Fréttablaðið - 09.06.2004, Blaðsíða 2

2 9. júní 2004 MIÐVIKUDAGUR
Evrópukosningar:
Bannað að birta úrslit
BRUSSEL, AP Framkvæmdastjórn
Evrópusambandsins hefur til-
kynnt hollenskum stjórnvöldum
að hún kunni að kæra þau ef úrslit
úr kosningum til þings Evrópu-
sambandsins verða birt á fimmtu-
dag eins og búist er við.
Kosningum í 25 aðildarríkjum
ESB lýkur ekki fyrr en á sunnudag
og samkvæmt reglum sambandsins
má ekki greina frá úrslitum fyrr en
búið er að loka síðustu kjörstöðum.
Sveitarfélög halda utan um kosning-
arnar og talningu atkvæða í
Hollandi og samkvæmt þarlendum
lögum er þeim frjálst að gefa upp
niðurstöður kosninganna strax en
ekki titla þær sem opinber úrslit
fyrr en á sunnudag. ■
SJÁVARÚTVEGUR Hafrannsókna-
stofnunin telur afar brýnt að end-
urskoða hið fyrsta þá aflareglu
sem notuð er vegna þorskveiða
hérlendis, þar sem reynslan sýni
að afli undanfarinna ára hafi ekki
verið í samræmi við markaða nýt-
ingarstefnu íslenskra stjórnvalda.
Kemur þetta fram í nýrri skýrslu
Hafrannsóknastofnunar um
nytjastofna sjávar og er vitnað
þar í skýrslu nefndar sem sjávar-
útvegsráðherra setti á laggirnar
árið 2001 til að meta reynslu af
setningu aflareglu á þorskveiðar.
Nefndin kemst að þeirri niður-
stöðu í ljósi reynslunnar að 22
prósenta veiðihlutfall sé væn-
legra til árangurs en það 25 pró-
senta hlutfall sem hefur verið not-
að undanfarin ár. Jafnframt sé
brýnt að framfylgja reglunni með
markvissari hætti en verið hefur
og jafnvel þörf á frekari stjórnun
en notast hefur verið við frá upp-
hafi.
Árni M. Mathiesen sjávarút-
vegsráðherra segist ekki hafa
kynnt sér efni skýrslu nefndar-
innar en hún skilaði skýrslu sinni
í apríl síðastliðnum. „Ég hef ekki
kynnt mér rækilega efni hennar
en það er ráðgert að kynna helstu
tillögur þessarar nefndar á kom-
andi vikum. Þetta er viðamikið og
það eru fleiri mál sem tengjast
þessu þannig að við gefum okkur
meiri tíma vegna þess.“
Svonefnd aflaregla í þorski var
sett af stjórnvöldum árið 1995.
Hún kveður á um að einungis sé
heimilt að veiða sem nemur 25
prósentum af stærð veiðistofns
þorsks en þó aldrei minna en 155
þúsund tonn hvert fiskveiðiár. Var
alltaf gert ráð fyrir að þessi regla
kæmi til endurskoðunar en það er
fyrst nú sem Hafrannsókna-
stofnun kallar sérstaklega eftir
breytingum. Forsenda þess að
slíkar breytingar skili árangri er
að veiði verði ávallt hóflegt hlut-
fall af heildarstofni þorsksins.
albert@frettabladid.is
Færsla Hringbrautar:
Varað við sprengingum
Mannskætt flugslys:
Hrapaði í
fjöruborðinu
GABON, AP Í það minnsta fjórtán
manns létu lífið þegar farþega-
flugvél hrapaði í Atlantshafið rétt
undan strönd Afríkuríkisins
Gabon. Tíu manns af þrjátíu sem
voru um borð björguðust á lífi en
sex var enn saknað í gærkvöldi.
Flugvélin hrapaði skömmu
eftir flugtak frá flugvellinum við
Libreville, höfuðborg Gabon, og
féll í hafið 50 metra undan strönd-
inni. Vélarvandamál komu upp
stuttu eftir að vélin fór í loftið og
tilraun flugstjóra til að lenda flug-
vélinni mistókst.
Slökkvilið höfuðborgarinnar
og franskir sjóliðar hjálpuðust að
við björgunaraðgerðir. ■
„Nú eru breyttir tímar.
Sigur í næsta leik.“
Ingvar Þór Ólason er einn af burðajöxlunum í
meistaraflokki Fram í fótbolta. Undanfarin ár hefur
þeim gengið bölvanlega fram í ágúst en þá tekið
til við að vinna leiki. Nú hófu þeir Íslandsmótið
á sigri en hafa aðeins fengið tvö stig úr síðustu
fjórum leikjum og þykir sumum sem
þeir séu komnir í gamla farið.
SPURNING DAGSINS
Ingvar, var þetta þjófstart?
Kópavogsbær:
Vilja ekki
Orkuveituna
BÆJARMÁL Kópavogsbær íhugar
að hætta að kaupa rafmagn af
Orkuveitu Reykjavíkur og leitar
samninga hjá Orkuveitu Suður-
nesja.
„Við höfum skrifað Orku-
veitu Suðurnesja bréf um að
kaupa rafmagn af þeim. Við
erum fyrst og fremst að leita að
betra verði og þjónustu,“ segir
Gunnar I. Birgisson, formaður
bæjarráðs Kópavogs.
Gunnar segist óánægður
með verðið hjá Orkuveitu
Reykjavíkur. „Við nágranna-
sveitafélögin erum með þessu
að borga niður óráðsíu R-list-
ans.“ Hann fullyrðir þetta sé
gert í hagræðingarskyni, en
ekki af pólitískum ástæðum. ■
AFGANSKIR HERMENN
Afganskir og bandarískir hermenn
urðu fyrir árás.
Blóðugur bardagi
Tugir féllu
AFGANISTAN, AP 21 talibani lét lífið í
bardögum við bandaríska og af-
ganska hermenn í suðurhluta
Afganistans. Fimm bandarískir her-
menn og tveir afganskir særðust í
bardaganum, sem braust út eftir að
talibanarnir gerðu hermönnunum
fyrirsát.
Jan Mohammad Khan, ríkisstjóri
í Uruzgan-fylki, sem liggur að
staðnum þar sem fyrirsátin var
gerð, sagði að yfir hundrað taliban-
ar hefðu tekið þátt í árásinni en her-
mennirnir notið aðstoðar herþota
sem réðust á talibanana. „Við söfn-
uðum saman 21 líki. Restin flýði
upp í fjöllin,“ sagði Khan. ■
LÖGREGLA Skotið var á bíl á plani fjöl-
býlishúss í efra Breiðholti í gær.
Skotið, sem fór í afturbretti bílsins,
er 22 kalibera og er talið að því hafi
verið skotið af stuttu færi.
Eigandi bílsins sagði í samtali við
blaðið að tveir litlir strákar, sem búa
á fjórðu hæð í sama fjölbýlishúsi og
hann, hafi verið að leika sér í bolta-
leik og notað hurðina hans sem
mark. Hann var orðinn þreyttur á
skarkalanum og sagði strákunum að
fara með boltann út að leika og
hætta að sparka í hurðina. Daginn
eftir þegar hann stóð með föður sín-
um á bílaplaninu segir hann fjóra
unga menn hafa komið á bíl og
numið á planinu. Þeir hafi verið
mjög æstir og sagt að hann ætti ekki
að skipta sér af strákunum á fjórðu
hæðinni, þeir mættu gera það sem
þeir vildu. Mennirnir hafi hótað að
drepa bíleigandann, börn hans og
föður ef hann skammaði drengina
aftur. Bíleigandinn sagðist hafa
kannast við einn mannanna úr
hverfinu, sem væri bróðir konunnar
á fjórðu hæðinni. Fyrir þremur dög-
um hafi svo verið keyrt utan í bíl
hans þar sem honum var lagt á plan-
inu og síðast í gær hafi verið skotið
á bílinn. Bíleigandinn sagðist ekki
vita hvort þessi mál tengdust en
málið er í rannsókn lögreglunnar. ■– hefur þú séð DV í dag?
Sérþjálfaðir verðir
vakti stjórnarráðið
KOSNINGARNAR AUGLÝSTAR
Stjörnum Evrópusambandsins var varpað á
Trevi-gosbrunninn í Róm til að minna á
kosningarnar.
FRAMKVÆMDIR Búið er að gefa út til-
kynningu meðal íbúa í Hlíðahverfi
um að vegna framkvæmda við
færslu Hringbrautar megi búast við
sprengingum og titringi samfara
þeim. Háfell ehf., sem hefur umsjón
með verkinu, fullyrðir þó að engin
hætta stafi af sprengingunum.
Búið er að koma fyrir titrings-
mælum á húsum í grennd við fram-
kvæmdirnar, sem mæla nákvæm-
lega styrk og tíma sprenginganna.
Einnig er búið að mynda húsin í ná-
grenninu í samvinnu við trygginga-
félögin til að tryggja að allt sé með
felldu. Til aðvörunar um að von sé á
sprengingu verður gefið hljóðmerki.
Búist er við að sprengingarnar taki
einn til einn og hálfan mánuð. ■
BORAÐ FYRIR SPRENGIEFNI
Byrjað verður að sprengja
á allra næstu dögum.
Bíleiganda var hótað fyrir fáum dögum:
Skotið á bíl í Breiðholti
ÖFLUG FISKISKIP
Hafrannsóknastofnun kallar eftir
endurskoðun á þeirri aflareglu
sem notast hefur verið við í
þorskveiðum frá árinu 1995.
FR
ÉT
TA
B
LA
Ð
IÐ
/V
AL
LI
Brýnt að endurskoða
aflareglu í þorski
Sjávarútvegsráðherra mun á næstu vikum kynna tillögur nefndar sem
haft hefur þann starfa að meta árangur af svonefndri aflareglu í þorsk-
veiðum. Hafrannsóknastofnun kallar eftir breytingum hið fyrsta.
LÖGREGLUMENN SKOÐA VERKSUMMERKI
Eiganda bílsins hafði verið hótað nokkrum dögum áður, en hann segist ekki viss um hvort
það tengist því að skotið hafi verið á bílinn.
HARÐUR ÁREKSTUR Ökumenn
tveggja bifreiða sluppu ómeiddir
eftir harðan árekstur við Skeiðar-
holt í Mosfellsbæ í gær. Flytja
þurfti aðra bifreiðina burt með
kranabíl og hinn skemmdist ein-
nig nokkuð. Ökumennirnir voru
einir í bílunum þegar áreksturinn
átti sér stað.
VELTI BÍL Einn var fluttur á
sjúkrahús eftir að bifreið valt
skammt sunnan við Krísuvíkur-
afleggjara á Þorlákshafnarvegi í
gærkvöldi. Hann var ekki talinn
alvarlega slasaður.
GUNNAR I. BIRGISSON
Segir verðið betra hjá Orkuveitu Suðurnesja.
■ LÖGREGLUFRÉTTIR