Fréttablaðið - 06.06.2004, Blaðsíða 20

20 6. júní 2004 SUNNUDAGUR
Herramenn Rogers
Hargreaves hafa glatt
unga sem aldna í ein 33
ár og virðast alltaf jafn
skemmtilegir. Herra-
bækurnar komu fyrst út árið 1971
og hafa selst í yfir 100 milljónum
eintaka á meira en 40 tungumál-
um. Tólf bækur um herramenn
hafa verið endurútgefnar hér á
landi og fjórar nýjar eru væntan-
legar með haustinu, sem og bæk-
ur um vinkonur þeirra sem heita á
frummálinu Little Miss.
Fátt er vitað um upp-
vaxtarár Roger Har-
greaves skapara
herramannanna. Hann
fæddist í Cleckheaton í
Jórvíkurskíri á Englandi og hafði
mikinn áhuga á því að gerast rit-
höfundur eða teiknimyndahöfund-
ur. Hann starfaði lengi vel við
auglýsingateiknun og var meðal
annars listrænn stjórnandi hjá
auglýsingastofu í London.
Hargreaves kvæntist Christine
nokkurri og átti með henni fjögur
börn; Adam, Giles og tvíburasyst-
urnar Sophie og Amalíu. Hug-
myndin að herramönnunum
fæddist þegar sonurinn Adam var
sjö ára og spurði föður sinn
hvernig kitl liti út. Þá teiknaði
Hargreaves litla og hnöttótta
fígúru „með frámunalega langa
handleggi sem teygjast og teygj-
ast og teygjast,“ eins og segir í
bókinni um herra Kitla.
Hinn óviðjafnanlegi hr. Kitli
ruddi brautina fyrir 42 aðra
herramenn sem Hargreaves skap-
aði þar á meðal herra Fyndinn,
herra Forvitinn, herra Gráðugan
og herra Latan. Herra Hamingju-
samur hefur ávallt notið mestra
vinsælda.
Bækurnar hlutu slíkar
viðtökur að Hargrea-
ves lagði auglýsinga-
starfið á hilluna og
sneri sér alfarið að
herramönnunum. Hann vann að
bókunum á heimili sínu í bænum
Kent.
Sonurinn Adam, sem er nú 41
árs, segir að einfaldleikinn sé lyk-
illinn að velgegni herramannana.
„Faðir minn átt auðvelt með að
fanga persónueinkenni fólks og
gera góðlátlegt grín að þeim,“
sagði Adam þegar herramennirn-
ir fögnuðu 30 ára afmæli fyrir
nokkrum árum. „Það geta allir
fundið sjálfa sig í herramönnun-
um, hvort sem það er hr. Fyndinn,
hr. Gleyminn, hr. Ruddi eða herra
Sóði.“
Í tilefni af þrjátíu ára afmæl-
inu kom nýr herramaður í heim-
inn, Mr Cheeky sem heitir líklega
herra Frakkur á íslensku. Átta ára
stelpa, Gemma Almond, frá
Þýskalandi átti hugmyndina að af-
mælisbarninu en hún fór með sig-
ur af hólmi í keppni sem haldin
var um allan heim.
Flestir Íslendingar
kannast við Herrabæk-
urnar. Bókaútgáfan Ið-
unn gaf fyrstu bæk-
urnar út á áttunda ára-
tug síðustu aldar en hlé varð á út-
gáfunni um nokkurt skeið. JPV-
bókaútgáfan hóf endurútgáfu
þeirra fyrir tveimur árum og eru
þær nú orðnar tólf talsins og hafa
selst í yfir 25 þúsund eintökum.
Fjórar bækur til viðbótar verða
líklega prentaðar í haust; herra
Hávær, herra Rugli, herra Skoppi
og herra Ómögulegur.
Færri vita að Hargreaves
teiknaði einnig konur í svipuðum
stíl og herramennina. Fyrsta bók-
in heitir Litle Miss Bossy, eða frú
Ráðrík, og eru þær rúmlega 30
talsins. Má þar meðal annars
nefna frú Óþekka, frú Snyrtilega
og frú Upptekna.
Íslendingar munu brátt fá að
kynnast Little Miss en JPV-útgáf-
an hefur sett fjórar bækur í þýð-
ingu sem fara í dreifingu í haust.
Svo gæti einnig farið að bækurnar
Adult Mr Men verði gefnar út en
þær eru litlar grínbækur fyrir
fullorðna sem eru byggðar á
herramönnunum.
Hr. Hargreaves lést
fyrir 16 árum þá 53
ára. Adam hefur haldið
uppi merkjum föður
síns með teikningum
innblásnum af gleði og glensi.
Systir Adams, Amilía Beddoe,
hefur einnig lagt hönd á plóginn
en saman reka systkinin herra-
mannaveldið sem er staðsett í
Tunbridge Wells. Réttinn að
herramönnunum á ekkja Har-
greaves og talið er að útgáfurétt-
urinn einn og sér sé metin á 130
milljónir punda.
Herramennirnir hafa ekki látið
sér nægja að koma út á prenti því
þeir hafa einnig leikið í sjónvarps-
þáttum auk þess sem hægt er að
kaupa ýmsar vörur tengdar þeim,
þar á meðal nærfatnað sem
kenndur er við frú Óþekku, Little
Miss Naughty.
Meira en 100 milljónir bóka um
herramennina hafa verið seldar
um allan heim frá 1971 og er
Hargreaves næstsöluhæsti höf-
undurinn á eftir J.K. Rowling,
höfundi Harry Potter bókanna.
kristjan@frettabladid.is
Bækurnar um herramennina hafa notið
gríðarlegra vinsælda síðustu ár. Nýir
herramenn munu líta dagsins ljós í haust.
Þeir eiga vinkonur sem verða brátt íslenskaðar.
Íslenskum
herramönnum
fjölgar
[ Um herramennina ]
Roger Hargreaves er höfundur
herrabókanna.
Herramennirnir voru upphaflega
skrifaðir fyrir Adam Hargreaves,
son Rogers.
Fyrsta bókin um herramennina
var herra Kitli. Hún kom út árið
1971 og kostaði aðeins 15 penní.
Roger Hargreaves skrifaði einnig
bækur fyrir dætur sínar. Þær heita
Little Miss og var frú Ráðrík sú
fyrsta í röðinni. Þær eru nú orðnar
30 talsins.
Herrabækurnar hafa komið út í
meira en 40 löndum.
Sjónvarpsþáttur hefur verið gerður
um Herramennina.
HERRA KITLI
HERRA SÆLL
HERRA SÓÐI
HERRA LATUR
HERRA FYNDINN
Íslenskir herramenn:
HERRA LATUR
HERRA FYNDINN
HERRA KJAFTASKUR
HERRA STERKUR
HERRA SUBBI
HERRA SKELLUR
HERRA LÍTILL
HERRA KITLI
HERRA ÆÐISLEGUR
HERRA SÆLL
HERRA JÓLI
HERRA RUDDI
Væntanlegir:
HERRA HÁVÆR
HERRA RUGLI
HERRA SKOPPI
HERRA ÓMÖGULEGUR