Fréttablaðið - 10.06.2004, Blaðsíða 10

10 10. júní 2004 FIMMTUDAGUR
ENN VERIÐ AÐ TELJA
Talning atkvæða sem voru greidd í filipps-
eysku forsetakosningunum gengur hægt.
Niðurstaða verður að liggja fyrir áður en
mánuðurinn er úti en búist er við harka-
legum viðbrögðum hver sem þau verða.
Leikskólar Garðabæjar opnir allt árið:
Leikskólar Reykjavíkur
stytta sumarlokanir
LEIKSKÓLAR Leikskólar Reykjavíkur
verða lokaðir í hálfan mánuð í sum-
ar. Það er helmingi styttri tími en á
síðasta ári.
Bergur Felixson, framkvæmda-
stjóri Leikskólanna í Reykjavík,
segir flesta foreldra sætta sig við
fríið og aðeins hafi komið upp ein-
staka mál á þeim áttatíu leikskólum
sem borgin reki þar sem lokanir
skapi erfiðleika. „Það verður kann-
að hvernig þetta gefst í haust,“
segir Bergur.
Allir leikskólar nágrannasveitar-
félaganna, nema leikskólar Garða-
bæjar, loka um fjögurra vikna skeið.
Þeim er ekki lokað á sama tíma,
nema á Seltjarnarnesi þar sem lok-
anir skarast um hálfan mánuð. Því
geta börnin flust milli skóla henti
tíminn ekki foreldrum. „Nánast eng-
inn, einn eða tveir, hafa óskað eftir
því hér,“ segir Magnús Baldursson,
fræðslustjóri Hafnarfjarðar.
Gunnar Einarsson, forstöðu-
maður fræðslu- og menningarmála
í Garðabæ, segir lítinn aukakostnað
skapast vegna sumaropnanna. „Við
reynum að skipuleggja það þannig
að við þurfum ekki að bæta við
fólki. Á sumrin fáum við aðstoð frá
vinnuskólakrökkum sem bera þó
ekki ábyrgðina. Við heyrum það á
foreldrunum að það sé ánægja með
þetta. Á meðan svo er þá sjáum við
ekki tilganginn í að breyta.“ ■
MÁLÞING Forysta Sjálfstæðisflokks-
ins taldi árið 1952, að forseti Ís-
lands væri pólitískt embætti sem á
vissum örlagaríkum tímum veitti
meira vald til en nokkru sinni hefði
verið á eins manns hendi.
Þetta kom fram í erindi Svans
Kristjánssonar, prófessors í stjórn-
málafræði, á málþinginu í gær.
Vísaði Svanur til bréfs sem Ólafur
Thors, Bjarni Benediktsson og Jó-
hann Hafstein skrifuðu fyrir for-
setakosningarnar árið 1952. Svanur
fjallaði um Svein Björnsson: „Þeg-
ar forsetatíð hans lauk var öllum
ljóst að þarna var komið til nýtt og
valdamikið, pólitískt embætti sem
Sveinn hafði unnið að og taldi og að
forsetinn ætti að beita stjórnar-
skrárbundnum völdum sínum.“
Svanur benti líka á hversu virk-
ur Ásgeir Ásgeirsson hefði verið í
sinni forsetatíð; hann hafi til dæm-
is treyst tengslin við Bandaríkin,
þrátt fyrir andstöðu við það á þingi
og hann gegndi lykilhlutverki við
myndun Viðreisnarstjórnar árið
1959. Þá hafnaði Svanur því að
Kristján Eldjárn hafi ekki beitt sér
á pólitískan hátt.
Guðni Th. Jóhannesson sagn-
fræðingur fjallaði um hugmyndir
Kristjáns Eldjárn um embættið og
sagði hann hafa talið að forsetinn
ætti að skipta sér sem minnst af
pólitískum átökum. Það hafi þó
reynst erfitt vegna tíðrar stjórnar-
kreppu á áttunda áratugnum. Til
marks um það undirbjó Kristján
þrisvar sinnum myndun utanþings-
stjórnar og það vakti mikinn
ágreining þegar Kristján veitti
Lúðvík Jósefssyni umboð til stjórn-
armyndunar árið 1978.
Guðni sagði að við stjórnarmynd-
un væri vald forsetans hugsanlega
hvað mest; þá yrði forsetinn að meta
vald sitt til og það mat hlyti að vera
pólitískt. Einnig fullyrti hann að
„þegar hugmyndir Kristjáns um
pólitískt hlutverk forseta Íslands
eru bornar saman við skoðanir Ólafs
Ragnars Grímssonar, er ljóst að
sjónarmið Kristjáns var annað.“
Sveinn Helgason, fréttamaður á
RÚV, fjallaði um umfjöllun um
fjölmiðlalögin og atburðarás síðast-
liðnar vikur. Taldi hann að ímynd
forsetaembættisins hefði breyst í
augum þeirra kynslóða sem ólust
upp í forsetatíð Kristjáns Eldjárn
og Vigdísar Finnbogadóttur. Þá
mótmælti Sveinn þeirri fullyrðingu
að einhliða umfjöllun fjölmiðla hafi
haft áhrif á afstöðu fólks.
bergsteinn@frettabladid.is
■ EVRÓPA
KOSOVO-ALBANAR FRAMSELD-
IR Albanar hafa framselt þrjá
menn sem eru grunaðir um
hryðjuverkastarfsemi í
Kosovo. Mennirnir voru fram-
seldir í hendur friðargæsluliði
Sameinuðu þjóðanna þar. Þeir
eru grunaðir um tengsl við
öfgahóp sem hefur ráðist á lög-
reglu og her í Makedóníu og
Serbíu.
FLJÚGANDI KLÓSETT Þýsk kona
slapp án meiðsla þegar ferða-
klósett lenti á bíl hennar. Klósett-
ið tókst á loft í miklum stormi og
fauk nokkra leið áður en það lenti
á bíl konunnar.
LEYSTIR UNDAN HERSKYLDU Her-
skylda kemur til með að heyra
sögunni til í Ungverjalandi í nóv-
ember næstkomandi. Þá fá síð-
ustu hermennirnir sem gegna
herskyldu lausn.
– hefur þú séð DV í dag?
Borgarstjóri
New York biður
að heilsa Dorrit
TYRKLAND, AP Tyrkneska ríkissjón-
varpið er í fyrsta skipti í sögunni
farið að útvarpa og sjónvarpa efni
á kúrdísku, málinu sem var um
margra ára skeið bannað að
notast við í Tyrklandi.
Útsendingin er hluti af tilraun-
um stjórnvalda til að uppfylla
kröfur um aðild að Evrópusam-
bandinu. Til þess að ná því marki
þurfa þau að bæta ástand mann-
réttindamála.
Tyrkneski stjórnarherinn og
kúrdískir uppreisnarmenn bárust
á banaspjót í fimmtán ár. 37.000
manns létu lífið í því borgara-
stríði. ■
ÚTSENDING Á KÚRDÍSKU
Kúrdískir dansar og fréttir á kúrdísku voru
á dagskrá fyrsta sjónvarpsþáttarins á
kúrdísku.
Tyrkneska sjónvarpið:
Útvarpar á kúrdísku
M
YN
D
A
P
FRÁ MÁLÞINGINU
Svanur Kristjánsson í pontu. Við hlið hans sitja Birgir Hermannsson fundarstjóri,
Guðni Th. Jóhannesson og Sveinn Helgason
Forsetinn valda-
mikill og pólitískur
Málþing um pólitískt hlutverk forseta Íslands frá stofnun lýðveldis til
okkar daga var haldið í gær. Prófessor í stjórnmálafræði segir
Svein Björnsson hafa skapað pólitískt og valdamikið embætti.
KRAKKAR Á KORPUKOTI
Korpukot í Grafarvogi er einkarekinn leikskóli sem fer ekki í frí í sumar rétt eins og leikskólar
Garðabæjar. Guðríður Guðmundsdóttir, umsjónamaður fagmála og starfsmannastjóri Korpu-
kots, segir að þar geti foreldrar óskað eftir því að skipta sumarfríi barnanna í tvenn tímabil.