Fréttablaðið - 07.06.2004, Blaðsíða 6

6 7. júní 2004 MÁNUDAGUR
Sprengjuárásir halda áfram í Írak:
Tvær lögreglustöðvar sprengdar
BAGDAD, AP Sprengja sprakk í gær í
bifreið skammt frá hliði banda-
rískrar herstöðvar norðan við
Bagdad. Sex manns týndu þar lífi og
tuttugu særðust, þar á meðal tveir
bandarískir hermenn.
Þá hófu byssumenn skothríð á
lögreglustöð í Sadr-hverfinu í
Bagdad, en í því hverfi búa mest sít-
ar. Árásarmennirnir skipuðu bæði
bandarískum hermönnum og írösk-
um lögreglumönnum að hafa sig á
burt og sprengdu síðan bygginguna.
Seint á laugardagskvöldið var
önnur lögreglustöð, suður af
Bagdad, sprengd í loft upp og féllu
þar sjö lögreglumenn.
Þrátt fyrir þessar árásir hefur
spenna minnkað heldur í hinum
helgu borgum síta, Najaf og Kufa,
eftir að samkomulag náðist um að
íraska lögreglan fengi það verkefni
að takast á við uppreisnarlið hins
róttæka klerks Muqtada al-Sadr,
sem bandarískir hermenn hafa ver-
ið að berjast við með litlum árangri
undanfarið. ■
SJÓMANNADAGURINN Sjómannadag-
urinn var haldinn hátíðlegur um
land allt í gær. Á sjómannadaginn
safnast fólk saman alls staðar á
landinu og vottar hinu mikilvæga
starfi sjómannsins virðingu sína
og samfagnar með vinum og
kunningjum.
Á Miðbakka í Reykjavík gátu
allir fundið eitthvað við sitt hæfi
og voru meðal annars leiktæki
fyrir yngstu kynslóðina, sýning á
fiskum sem lifa í sjónum kringum
Ísland, ráarslagur, kappróður og
margt fleira.
Þrátt fyrir góða veðrið skyggðu
kjaramál sjómanna því miður á há-
tíðarhöldin. Nú eru kjarasamning-
ar sjómanna lausir og er það mikið
áhyggjumál, eins og Jónas Garð-
arsson, formaður Sjómannafélags
Reykjavíkur lýsti yfir í ræðu sinni.
„Ísland er eyland og því er nauð-
synlegt fyrir okkur að hafa góða
sjómenn á kaupskipum,“ sagði
Jónas í ræðu sinni og lýsti yfir
áhyggjum sínum af fjölgun sjó-
manna af erlendu bergi brotnu á
íslenskum farskipum. „Því miður
held ég að ekkert gerist í samn-
ingaviðræðum fyrr en ný ríkis-
stjórn stígur á stokk,“ sagði Jónas
og bætti við að stjórnvöld þyrftu
að grípa inn í launamál sjómanna
og jafnvel fara að fordæmi frænda
okkar á Norðurlöndunum. „Nú er
hægt að fá fimm erlenda háseta á
sömu launum og einn íslenskur há-
seti þyrfti að fá. Auðvitað eru þetta
freistingar sem útgerðin grípur og
það er mjög miður,“ sagði Jónas.
Hefð er fyrir því að heiðra sjó-
menn á sjómannadaginn fyrir gott
og öflugt starf. Fimm sjómenn
voru heiðraðir og var Reynir
Björnsson, 65 ára Kópavogsbúi,
einn af þeim. Reynir byrjaði á tog-
aranum Þorsteini Ingólfssyni árið
1954, aðeins fimmtán ára. Reynir
var háseti í nokkur ár þangað til
hann slasaðist og fór í Loftskeyta-
skólann árið 1957. Nú er Reynir á
eftirlaunum en er þó í kafi í
félagsmálum. „Ég er mjög sáttur
við daginn í dag þó að kjaramál
sjómanna liggi öll í lausu lofti. Ég
er sammála Jónasi Garðarssyni í
flestu og finnst hræðilegt að ekk-
ert fraktskip sé skráð á Íslandi og
sigli undir íslenskum fána,“ sagði
Reynir en var þó bjartsýnn fyrir
hönd sjómanna. „Sjómenn þurfa
bara að hrista þetta af sér og
standa fyrir sínu. Það er gott
veður í dag og áhugi á sjómanna-
deginum hefur farið vaxandi
þannig að ég get ekki kvartað,“
sagði Reynir að lokum.
lilja@frettabladid.is
ÖLVUNARAKSTUR Á AKUREYRI
Einn maður var tekinn fyrir
ölvunarakstur á Akureyri í
gærmorgun. Lögreglan á Akur-
eyri tók blóðsýni úr manninum
og er það nú í rannsókn. Nokkr-
ir voru teknir fyrir of hraðan
akstur en þeir voru fáir miðað
við veður og árstíma, að mati
lögreglunnar.
ÖLVAÐUR MAÐUR Í FANGA-
GEYMSLU Einn maður gisti
fangageymslur lögreglunnar á
Dalvík aðfaranótt sunnudags.
Maðurinn var ofurölvi og urðu
smávægileg átök á milli lög-
reglunnar og mannsins. Mað-
urinn fékk því að gista í fanga-
geymslu en var sleppt í gær-
morgun.
■ EVRÓPA
VEISTU SVARIÐ?
1Hversu gamall var Ronald Reaganþegar hann lést?
2Þremur skipverjum var bjargað afnetabát sem sökk á föstudagskvöld.
Hvað hét báturinn?
3DVD-diskar með hvaða ítölskuteiknimyndafígúru hafa selst grimmt
að undanförnu?
Svörin eru á bls. 30
HÁSKÓLAÚTGÁFAN
www.haskolautgafan.is
Íslenskur útsaumur
Yfirlit um hefðbundin íslensk útsaums-
verk, kynningu á gömlum íslenskum
saumgerðum og úrvali íslenskra reita-
munstra. Yfirgripmesta verk sem samið
hefur verið um útsaum á Íslandi fram
eftir öldum, og hefur að geyma fjölda
litmynda. Bókin fæst einnig á ensku.
Höfundur: Elsa E. Guðjónsson.
Jólasveinarnir þrettán
Vísur á íslensku, dönsku og
ensku um íslensku jóla-
sveinana, Grýlu, Leppalúða
og jólaköttinn.
Tilvalin gjöf til erlendra vina.
Höfundur: Elsa E. Guðjónsson.
BLAIR VIÐURKENNIR VANDA
„Ég samþykki að Írak sé vanda-
mál fyrir okkur,“ sagði Tony Blair,
forsætisráðherra Bretlands. „Ég
veit að sumir eru ákaflega mikið á
móti þeirri ákvörðun.“ Búist er
við því að Verkamannaflokki
Blairs gangi illa í þrennum kosn-
ingum sem haldnar verða í Bret-
landi 10. júní næstkomandi.
FLÓÐ Í MAKEDÓNÍU
Eftir fjögurra daga hellirigningu
í Makedóníu hafa ár flætt yfir
bakka sína og truflað umferð í
suðaustur- og vesturhluta lands-
ins. Flytja þurfti um hundrað
manns burt frá heimilum þeirra
og tugir húsa voru undir vatni.
Hjálparstarfsmenn:
Lausir úr
gíslingu
SÚDAN Súdanskir uppreisnarmenn
hafa sleppt sextán hjálparstarfs-
mönnum úr haldi. Hjálparstarfs-
mennina hnepptu þeir í gíslingu í
fyrradag en slepptu þeim aftur í gær.
Uppreisnarmennirnir, liðsmenn
Frelsishers Súdans, sögðust hafa
tekið hjálparstarfsmennina hönd-
um eftir að þeir villtust inn á svæði
sem er í höndum uppreisnar-
manna. Það hafi verið gert í þeirra
eigin þágu til að koma í veg fyrir að
þeir yrðu fyrir skaða. ■
BYSSUMENN Á AUÐUM GÖTUM
Myndin er tekin í hverfinu Sadr í Bagdad, þar sem lögreglustöð var sprengd upp í gær.
■ LÖGREGLUFRÉTTIR
Sólin setti mark sitt á
sjómannadaginn
Sjómannadagurinn var haldinn hátíðlegur í gær um land allt. Í Reykjavík var margt um að vera
og safnaðist fólk saman á Miðbakka til að taka þátt í hátíðarhöldunum. Jafnt ungir sem aldnir
skemmtu sér hið besta í blíðunni og nutu dagsins í faðmi fjölskyldu og vina.
EITTHVAÐ FYRIR ALLA
Margt var hægt að sjá á Miðbakka
og meðal annars hægt að fræðast
um hina ýmsu fiska sem lifa í
sjónum í kringum Ísland.
KODDASLAGUR
Björgunarsveitirnar á Miðbakka kepptu í ráarslag
og voru þeir ófáir sem lentu í sjónum.
FR
ÉT
TA
B
LA
Ð
IÐ
/H
AR
I
REYNIR BJÖRNSSON
Einn af þeim fimm sjó-
mönnum sem heiðraðir
voru fyrir vel unnin störf.
JÓNAS GARÐARSSON
Formaðnni Sjómannafélags Ís-
lands var mikið niðri fyrir vegna
kjarasamninga sjómanna.