Fréttablaðið - 07.06.2004, Blaðsíða 23
MÁNUDAGUR 7. júní 2004
Aftur í gang í
seinni hálfleik
Valur lenti undir gegn Stjörnunni eftir 20
sekúndur en skoraði 3 mörk eftir hlé og vann.
FÓTBOLTI Valskonur ætla að leggja
það í vana sinn að taka fyrst við
sér eftir hálfleiksræðu Elísabetar
Gunnarsdóttur, þær lentu 1–0
undir gegn Stjörnunni í gær eftir
fyrstu sókn en skoruðu þrjú góð
mörk í seinni hálfleik og eru
áfram með fullt hús á toppnum.
Laufey Ólafsdóttir jafnaði
leikinn með glæsimarki og var
best í annars jöfnu liði Vals.
„Við byrjuðum ekki nægilega
vel. Elísabet lét okkur heyra það í
hállfeik en róaði okkur jafnframt
niður því við vorum allt of æstar í
byrjun. Þetta er að byrja vel og
við ætlum að halda áfram á þess-
ari braut. Við erum samt ekkert
öruggar með neitt og það eru
mörg lið sem geta strítt okkur
eins og sást í dag,“ sagði Laufey
Ólafsdóttir en þjálfari hennar
Elísabet Gunnarsdóttir var sátt
með leikinn og fannst sínar
stúlkur hafa mikla yfirburði allan
tímann. Valsliðið náði þó fyrst að
spila sinn leik eftir hlé en liðið
hefur skorað öll sex mörkin sín á
tímabilinu í seinni hálfleik.
Auður Skúladóttir, spilandi
þjálfari Stjörnunnar, var sátt með
spilamennskuna en segir liðið
búið að missa af of mörgum
stigum. „Þetta er besti leikurinn
okkar í sumar og í fyrsta sinn sem
mér fannst við vera nægilega
vakandi. Við erum með ungt lið en
stelpurnar börðust vel. Ég er samt
ósátt með byrjunina hjá okkur en
ef við náum að byggja ofan á
þennan góða leik okkar fer örugg-
lega að ganga betur,“ sagði Auður
en Stjörnuliðið hafði gert tvö jafn-
tefli í fyrstu tveimur umferð-
unum.
STJARNAN–VALUR 1–3
1–0 Björk Gunnarsdóttir 1.
1–1 Laufey Ólafsdóttir 51.
1–2 Dóra María Lárusdóttir 57.
1–3 Dóra Stefánsdóttir 67.
BEST Á VELLINUM
Laufey Ólafsdóttir Val
TÖLFRÆÐIN
Skot (á mark) 6–30 (2–14)
Horn 1–12
Aukaspyrnur fengnar 11–10
Rangstöður 5–1
Spjöld (rauð) 0–0 (0–0)
GÓÐAR
Auður Skúladóttir Stjörnunni
Allison Jarrow Stjörnunni
Harpa Þorsteinsdóttir Stjörnunni
Lára Björg Einarsdóttir Stjörnunni
Laufey Ólafsdóttir Val
Rakel Logadóttir Val
Kristín Ýr Bjarnadóttir Val
Ásta Árnadóttir Val
Pála Marie Einarsdóttir Val
Dóra María Lárusdóttir Val
■ Það sem skipti máli
ÞÓR/KA/KS–FJÖLNIR 1–0
1–0 Freydís Anna Jónsdóttir 20.
BEST Á VELLINUM
Sandra Sigurðardóttir Þór/KA/KS
TÖLFRÆÐIN
Skot (á mark) 9–7 (6–5)
Horn 2–9
Aukaspyrnur fengnar 9–8
Rangstöður 0–6
Spjöld (rauð) 0–0 (0–0)
MJÖG GÓÐAR
Sandra Sigurðardóttir Þór/KA/KS
Ratka Zivkovic Fjölni
GÓÐAR
Hulda Frímannsdóttir Þór/KA/KS
Laufey Björnsdóttir Þór/KA/KS
Anna Rún Sveinsdóttir Fjölni
Kristrún Kristjánsdóttir Fjölni
Hrafnhildur Eymundsdóttir Fjölni
■ Það sem skipti máli
Landsbankadeild kvenna í knattspyrnu í gær:
Freydís Anna tryggði
Þór/KA/KS öll stigin
FÓTBOLTI Þór/KA/KS vann mikil-
vægan sigur á nýliðum Fjölnis í
baráttunni í neðri hluta Lands-
bankadeildar kvenna í gær.
„Það var rosalega slæmt að
tapa þremur stigum í þessum leik.
Við vorum að spila mjög vel að
mínu mati, nýttum færin illa og
þurfum að bæta úr því. Miðað við
gang leiksins og að báðum liðum
var spáð neðarlega þá ættum við
að geta haldið okkur uppi.“ sagði
Hrafnhildur Eymundsdóttir, fyr-
irliði Fjölnis, eftir tap gegn
Þór/KA/KS. Hin 16 ára Freydís
Anna Jónsdóttir tryggði
norðanstúlkum sigurinn með
marki í fyrri hálfleik og fyrir-
liðinn var alsæll eftir leik.
„Þrjú stig, þetta telur í barátt-
unni. Ég er mjög ánægð með þessi
stig og þetta er mjög mikilvægt.
Okkur gekk illa að skapa okkur
færi í leiknum en við erum búnar
að missa nokkra framherja og
erum við með nokkrar sprækar
stelpur frammi sem eru að standa
sig. Þetta er allt að koma.“ sagði
Þóra Pétursdóttir, fyrirliði
Þór/KA/KS, eftir leikinn. ■
MARK EFTIR AÐEINS 20 SEKÚNDUR
Stjörnustelpurnar Harpa Þorsteinsdóttir og Björk Gunnarsdóttir fagna marki þeirrar
síðarnefndu með tilþrifum en markið kom upp úr fyrstu sókn leiksins.