Fréttablaðið - 14.06.2004, Blaðsíða 21
MÁNUDAGUR 14. júní 2004
LANDSBANKADEILD KVENNA
Valur 4 4 0 0 18–1 12
ÍBV 3 2 1 0 17–2 7
Breiðablik 3 2 1 0 6–10 6
KR 3 1 1 1 4–5 4
Þór/KA/KS 4 1 1 2 4–8 4
Stjarnan 3 0 2 1 3–5 2
Fjölnir 3 0 1 2 2–5 1
FH 3 0 0 3 0–18 0
MARKAHÆSTAR
Margrét Lára Viðarsdóttir, ÍBV 7
Nína Ósk Kristinsdóttir, Val 7
Hildur Einarsdóttir, Breiðabliki 3
Karen Burke, ÍBV 3
Kristín Ýr Bjarnadóttir, Val 3
Olga Færseth, ÍBV 3
Guðrún Halla Finnsdóttir, Stjörnunni 2
Inga Birna Friðjónsdóttir, Þór /KA/KS 2
Hólmfríður Magnúsdóttir, KR 2
Dóra Stefánsdóttir, Val 2
Laufey Ólafsdóttir, Val 2
Margrét Lilja Hrafnkelsdóttir, Val 2
NÆSTU LEIKIR
ÍBV–Stjarnan í kvöld kl. 20
Breiðablik–Fjölnir þri. 15. júní kl. 20
FH–KR fim. 17. júní kl. 11
Þór/KA/KS–ÍBV sun. 20. júní kl. 16
■ STAÐA MÁLA
VALUR–ÞÓR/KA/KS 4–0
1–0 Nína Ósk Kristinsdóttir 9.
2–0 Kristín Ýr Bjarnadóttir 16.
3–0 Nína Ósk Kristinsdóttir 58.
4–0 Nína Ósk Kristinsdóttir 81.
BEST Á VELLINUM
Laufey Ólafsdóttir Val
TÖLFRÆÐIN
Skot (á mark) 33–5 (12–3)
Horn 11–1
Aukaspyrnur fengnar 4–10
Rangstöður 8–0
MJÖG GÓÐAR
Laufey Ólafsdóttir Val
Nína Ósk Kristinsdóttir Val
GÓÐAR
Málfríður Sigurðardóttir Val
Dóra Stefánsdóttir Val
Dóra María Lárusdóttir Val
Rakel Logadóttir Val
Laufey Björnsdóttir Þór/KA/KS
■ ÞAÐ SEM SKIPTI MÁLI
Þrenna frá Nínu
Í öruggum sigri Valsstúlkna á Þór/KA/KS.
FÓTBOLTI Valsstúlkur unnu sinn
fjórða leik í röð í Landsbankadeild
kvenna í gær þegar þær tóku á
móti stöllum sínum í Þór/KA/KS á
Hlíðarenda. Lokatölur leiksins
urðu, 4–0, Valsstúlkum í vil og það
var eingöngu fyrir þeirra eigin
klaufaskap sem sigurinn varð
ekki stærri. Þær eru nú komnar
með fimm stiga forystu í deildinni
en ÍBV getur reyndar minnkað
forystu þeirra niður í tvö stig á
nýjan leik ef liðið vinnur
Stjörnuna í kvöld í Vestmanna-
eyjum.
Valsstúlkur hófu leikinn af
miklum krafti, léku undan vindi
og héldu uppi stórskotahríð að
marki norðanstúlkna fyrstu mín-
útur leiksins. Þær uppskáru mark
á 9. mínútu þegar Nína Ósk
Kristinsdóttir skilaði hornspyrnu
Rakelar Logadóttur í netið. Sjö
mínútum síðar bætti Kristín Ýr
Bjarnadóttir við öðru marki með
skalla og eftir það var aðeins
spurning hversu stór sigur
Valsstúlkna yrði. Fjölmörg færi
þeirra fóru forgörðum og það var
ekki laust við að gestirnir að
norðan gætu prísað sig sæla með
að vera aðeins tveimur mörkum
undir í hálfleik.
Yfirburðir Valsstúlkna voru
ekki eins miklir í síðari hálfleik
enda léku þær þá á móti vind-
inum. Nína Ósk náði þó að skora
tvö mörk í hálfleiknum og tryggja
auðveldan öruggan sigur Vals-
stúlkna.
Laufey Ólafsdóttir átti mjög
góðan leik á miðjunni hjá Val, var
eins og drottning í ríki sínu og
frammi var Nína Ósk mjög ógn-
andi. annars reyndi lítið á
Valsliðið í þessum leik og ljóst að
þær munu eiga von á meiri mót-
spyrnu í næstu leikjum.
Hin fimmtán ára gamla Laufey
Bjarnadóttir var best í liði
Þórs/KA/KS og var gaman að sjá
þessu ungu stúlku stríða hinum
sterku miðvörðum Valsliðsins,
þeim Pálu Marie Einarsdóttur og
Írisi Andrésdóttur. Laufey fékk
hins vegar litla hjálp frá félögum
sínum og mátti sín ein og sér lítils
gegn öflugu Valsliði. ■
Grikkir kokhraustir eftir sigurinn á Portúgal í opnunarleik EM á laugardaginn:
Mæta óhræddir gegn Spáni
EM Í FÓTBOLTA Otto Rehhagel, hinn
þýski þjálfari Grikkja, sagði í gær
að hans menn hefðu nægt sjálfs-
traust til að leggja Spánverja að
velli í leik liðanna í A-riðli á
miðvikudaginn.
Grikkir sigruðu Spánverja,
1–0, á Spáni fyrir rúmu ári í
undankeppni EM og Rehhagel
sagði að nú væri möguleikinn til
staðar til að komast áfram.
„Við höfum komið okkur í góða
stöðu og þurfum að sjá til þess að
við missum ekki af þessu gullna
tækifæri til að komast áfram upp
úr riðlinum. Við vitum að Spán-
verjar eru fyrir fram sigur-
stranglegri í leiknum á miðviku-
daginn en við mætum óhræddir
til leiks. Sigurinn gegn Portúgal
gefur okkur byr undir báða
vængi og sýndi liðinu að það er
allt hægt í fótbolta,“ sagði
Rehhagel og gekk síðan svo langt
að segja að þessi leikur færi í
sögubækurnar.
„Ég sagði við mína menn fyrir
leikinn að ef þeim tækist að sigra
Portúgali myndi gjörvöll heims-
byggðin taka eftir þeim. Þetta er
sögulegur sigur, sá glæstasti í
knattspyrnusögu Grikkja og fólk
mun tala um hann næstu ára-
tugina. Hann hefur líka gert það
að verkum að kröfurnar eru
meiri, sem er af hinu góða.“ ■
FÖGNUÐUR GRIKKJA
Leikmenn og stuðningsmenn gríska liðsins
fagna hér fyrsta markinu gegn Portúgal.
MARKASKORARAR
Kristín Ýr Bjarnadóttir sést hér gefa á Nínu
Ósk Kristinsdóttir, stöllu sína í framlínu
Valsstúlkna, í leiknum í gær en þær skor-
uðu mörk Vals í leiknum. Nína Ósk skoraði
þrjú mörk og Kristín Ýr bætti því fjórða við
með skalla.