Fréttablaðið - 06.06.2004, Blaðsíða 6
6 6. júní 2004 SUNNUDAGUR
Leki kom að netabát með þeim afleiðingum að hann sökk:
Þremur skipverjum bjargað
SKIPSKAÐI Þremur mönnum var
bjargað eftir að leki kom að neta-
bátnum Gústa í Papey SF-188 með
þeim afleiðingum að hann sökk
um ellefuleytið í fyrrakvöld. Bát-
urinn var staddur skammt suð-
austur af Langanesi þegar hann
sökk, samkvæmt upplýsingum frá
Tilkynningarskyldu íslenskra
skipa.
Skipverjunum þremur var
bjargað um borð í togarann Árbak
EA-5 sem var örskammt undan
þegar beiðni um aðstoð barst, að
sögn Stefáns Sigurðssonar skip-
stjóra. „Við vorum komnir að
þeim um tíu mínútum síðar,“ seg-
ir Stefán.
Að sögn Stefáns var skipverj-
unum bjargað um borð í slöngubát
og gekk björgunin hratt og vel
fyrir sig. „Þeir voru í flotbúning-
um en fóru aldrei í sjóinn heldur
beint ofan í slöngubát hjá okkur,“
segir Stefán. Veður var ágætt að
sögn Stefáns, hæg norðaustanátt.
Að sögn Stefáns var ekkert
hægt að gera til þess að koma í
veg fyrir að skipið sykki. Björg-
unarbátar með dælur voru kallað-
ir út frá Raufarhöfn og Bakkafirði
til að freista þess að bjarga skip-
inu. Þeir voru ekki komnir á stað-
inn þegar báturinn sökk, sam-
kvæmt upplýsingum frá Tilkynn-
ingarskyldunni. ■
Óvissan óþolandi
Varaformaður Verkalýðs- og sjómannafélags Keflavíkur segir óvissu um
framtíð varnarliðsins óþolandi. Skynsamlegt að byggja atvinnulífið á
öðru en varnarliðinu, segir bæjarstjóri Reykjanesbæjar.
VARNARLIÐIÐ „Þessi ummæli eru í
samræmi við það sem stjórnvöld
hafa haldið fram,“ segir Árni Sig-
fússon, bæjarstjóri Reykjanes-
bæjar. Condoleezza Rice sagði í
samtali við New York Times að
Bandaríkjaforseti styddi ekki
flutning orrustuþotna af Kefla-
víkurflugvelli nema fundin verði
leið til að sefa Íslendinga.
Endurskipulagning herafla
Bandaríkjamanna í Evrópu stend-
ur nú yfir og rætt er um að flytja
mikinn fjölda hermanna auk orr-
ustuþotna frá Norður-Evrópu nær
átakasvæðum heimsins. Niður-
stöðu bandarískra yfirvalda er að
vænta eftir einn til tvo mánuði.
„Íslendingar hafa lagt áherslu
á að þessi þjónusta sé hluti af
þeim vörnum sem við viljum
hafa,“ segir Árni og bætir við að
rétt sé að bíða eftir niðurstöðu
bandarískra stjórnvalda. „Ég held
hins vegar að öllum sé ljóst að það
fjölgar ekki í varnarliðinu næstu
vikur og mánuði.“
„Ég held að það sé mjög skyn-
samlegt að byggja atvinnulífið á
öðru en varnarliðinu,“ segir Árni.
„Það er alveg skýrt og það sem
við erum að gera. Engu að síður
teljum við hlutverk okkar íbúa á
Reykjanesinu í vörnum þjóðar-
innar mikilvægt. Við teljum að
það sé skynsamlegt að sinna vörn-
um landsins frá
þessum stað með
hvaða hætti sem það
verður skipulagt í
framtíðinni.“
„Ég veit ekki
hvaða leið Banda-
ríkjaforseti finnur
til þess að sefa Ís-
lendinga því að utan-
ríkisráðherra ítrek-
að sagt að herinn sé í
raun farinn ef þot-
urnar fara,“ segir
Guðjón Arngríms-
son, varaformaður
Verkalýðs- og sjó-
mannafélags Kefla-
víkur.
Guðjón segir mál
manna sem vinna í
kringum og við varnarliðið að her-
inn sé smátt og smátt að læða sér
í burtu. „Það sem við höfum ítrek-
að við utanríkisráðherra er að
óvissan sem menn
hafa þurft að búa við
í marga mánuði sé
óþolandi.“
Þrátt fyrir að ým-
islegt sé í farvatninu
í atvinnulífi Suður-
nesja segir Guðjón
að brotthvarf hers-
ins myndi snerta svo
marga að útilokað sé
að fylla það skarð
um leið. „Það sem
við horfum helst til
eru bætur, allavega
fyrir eldri starfs-
menn sem búnir eru
að veita varnarlið-
inu þjónustu sína í
tugi ára.“
helgat@frettabladid.is
TAÍLAND
Hópur manna mótmælir fyrirætlan taí-
lensku ríkisstjórnarinnar sem vill nota rík-
islottóið til að fjármagna kaup á enska úr-
valsdeildarliðinu Liverpool.
Ásælast enskan bolta:
Milljarða
kaup
BANGKOK, AP Taílendingar vilja enn
kaupa enskt úrvalsdeildarlið,
sagði ríkisstjórn landsins eftir að
hafa gefið til kynna að kaup á
Liverpool gengju hugsanlega ekki
eftir.
Ríkisstjórnin hafði hugsað sér
að kaupa 30% hlut fyrir 115 millj-
ónir punda, rúmlega fimmtán
milljarða íslenskra króna, en hefur
ákveðið að fjármagna ekki kaupin
með ríkislottóinu vegna óánægju
landsmanna. Talsmaður ríkistjórn-
arinnar, Jakrapob Penkair, segir að
nú séu aðrar fjármögnunarleiðir
skoðaðar en ríkisstjórnin vilji enn
sem áður kaupa eitt eða fleiri fót-
boltafélög. ■
■ LÖGREGLUFRÉTTIR
■ LÖGREGLUFRÉTTIR
VEISTU SVARIÐ?
1Englendingar gjörsigruðu Íslendinga ílokaleik Manchester-mótsins í fótbolta
í gær. Hverjar urðu lokatölur leiksins?
2Afmæli Reykjavíkurlistans var haldiðhátíðlegt í gær. Hversu gamalt er
stjórnmálabandalagið?
3Tugþúsundir mótmæltu á götum Róm-ar á föstudag. Hverju vildi þessi mikli
fjöldi mótmæla?
Svörin eru á bls. 38
Átök í Austurbyggð:
Beinbrot í
slagsmálum
SLAGSMÁL Þrír 16 til 17 ára gamlir
piltar slógust hastarlega við Olís-
skálann í Neskaupstað um klukk-
an níu síðastliðið föstudagskvöld.
Bein brotnuðu í handarbaki eins
þeirra og hinir hlutu líka af ein-
hver meiðsli þó ekki jafn alvarleg.
Lögreglan í Neskaupstað telur lík-
legt að fyrri væringum sé um að
kenna. Málið er í rannsókn. Þá var
kærð líkamsárás á Eskifirði síðar
um kvöldið. Að sögn lögreglunnar
réðist þar laust fyrir miðnætti
maður á annan á dansleik í félags-
heimili bæjarins. Sá sem fyrir
árásinni varð kenndi eymsla í
hnakka, en árásarmaðurinn hand-
leggsbrotnaði við höggið. ■
ÚTLENDINGAR Á HRAÐFERÐ Fjór-
ir voru teknir fyrir of hraðan
akstur við Hvolsvöll í gær, þar af
þrír erlendir ferðamenn á bíla-
leigubílum. Lögreglan á Hvols-
velli hafði orð á að fjögur tilvik
hraðaksturs væri í raun óvenju-
lítið, miðað við að hún var með
umferðareftirlit mestallan dag-
inn. Taldi lögregla ef til vill að
farið væri að spyrjast út meðal
ökumanna að umferðareftirlit
væri gott á Suðurlandsvegi.
DATT Í BJÖRGUNARBÁT Ung
stúlka meiddist á handlegg við
fall í björgunarbáti í Grindavík í
gær. Að sögn lögreglunnar í
Keflavík var stúlkunni komið
undir læknishendur, en ekki var
vitað nánar um meiðsli hennar.
FÓR OF SNEMMA AF STAÐ Lög-
reglan á Selfossi tók ökumann
grunaðan um ölvun við akstur á
Suðurlandsvegi um klukkan 9 á
laugardagsmorgun. Taldi lögregla
líklegt að maðurinn hafi farið
heldur snemma af stað eftir
skemmtan liðins kvölds.
GÚSTI Í PAPEY SEKKUR
Áhöfninni var bjargað um borð í togarann
Árbak. Skömmu síðar sökk Gústi í Papey.
M
YD
N
V
AL
G
EI
R
G
U
N
N
AR
SS
O
N
ÁRNI SIGFÚSSON
Bæjarstjóri Reykjanesbæjar segir
ljóst að ekki fjölgi í varnarliðinu
næstu vikur og mánuði.
VARNARLIÐIÐ Á KEFLAVÍKURFLUGVELLI
Mál manna sem vinna í kringum og við varnarliðið er að herinn sé smátt og smátt að
læða sér á brott að sögn varaformanns Verkalýðs- og sjómannafélags Keflavíkur.
Aðfaranótt laugardags:
Tvennt með
hass á Húsavík
AFBROT Tvennt var gripið með
smáræði af hassi eftir dansleik á
Húsavík. Efnin voru haldlögð og
fólkinu, sem er á tvítugsaldri,
sleppt að lokinni skýrslutöku.
Tveir gistu fangageymslu lög-
reglu sökum ölvunar og óspekta
og afskipti voru höfð af nokkrum
á dansleiknum af sömu sökum. Þá
upplýsti lögregla að einn hefði
verið stöðvaður, grunaður um ölv-
un við akstur og nokkrir stöðvaðir
í að halda af stað akandi að
morgni til „áður en þeir höfðu
fulla heilsu til akstursins,“ segir
lögregla, sem hefur eftirlit með
tjaldstæði í nágrenni dansstaðar-
ins á Húsavík. ■