá kjöt
frá ESB
BRUSSEL, AP Rússar eru hættir við að
banna kjötinnflutning frá Evrópu-
sambandinu.
Samningar náðust í símtali Roma-
no Prodi, forseta framkvæmda-
stjórnar ESB, við forsætisráðherra
Rússlands, Mikhaíl Fradkov.
Ekki er enn ljóst hvenær markað-
urinn opnast að nýju en beðið er eft-
ir tilskipunum Fradkov til viðkom-
andi ráðamanna.
Ellefu sambandsríki höfðu kvart-
að undan erfiðleikum við innflutning
og hárra heilbrigðisstaðla rúss-
neskra yfirvalda. ■
Rússland:
Ellefu deyja í
sprengingu
RÚSSLAND, AP Öflug sprengja sem
sprakk á útimarkaði í bænum Sam-
ara í Rússlandi varð ellefu að fjör-
tjóni og særði tæplega 50 aðra en
sprengjan sprakk á annatíma um
hádegisbilið. Í fyrstu var haldið að
gaskútar hefðu sprungið en síðar
kom í ljós að sprengja, rúmlega
kíló að þyngd, hafði verið sprengd.
Bærinn er um 800 kílómetra frá
Moskvu, nálægt landamærum
Rússlands og Kasakstan. ■
SINGAPÚR, AP Ljóst er að stærsta
bandalag flugfélaga í heimi á eft-
ir að stækka enn frekar eftir að
tilkynnt var að South African Air-
lines, finnska flugfélagið Blue 1
og hið portúgalska TAP munu
ganga til liðs við Star Alliance á
næsta ári. Þá verður bandalagið
með 28,8 prósenta hlutdeild í flugi
á heimsvísu og stefnir á að auka
hana í 35 prósent hið minnsta.
Flugvélar flugfélaganna sem
standa að Star Alliance fljúga til
755 flugvalla í 132 löndum. Meðal
flugfélaga bandalagsins eru SAS,
Lufthansa, United Airlines og US
Airways. ■
Flugbandalag:
Það stærsta stækkar enn
Í ZURICH
Star Alliance flýgur til 755 flugvalla í 132
löndum.
HALLDÓR ÁSGRÍMSSON
Til greina kemur að setja mörk um þátt-
töku og aukinn meirihluta þegar þjóðin
kýs um fjölmiðlalögin.
TVEIR FELLDIR Tveir bandarískir
hermenn létust og tveir til viðbót-
ar særðust í árásum á hersetuliðið
í Írak og íraska samstarfsmenn
þeirra. Árásirnar áttu sér stað í og
við Bagdad. Sautján Írakar særð-
ust þegar eldflaug var skotið að
ráðningarstöð Írakshers í Mosul.