Fréttablaðið - 13.06.2004, Blaðsíða 46
Leikaraparið Jón Ingi Hákonar-
son og Laufey Brá Jónsdóttir
standa fyrir þremur leiklistar-
námskeiðum fyrir börn á aldrin-
um 5-12 ára í sumar. „Við verðum
með þema úr Dýrunum í Hálsa-
skógi á fyrsta námskeiðinu sem
hefst á mánudaginn. Þá æfum við
senur og syngjum saman lög úr
leikritinu með krökkunum,“ segir
Jón Ingi en hann og Laufey Brá,
kona hans, eru ekki að vinna sam-
an í fyrsta sinn því þau léku bæði
í barnaleikritinu Hversdagslegt
kraftaverk eftir Évgení Schwarz
sem sýnt var hjá Leikfélagi Akur-
eyrar fyrir tveimur árum. Laufey
Brá leikstýrði líka söngleiknum
Chicago hjá Menntaskólanum á
Akureyri og þá var Jón Ingi
aðstoðarleikstjóri sýningarinnar.
„Við Laufey höfum unnið mikið að
leiklist með börnum og ungling-
um, aðallega í sitt hvoru lagi. Það
hefur gefist okkur báðum vel og
við hlökkum til að fá að vinna
saman með þessum hætti.“
Hvert leiklistarnámskeið
stendur yfir í þrjár vikur í senn.
„Við verðum í Hafnarfirði og ætl-
um að láta krakkana sýna afrakst-
ur vinnu sinnar í Hellisgerði.
Næsta námskeið hefst um leið og
því fyrsta lýkur en þá ætlum við
að leika okkur með Ronju Ræn-
ingjadóttur. Á síðasta námskeið-
inu vinnum við svo með Hróa hött
en þessi þrjú leikrit eiga það öll
sameiginlegt að gerast úti í skógi
og því má segja að Hellisgerði
verði undirlagt af litlum skógar-
púkum í allt sumar.“ ■
■ VEISTU SVARIÐ?
Svör við spurningum á bls. 6
1
3
2
Háskólanum á Akureyri.
Baldur Ágústsson.
Í Portúgal.
Báðir heitir nýstofnað fyrirtæki
sem gaf út á dögunum sex söng-
bækur sem rúmast fyrir í vasan-
um. Hver bók er tileinkuð einni
hljómsveit eða flytjanda og í
henni má finna 15 texta með við-
eigandi gítargripum og merkjum
um hvar eigi að skipta. Fyrir þá
sem ekki kunna gripin, er mynd af
þeim á opnunni.
Röðin kallast „Í útileiguna“ af
augljósum ástæðum. Bækurnar
átta sem þegar er búið að gefa út
innihalda lög Bítlanna, Sálarinnar
hans Jóns míns, Stuðmanna, Íra-
fárs, Rolling Stones, Greifanna og
Papanna.
„Við erum bara rétt að byrja,“
segir Kristján Viðar Haraldsson,
söngvari Greifanna, sem stendur
fyrir útgáfunni ásamt félaga sín-
um Ívari Jónssyni. „Við höldum
þessu áfram á næsta ári. Það er
fullt eftir af góðu efni.“
Hugmyndir eru nú þegar á lofti
að gera svipaðar bækur með tón-
list Skítamórals, Elvis, U2, SSSól,
Ný Danskrar, Bó, Hljóma, KK og
Magnúsar Eiríkssonar. Áætlað er
að síðar í sumar komi út ein bók
með barnalögum og önnur sem
tekur saman öll „Eyjalögin“
svokölluð sem hafa verið einkenn-
islög Þjóðhátíðar.
„Bækurnar fást á öllum sölu-
stöðum Essó, þeir eru einir með
söluréttinn eins og er. Síðan geri
ég ráð fyrir því að þetta verði fá-
anlegt hvar sem er. Það hafa alveg
verið til svona bækur en ekki með
þessum seinni tíma popplögum. Í
flestum tilvikum hafa hljómsveit-
irnar unnið þetta með okkur og
haft svolítið um þetta að segja.“
Viddi bendir á að bækurnar
megi nota sem leið til þess að læra
gripin á gítar. „Í flestum lögum
eru að finna einhver lög sem eru
það auðveld að allir geti spilað
þau strax,“ segir hljómborðsleik-
arinn sem getur sjálfur hugsað
sér að reyna að læra fyrstu hand-
tökin á gítar með bókunum.
Stykkið kostar 690 kr. Einnig
er hægt að kaupa bækurnar átta í
einum pakka á 4.900 kr. ■
Popplög í vasann
38 13. júní 2004 SUNNUDAGUR
... fær verslunin Tólf tónar fyrir
að flytja inn hina stórkostlegu
Línu á DVD en fyrirbærið
skemmti sjónvarpsáhorfendum á
milli dagskrárliða í gamla daga.
HRÓSIÐ
„Mig langar að vekja athygli á
Íslandi sem ferðamannalandi
fyrir Íslendinga,“ segir Súsanna
Svavarsdóttir en hún verður með
þátt á dagskrá Skjás eins í sumar
sem ber heitið Landshornaflakk-
arinn. „Ég er búin að ferðast mik-
ið innanlands og vil segja Íslend-
ingum frá því sem landið hefur
upp á að bjóða. Sagnaarfur okkar
er mér líka hugleikinn og segja
má að í þættinum verði fjallað um
land, þjóð og sögu.“
Súsanna vill benda fólki á þá
ferðaþjónustu og afþreyingu sem
er að finna á landsbyggðinni. „Ég
þekki svæðin auðvitað misvel og
er því í sambandi við ferðamála-
fulltrúa á hverjum stað. En af-
þreyingarmöguleikar landsins
eru fjölmargir. Til dæmis er gam-
an að fara í kajakferð frá Stykkis-
hólmi eða á snjósleða á Arnar-
stapa. Svo er víða að finna athygl-
isverð söfn og menningarstofnan-
ir fyrir þá sem vilja vera í róleg-
heitunum. Veitingastaðirnir úti á
landi eru líka alltaf að verða betri
og betri og fólk getur gist á tjald-
stæðum eða í lúxushótelum eftir
því hvort það er í rómantískri ferð
með elskunni sinni eða á hring-
ferð með stórfjölskylduna.“
Súsanna segist hafa fengið
hugmyndina að þættinum þegar
hún vann á ríkissjónvarpinu fyrir
fimm árum. „Þá fannst mér svo
mikið fyrirtæki að búa til einn
sjónvarpsþátt. Maður fór ekki út
úr húsi án þess að það fylgdi
manni stór hópur af tæknifólki,
hár og smink og útsendingarbíll.
Mig langaði til að gera þátt sem
væri ódýr í framleiðslu og þvæl-
ast um landið án alls umstangs,“
segir Súsanna en hún vinnur þátt-
inn með Þórarni Þórðarsyni kvik-
myndatökumanni. „Þegar verið er
að gera þátt um ferðaþjónustuna
og náttúruperlur Íslands skiptir
engu máli hvernig hárið á manni
er og hvort sminkið er í lagi. Við
Þórarinn verðum tvö á þvælingi
um landið í allt sumar en hann
tekur þáttinn og klippir. Þetta er
mikil törn hjá okkur og við vinn-
um myrkranna á milli til að geta
valið úr skemmtilegu efni þegar
við komum í bæinn.“ ■
SJÓNVARP
SÚSANNA SVAVARSDÓTTIR
■ Ætlar að fjalla um land, þjóð og
sögu í Landshornaflakkaranum
á Skjá einum í sumar.
TÓNLIST
Í ÚTILEIGUNA
■ Nýtt fyrirtæki Vidda úr Greifunum
hefur gefið út 6 sönglagabækur
í vasaformi.
LEIKLIST
LAUFEY BRÁ OG JÓN INGI
■ verða með þrjú leiklistarnámskeið í
sumar og taka fyrir Dýrin í Hálsaskógi,
Ronju Ræningjadóttur og Hróa hött.
LAUFEY BRÁ OG JÓN INGI
Leikaraparið lék saman með Leikfélagi Akureyrar í
vetur en heldur nú leiklistarnámskeið fyrir börn.
Litlir púkar
í skóginum
FR
ÉT
TA
B
LA
Ð
IÐ
/S
TE
FÁ
N
SÚSANNA SVAVARSDÓTTIR
Segir afþreyingarmöguleika
landsins fjölmarga. „Til dæmis er
gaman að fara í kajakferð frá
Stykkishólmi eða á snjósleða á
Arnarstapa.“
Landshornaflakk
Súsönnu á Skjánum
FR
ÉT
TA
B
LA
Ð
IÐ
/G
VA