Fréttablaðið - 06.06.2004, Blaðsíða 8

8 6. júní 2004 SUNNUDAGUR
Íslenskt hugvit slær í gegn:
Opera með vafra ársins
TÖLVUR OG TÆKNI Eitt virtasta og út-
breiddasta tölvutímarit í heimi, PC
World, hefur útnefnt norska net-
vafrann Opera þann besta árið
2004. Forstjóri Opera Software
ASA í Noregi er Íslendingurinn Jón
Stephenson von Tetzchner, en hann
stofnaði fyrirtækið með félaga sín-
um Geir Ivarsoy árið 1995. Við-
skiptatímaritið Business Week
hampar Jóni einnig í nýjasta tölu-
blaði sínu í forsíðugrein, þar sem
hann er talinn upp með 25 snjöll-
ustu forstjórum Evrópu, í hópi ekki
ómerkari manna en forstjóra BMW
og fleiri ámóta stjóra.
„Það er okkur mikill heiður að
hafa verið valin með besta vafr-
ann,“ sagði Jón og taldi útnefning-
una staðfesta þróun sem þau hjá
Opera hafi talið vera á vaframark-
aði. „Sífellt fleiri eru orðnir leiðir á
Internet Explorer-vafranum, sem
kominn er til ára sinna og vilja fá
meira út úr netinu en hann hefur að
bjóða. Opera kemur þar inn sem
öflugur valkostur, með fjölda
nýrra möguleika sem bæði eru
skemmtilegir og auðvelda um leið
vafrið.“ Nýjasta vafra Opera er
hægt að hlaða niður á
opera.com/download. ■
Skattfrjálst
í upphafi
Gat myndast í skattlagningu við breytinguna
þegar þungaskattskerfið verður lagt af og olíu-
gjald tekið upp þess í stað
LAGASETNING Við gildistöku og
framkvæmd laga um olíugjald og
kílómetragjald myndast gat í
skattlagningu sem heyrst hefur
að stórnotendur kunni að nýta sér.
Lögin kveða á um breytt fyrir-
komulag gjaldtöku olíuskatta, þar
sem þungaskattskerfið er aflagt
og gjald lagt á olíu í staðinn. Fyrir
vikið verða til tvær gerðir olíu,
önnur gjaldlaus og auðkennd með
sérstöku litarefni. Slíka olíu verð-
ur til dæmis ólöglegt að nota á
einkabíla.
Bent hefur verið á að áður en
lögin taka gildi, 1. júlí á næsta ári,
kemur ekkert í veg fyrir að ein-
staklingar eða fyrirtæki kaupi sér
olíu í stórum stíl á gamla verðinu
og verði því í raun skattlaus á með-
an birgðir endast. Með þessu er
talið að stórnotendur geti jafnvel
sparað sér tugi milljóna króna.
Fyrir gildistöku laganna er líklegt
að lítrinn af olíu verði um helmingi
ódýrari en eftir gildistökuna. Hjá
Olíudreifingu fengust þær upplýs-
ingar að á hverjum tíma væri gert
ráð fyrir að umframbirgðir af olíu
í tönkum og geymum næmu um
einni milljón lítra. Olíugjaldið nem-
ur um 50 krónum og því yrði ríkið
af skatttekjum upp á 50 milljónir,
færi hún öll til gjaldskyldra nota.
Umframlítrar þessir gætu orðið
heldur fleiri þegar nær dregur
gildistöku laganna. Eftirliti með
því að ekki sé notuð gjaldfrjáls olía
til gjaldskyldra aðila á svo að felast
í að athuguð verði sýni úr olíu-
geymum ökutækja.
Olíugjaldsfrumvarpinu hefur
verið harðlega mótmælt af ýms-
um hagsmunaaðilum. Samtök at-
vinnulífsins hafa m.a. sagt að ein-
hugur ríki „meðal þeirra sem reka
atvinnubíla um að frumvarp um
olíugjald og kílómetragjald o.fl.
sé meingallað og feli í sér bæði
aukna og flóknari skattheimtu
sem ekkert tengist markmiðum
frumvarpsins um að gera rekstur
smærri dísilbifreiða hagkvæm-
ari“. Þá hefur Olíudreifing bent á
að eftir gildistöku laganna verði
ekki hægt að samnýta ferðir tank-
bíla út á land til áfyllingar á mörg-
um stöðum. Í athugasemdum sem
fyrirtækið skilaði vegna frum-
varpsins kemur fram að auka-
kostnaður vegna eldsneytisdreif-
ingarinnar nemi 140 milljónum
króna á ári.
olikr@frettabladid.is
Umferðareftirlit:
Teknir á
hlaupum
LÖGREGLA Þrír ungir menn
reyndu að hlaupa af sér lögreglu
á Ísafirði um klukkan fjögur að-
faranótt laugardags eftir að bíll
þeirra var stöðvaður í reglu-
bundnu eftirliti. Þeir náðust þó
allir, að sögn lögreglunnar á Ísa-
firði, enda sprækir menn á vakt.
Mennirnir, sem eru í kringum 18
ára aldurinn, reyndust allir und-
ir áhrifum áfengis, en mismikl-
um þó. Þeir voru teknir til yfir-
heyrslu og gistu fangageymslur
til morguns. Að sögn lögregl-
unnar á Ísafirði telst málið upp-
lýst, enda ljóst orðið hver ók
bílnum. ■
LAGASETNING Baldur Guðlaugsson,
ráðuneytisstjóri í fjármálaráðu-
neytinu, segist ekki eiga von á að
gert sé ráð fyrir gagnráðstöfunum
vegna hugsanlegs olíuhamsturs
áður en lög um olíugjald taka gildi.
„Ennþá er ár í að lögin taki gildi og
ljóst að á þessum tíma á eftir að
eiga sér stað margs konar undir-
búningur og setning nánari reglna.
Það hefur nú samt, a.m.k. ekki enn-
þá, komið upp í umræðunni sá
möguleiki að þjóðin sé að birgja sig
upp af olíu.“ Baldur segir hins veg-
ar ljóst að ákveðnir aðilar verði
undanþegnir gjaldi á olíu. „Til þess
að auðkenna þá olíu, verður hún lit-
uð. Síðan er gert ráð fyrir að fylgst
verði með notkuninni, líkt og gert
er víða í Evrópu. Með því eftirliti
verður athugað hvort aðrir aðilar
sem eiga ekki rétt á gjaldfrjálsri
olíu hafa með einhverjum hætti
orðið sér úti um hana og séu að
nota á sínum ökutækjum. En þarna
verður eins og gengur verðmunur
og á eftir að koma í ljós hvort ein-
hverjir láta freistast vegna þess,“
segir Baldur og bætir við að viður-
lög liggi við brotum af því tagi. ■
SVONA ERUM VIÐ
ERLENDIR RÍKISBORGARAR
Á ÍSLANDI
Pólland 1.856
Danmörk 870
Filippseyjar 609
Þýskaland 551
Serbía/Svartfjallaland 529
Bandaríkin 521
Taíland 474
Litháen 395
Bretland 370
Svíþjóð 326
HEIMILD: HAGSTOFAN
ÍSLENSKUR FORSTJÓRI
OPERA SOFTWARE
Jón Stephenson von Tetzchner er meðal 25
helstu forstjóra Evrópu að mati Business
Week, viðskiptatímaritsins virta. Eitt út-
breiddasta tölvutímarit heims hefur útnefnt
netvafra fyrirtækisins þann besta á árinu.
Lög um olíugjald:
Búast ekki við hamstri
OLÍUTANKARNIR Í ÖRFIRISEY
Ríkið gæti orðið af skatttekjum upp á tugi milljóna þegar ný
lög um olíugjald taka gildi næsta sumar. Þegar þungaskatts-
kerfið verður aflagt myndast tímabundið gat í gjaldtöku.