Fréttablaðið - 10.06.2004, Blaðsíða 18

18 10. júní 2004 FIMMTUDAGUR
Kvennaskólinn vill Mýrargötulóð:
Umsókn ekki komin
frá ráðuneyti
SKÓLAMÁL Kvennaskólinn í Reykja-
vík fór þess á leit við menntamála-
ráðuneytið í apríl síðastliðinn að
sótt yrði um lóð fyrir skólann á
Mýrargötusvæðinu í Reykjavík.
„Gert er ráð fyrir slíkri stofnun
þar og ég vildi gjarnan að þar yrði
byggt yfir Kvennaskólann,“ segir
Ingibjörg S. Guðmundsdóttir, skóla-
meistari Kvennaskólans, og fer ekki
leynt með að helst vilji hún að skól-
anum sé fundinn staður sem næst
miðbænum. „Byggt var hús yfir
skólann við Austurvöll 1875-6 sem
nú gengur undir nafninu NASA.
Skólinn flutti svo hér að Fríkirkju-
vegi árið 1909. Þetta er miðbæjar-
skóli og á að vera það.“
Steinunn Valdís Óskarsdóttir,
formaður umhverfis- og byggingar-
nefndar Reykjavíkur, segir að ekki
hafi borist umsókn um lóð fyrir
skólann á Mýrargötusvæðinu.
„Reyndar var ég einmitt að furða
mig á því að bréf skuli ekki enn hafa
borist frá ráðuneytinu, því ég átti
fund með skólameistara Kvenna-
skólans fyrir nokkru og vissi af um-
leitan hennar.“ Hún segir borgina
hafa bent ráðuneytinu á nokkra
staðsetningarkosti fyrir framhalds-
skóla í borginni. „Til dæmis Vals-
svæðið, hugsanlega möguleika á
fyllingunni við Eiðsgranda og svo
Mýrargötusvæðið.“ Ekki fengust
svör frá menntamálaráðuneytinu. ■
STJÓRNARSTEFNU MÓTMÆLT
Það eru ekki aðeins Tyrkir sem mótmæla
Ísraelsstjórn heldur heimamenn líka.
Tyrkir mótmæla:
Sendimenn
sendir heim
JERÚSALEM, AP Tyrknesk stjórnvöld
hafa kallað tvo háttsetta sendi-
menn í sendiráði sínu í Tel Aviv
heim frá Ísrael. Með þessu vilja
þeir mótmæla framferði Ísraels-
stjórnar gegn Palestínumönnum.
Stjórnir beggja landa gerðu í
gær lítið úr því að mennirnir hefðu
verið kallaðir heim. Heimköllunin
kemur þó í kjölfar harðrar gagn-
rýni Tyrkja á Ísraela, þar sem tyrk-
neski forsætisráðherrann Recep
Erdogan hótaði meðal annars að
kalla sendiherra sinn heim. ■
KVENNASKÓLINN
Kvennaskólinn í Reykjavík er við
Fríkirkjuveg, en var áður við Austur-
völl. Skólameistari skólans rennir
hýru auga til lóðar á Mýrargötusvæð-
inu sem verið er að skipuleggja.
ÞRÍR SJÖBURANNA LÁTNIR Þrír
af sjöburum palestínskrar konu
sem fæddust á mánudag eru látn-
ir. Þeir fjórir sem eftir lifa eru
allir í lífshættu. „Við vonum að
þeir hafi þetta af en getum ekki
verið viss,“ sagði Wael Najar
hjúkrunarkona.
RYK BYRGIR SÝN
Hvassir vindar þyrluðu upp ryki við Taj
Mahal-musterið í Agra í Indlandi. Ferða-
menn huldu margir hverjir vit sín þegar
þeir reyndu að virða musterið fyrir sér.
■ MIÐ-AUSTURLÖND
Sól og sumar
Sannkölluð sumarstemning myndaðist í sólinni á höfuðborgarsvæðinu í
gær. Fjöldi fólks safnaðist saman á Austurvelli og í Nauthólsvík. Spáð er
áframhaldandi sólskini í dag.
VEÐUR Höfuðborgarbúar nutu veðurblíðunnar á suð-
vesturhorni landsins í gær. Fjöldi fólks safnaðist
saman á Austurvelli og í Nauthólsvík auk þess sem
mikill erill var í sundlaugum borgarinnar.
Bjart var í veðri og hitinn náði hæst tæpum þrett-
án gráðum klukkan þrjú að sögn Óla Þórs Árnasonar,
veðurfræðings á Veðurstofu Íslands. Óli Þór býst við
áframhaldandi veðurblíðu en í dag er búist við mjög
svipuðu veðri á höfuðborgarsvæðinu og var í gær.
„Það verður áfram sólskin en má búast við hafgolu
yfir miðjan daginn,“ segir Óli Þór.
Að sögn Óla Þórs er björtu veðri spáð fram á laug-
ardag en þá er búist við að þykkni upp og fari að
rigna. ■
KAKÓ MEÐ NÆST
Vinkonurnar Katrín, Jóhanna Vigdís, Inga og Guðrún voru búnar að prófa pottinn í Nauthólsvíkinni. Þær voru ánægðar með daginn en fannst svolítið kalt og höfðu jafnvel velt fyrir sér
að taka með kakó í næstu strandarferð.
STRANDARSTEMNING
Sannkölluð strandar-
stemning myndaðist í
Nauthólsvíkinni í gær.
Þar lá fólk í sólinni, bað-
aði sig í sjónum og þessi
stúlka hafði tekið með
sér skóflu og fötu á
ströndina.
UNDIR GOSBRUNNINUM
Mikill mannfjöldi safnaðist saman í sundlaugum höfuðborgarsvæð-
isins í sólinni í gær. Sundlaug Hafnarfjarðar var þar engin undan-
tekning.