Fréttablaðið - 06.06.2004, Blaðsíða 39
31SUNNUDAGUR 6. júní 2004
„Við borðum mikilvægustu
máltíð dagsins oft á dag“
„Ég borða mikilvægustu máltíð
dagsins strax eftir útsendingu“
Mikilvægasta máltíð dagsins
NIÐURLÆGING
Wayne Rooney og Gary Neville fagna fyrra marki Rooney en Pétur Marteinsson stendur
niðurlútur hjá.
Skelfilegur
varnarleikur
Íslenska landsliðið í knattspyrnu gerði sig að at-
hlægi gegn Englendingum í gær
FÓTBOLTI Logi Ólafsson landsliðs-
þjálfari hafði eftirfarandi að segja
þegar Fréttablaðið náði tali af hon-
um eftir leik: „Við erum auðvitað
mjög súrir með þessa niðurstöðu.
Vörnin var ekki að gera sig í leikn-
um en heppnin var á hinn bóginn
ekki beint með okkur. Við vorum, ef
svo mætti segja, jafn óheppnir í að
verjast tilraunum þeirra og við höf-
um verið heppnir áður - boltinn fer í
þrígang í varnarmann og þaðan inn.
Niðurstaðan úr leiknum er sú að
okkur vantaði athygli og það að vera
á tánum og fylgja eftir mönnum sem
koma lausir, þannig að varnarleikur-
inn var ekki nógu góður.
Við vorum að prófa nýja hluti í
þessari ferð sem við töldum að væri
skref fram á við, eins og að halda
boltanum meira innan liðsins og
fara fram völlinn en það verður ekki
bæði haldið og sleppt og svona til-
raun er bara þessu verði keypt.
Gegn Lettum lékum við massíva
vörn og vildum prófa meira núna og
sækja meira. Við sköpuðum okkur
fleiri færi í þessum tveimur leikjum
gegn Japönum og Englendingum
heldur en við höfum kannski áður
gert. Hins vegar liggur það í augum
uppi að við fengum á okkur alltof
mörg mörk og það er það sem við
erum ósáttir með,“ sagði Logi. ■
KNATTSPYRNA Hermann Hreiðarsson
og félagar í vörn íslenska liðsins
áttu ekki ekki góðan dag í leiknum
gegn Englendingum í gær „Þeir
nánast skora úr öllum sínum skot-
um á mark í fyrri hálfleik og við
vorum óheppnir, til að mynda þegar
boltinn á viðkomu í mig í fyrsta
markinu. En þetta var æfingaleikur
og við vildum reyna að spila boltan-
um á milli okkar í stað þess að ligg-
ja aftarlega og sækja síðan hratt
þegar tækifæri myndu gefast. Okk-
ur langaði að reyna það gegn svona
stórri þjóð og mér fannst það ganga
ágætlega á köflum, en þeir refsuðu
okkur grimmilega fyrir öll okkar
mistök,“ sagði Hermann í samtali
við Fréttablaðið eftir leikinn.
Arnar Grétarsson mátti sín lítils
gegn sterkum miðjumönnum Eng-
lands í gær. „Já, það verður að við-
urkennast að ég var orðinn dauð-
þreyttur þarna í lokin. En mér
fannst þetta helst til stór sigur og
með smá heppni hefðum við getað
skorað fleiri mörk. Það er bara
leiðinlegt að hafa ekki náð betri
úrslitum fyrir alla þessa íslensku
áhorfendur sem mættu á leikinn.“ ■
SÁRABÓT
Heiðar Helguson skokkar hér til baka eftir að
hafa skorað eina mark Íslands gegn Englend-
ingum. Með honum er Pétur Marteinsson.
Íslensku leikmennirnir voru vonsviknir í leikslok:
Refsuðu okkur
grimmilega
FÓTBOLTI Það fór eins og svo margir
bjuggust við; Íslendingar riðu ekki
feitum hesti frá leiknum við Eng-
lendinga á æfingamótinu í
Manchester í gær, og urðu að sætta
sig við sitt stærsta tap í langan
tíma, 6-1. Það var herfilegur varn-
arleikur sem varð íslenska liðinu
að falli, enn einu sinni, og hefðu
Englendingar hæglega getað skor-
að fleiri mörk en raun bar vitni.
Þeir ensku tóku fljótlega öll
völd á vellinum og eftir að Frank
Lampard hafði brotið ísinn með
marki um miðjan fyrri hálfleik
opnuðust allar flóðgáttir í ís-
lensku vörninni. Wayne Rooney
bætti við tveimur góðum mörkum
sem voru gjöf af hálfu íslenska
liðsins, og eingöngu lélegri dekk-
ingu um að kenna. Heiðar Helgu-
son náði að minnka muninn á 42.
mínútu úr nánast fyrsta alvöru
marktækifæri íslenska liðsins, en
hann skallaði í netið af stuttu færi
eftir hornspyrnu.
Sven-Göran Eriksson gerði níu
breytingar á sínu liði í hálfleik en
virtist það litlu breyta. Englend-
ingar löbbuðu hvað eftir annað í
gegnum vörn Íslands og var
hreinlega pínlegt að horfa upp á
íslenska liðið. Ófarirnar ætluðu
engan endi að taka og þegar upp
var staðið hafði Darius Vassell
bætt við tveimur mörkum og Wa-
yne Brigde öðru.
Það þurfti engan stórleik frá
enska liðinu til að leggja það ís-
lenska að velli. Það kom berlega í
ljós á þessu æfingamóti að leið-
toga vantar í þetta íslenska lið,
bæði á miðjunni en þó sérstak-
lega í vörninni. Og að jafn gullið
tækifæri og að fá að taka þátt í
æfingamóti með Englandi og Jap-
an skuli ekki vera betur nýtt er
mikið umhugsunarefni. Íslend-
ingar voru einfaldlega aðhlát-
ursefni í þessum leik. Ljóst er að
menn þurfa að hugsa sinn gang,
og það verulega. ■
Logi Ólafsson, landsliðsþjálfari, um leikinn:
Vorum óheppnir