Fréttablaðið - 07.06.2004, Blaðsíða 2

2 7. júní 2004 MÁNUDAGUR
Íslenskættuð kona í Texas:
Banaði eiginmanni sínum
eftir hávaðasamt rifrildi
MANNDRÁP Kona af íslenskum ættum,
Connie Newman, hefur verið ákærð
fyrir að bana eiginmanni sínum í
Texas í Bandaríkjunum 6. apríl síð-
astliðinn. Talið er að konan, sem er
39 ára gömul, hafi skotið eiginmann-
inn, Cory Newman, í höfuðið eftir
hávaðasamt rifrildi á heimili þeirra.
Þegar lögreglan kom á vettvang var
konan handtekin og færð í varðhald í
fangelsi Navarro-sýslu. Talið er að
maðurinn hafi látist samstundist.
Lögreglan segist nokkuð viss um
hvernig atburðarásinni var háttað og
rannsakar málið sem manndráp.
Hún staðfestir að konan hafi notað
380 kalíbera sjálfvirka handbyssu
við verknaðinn. Samkvæmt blaðinu
Corsicana Daily Sun hringdi konan
sjálf í neyðarlínuna eftir atvikið og
játaði að hafa skotið manninn til
bana.
Lögreglan í Corsicana rannsakar
málið sem manndráp en refsirammi
í slíkum málum er samkvæmt dóms-
málaráðuneyti Texas-ríkis eigi
minna en 5 ár og eigi meira en 99 ár,
eða lífstíðardómur í fangelsi. Þá
flokkast verknaðurinn ekki til
glæpa sem refsað er fyrir með
dauðadómi.
Connie Newman er af íslensku
bergi brotin og hafa ættingjar henn-
ar og vinir á Íslandi óttast að hún
hlyti dauðadóm fyrir verknaðinn.
Hún hefur þó búið í Bandaríkjunum
alla sína ævi. Heimildir blaðsins
herma að hjónabandið hafi verið
stormasamt um langa hríð og að hún
hafi sjálf hlotið talsverða áverka í
átökunum á heimilinu áður en hún
banaði manninum. ■
Óljós málamiðlun
Ríkisstjórn Sharons samþykkir óljósa málamiðlun um brottflutning frá
Gaza-strönd. Óvissa ríkir áfram um framtíð landtökubyggðanna. Engin
lausn fengin á deilum innan stjórnar Sharons.
JERÚSALEM, AP Ríkisstjórn Ísraels
samþykkti í gær hugmyndir Ariels
Sharon um brottflutning allra Ísra-
elsmanna frá Gaza-strönd í megin-
atriðum, en frestaði þó atkvæða-
greiðslu um að leggja niður rúm-
lega 20 byggðir landtökumanna á
svæðinu.
Orðalag tillögunnar var nægi-
lega óljóst til þess að bæði Sharon
og andstæðingar hans innan stjórn-
arinnar geti lýst yfir sigri. Stjórn-
arkreppu er forðað, að minnsta
kosti í bráð, en engin raunveruleg
lausn fékkst á deilum innan stjórn-
arinnar.
„Ríkisstjórnin ákvað í dag að í
árslok 2005 muni Ísraelsmenn
hverfa frá Gaza og fjórum byggð-
um á Vesturbakkanum,“ sagði Shar-
on að fundinum loknum.
Hugmynd hans er sú að leggja
niður í áföngum allar landtöku-
byggðir á Gaza-svæðinu og fjórar á
Vesturbakkanum, og þessu ferli á
að ljúka fyrir lok næsta árs. Meiri-
hluti Ísraelsmanna styður þessar
hugmyndir.
Samþykkt stjórnarinnar í gær
var málamiðlun, sem heimilar
stjórninni að hefja þegar í stað und-
irbúning að því að leggja niður
byggðir landtökumanna, en felur þó
ekki í sér neina heimild til þess að
leggja þær niður. Um það þarf
stjórnin að greiða atkvæði í mars á
næsta ári, þegar undirbúningurinn
er hafinn.
Andstæðingar þessara áforma
vonast til þess að geta notað þennan
tíma til þess að koma í veg fyrir að
nokkuð verði úr þeim, en Sharon og
fylgismenn hans vonast á hinn bóg-
inn til þess að geta notað tímann til
þess að sannfæra andstæðinga sína.
Afdrif landtökubyggðanna eru
því eftir sem áður í óvissu.
Palestínskir ráðamenn sögðust
hafa efasemdir um þessi áform.
„Ef það tók svona langan tíma
fyrir ísraelsku ríkisstjórnina að
samþykkja þessa brotakenndu áætl-
un, þá velti ég því fyrir mér hve
langan tíma þarf til að hrinda henni
í framkvæmd,“ sagði Saeb Erekat,
ráðherra og aðalsamningamaður
Ísraelsmanna. ■
SEX Á SLYSADEILD Sex manns
voru fluttir á slysadeild eftir
árekstur tveggja bíla á mótum
Stórhöfða og Viðarhöfða laust eftir
klukkan fjögur í gær. Ekki lágu
fyrir nánari upplýsingar um tildrög
slyssins hjá lögreglu, en fólkið var
sagt lítið meitt. Vakthafandi læknir
á slysadeild sagði að fjóra hefði
verið hægt að senda heim fljótlega,
en einn hefði verið lagður inn á
sjúkrahúsið til nánari skoðunar.
TEKINN FULLUR Lögreglan í
Kópavogi greip einn ökumann
grunaðan um ölvunarakstur klukk-
an 7 að morgni sunnudags. Ekki
var um það að ræða að ökumaður-
inn hafi ekki gætt að því að láta
renna nógu vel af sér áður en hann
settist undir stýri. „Hann var bara
fullur,“ sagði lögreglan í Kópavogi.
TF-LIF
Þyrla Landhelgisgæslunnar var send upp á
Snæfellsjökul til að ná í mann er slasaðist
við snjóbrettaiðkun.
Slys á Snæfellsjökli:
Slasaðist á
snjóbretti
SNJÓBRETTASLYS Þyrla Landhelgis-
gæslunnar, TF-LÍF, sótti um há-
degisbilið í gær mann sem hafði
slasast á snjóbretti á Snæ-
fellsjökli.
Læknir á Ólafsvík gerði Land-
helgisgæslunni viðvart um slysið
um hálfeittleytið í gær. Óskaði
hann eftir þyrlu í viðbragðsstöðu
en var sjálfur á leið á slysstað. Að
sögn Landhelgisgæslunnar er
talið að maðurinn hafi hlotið bak-
meiðsli og því var ekki talið ráð-
legt að flytja hann landleiðina á
sjúkrahús.
Þyrlan kom til Reykjavíkur á
þriðja tímanum. Hann var fluttur
á Landspítalann í Fossvogi. Mað-
urinn er ekki í lífshættu. ■
■ LÖGREGLUFRÉTTIR
■ LÖGREGLUFRÉTTIR
„Nei, nei. Þetta verður ný vídd í
grillþáttum.“
Vilhelm Jónsson er söngvari hljómsveitarinnar
200.000 naglbítar og ætlar ásamt bróður sínum
Kára að vera með grillþátt í sumar á Skjá einum.
Sýningar hefjast þann 24. júní næstkomandi.
SPURNING DAGSINS
Villi, er ekki komið nóg af grillþáttum?
FLUTTUR Á SLYSADEILD Ökumað-
ur slasaðist í bílveltu á Skeiða-
vegi til móts við Brautarholt
skömmu fyrir klukkan eitt að-
faranótt sunnudags. Maðurinn
var fluttur á slysadeild Landspít-
ala - háskólasjúkrahúss í Foss-
vogi þar sem hann liggur á gjör-
gæsludeild til rannsókna. Lög-
reglan á Selfossi sagði manninn
grunaðan um ölvun við akstur.
ÖLVAÐUR Í MORGUNSÁRIÐ Lög-
reglan í Borgarnesi sagði umferð
hafa gengið mjög vel í kjördæmi
sínu framan af sunnudegi, hraði
þokkalegur og ökumenn í góðu
standi. Tveir voru þó gripnir fyr-
ir of hraðann akstur á sunnudag
og einn tekinn grunaður um
ölvun við akstur í morgunsárið.
NOKKRIR TEKNIR Nokkrir voru
teknir fyrir of hraðan akstur og
nokkrir grunaðir um ölvun við
akstur í umdæmi lögreglunnar í
Stykkishólmi um helgina. Að
sögn lögreglu var mest verið við
umferðareftirlit og þótti umferð
hafa gengið nokkuð vel. Skemmt-
anahöld vegna sjómannadags
fóru vel fram og kom ekki til af-
skipta lögreglu vegna þeirra.
Hrefnuveiðar í vísindaskyni:
Hrefnurnar magurri nú en áður
HREFNUVEIÐAR Hrefnurnar sem
veiddar voru hér við land á síð-
asta ári voru mun magurri en á
árum áður, þegar hvalveiðar voru
stundaðar í atvinnuskyni, að sögn
Kristins Péturssonar, fram-
kvæmdastjóra Gunnólfs á Bakka-
firði. Hrefnuveiðar í vísindaskyni
voru leyfðar hér við land í fyrra-
sumar en þá höfðu þær verið
bannaðar síðan árið 1990. Í fyrra
voru 36 hrefnur veiddar og heim-
ilað hefur verið að veiða 25 í ár.
„Vistkerfið í sjónum á tak-
markaða fæðu og það er ekki
endalaust hægt að safna hvala-
fjölda, fuglafjölda og fiska-
fjölda,“ segir Kristinn.
Að sögn Kristins höfðu hrefn-
urnar sem veiddust í fyrra mjög
lítið magainnihald auk þess að
vera horaðar. „Magainnihaldið í
þeim flestum komst fyrir ofan í
einni majónesdós,“ segir Kristinn
og bætir við að spiklagið á hrefn-
unum sem veiddust í fyrra hafi
einungis verið milli 35 og 40 milli-
metrar. Áður hafi hins vegar 50
til 70 mm spiklag verið algengt.
„Þessar hrefnur eru miklu hor-
aðri en þær sem voru að veiðast á
árum áður,“ segir Kristinn.
Gísli A. Víkingsson, hvalasér-
fræðingur á Hafrannsóknastofn-
uninni, segir engar mælingar
liggja fyrir um holdafar hrefnu
sem veiddist á árum áður og því
ekki hægt að sannreyna hvort
hrefnan sé magurri nú. Hins
vegar sé talið að hrefnustofninn
hér við land hafi vaxið upp í há-
marksstærð og því takmarki
fæðuframboð vöxt dýra og
stofnstærð. ■
Vopnafjörður:
Keyrt á kind
og lamb
UMFERÐARÓHAPP Keyrt var á kind
og lamb hennar fyrir nokkrum
dögum í Vopnafirði. Kindin og
lambið drápust og voru þær
dregnar út fyrir veg. Ökumaður-
inn keyrði á brott og tilkynnti ekki
um óhappið. Lögreglan á Vopna-
firði óskar eftir því að sá ábyrgi
gefi sig fram hið fyrsta. ■
FR
ÉT
TA
B
LA
Ð
IÐ
/S
TE
FÁ
N
Íranar:
Spá Könum
vonbrigðum
TEHERAN, AP Íranar spá því að niður-
staða Alþjóðakjarnorkumálastofn-
unarinnar um kjarnorkuáætlun
ríkisins eigi eftir að valda Banda-
ríkjamönnum vonbrigðum.
Íranar búast ekki við að Banda-
ríkjamenn muni hafa áhrif á niður-
stöðu kjarnorkumálastofnunar
Sameinuðu þjóðanna um hvort
kjarnorkuáætlun Írana brjóti í
bága við alþjóðasamþykktir. Mál-
efni Írans verða til umræðu á fundi
Alþjóðakjarnorkumálastofnunar-
innar í þessum mánuði. Bandaríkin
hafa varað við því að Íranar reyni
að koma sér upp kjarnorkuvopn-
um. ■
HREFNA VEIDD
Rætt er um að hrefnurnar sem veiddust hér við land í fyrra séu magurri en tíðkaðist á
árum áður, þegar hvalveiðar voru stundaðar í atvinnuskyni.
BÍÐUR EFTIR FARI
Þessi ísraelska kona beið eftir fari við landtökubyggðina Kfar Darom
á Gaza-strönd. Skriðdreki gætir inngangsins að landtökubyggðinni.
AP
/T
SA
FR
IR
A
B
AY
O
V