Fréttablaðið - 15.06.2004, Blaðsíða 2
2 15. júní 2004 ÞRIÐJUDAGUR
Enn óvissa um framtíð ísraelsku ríkisstjórnarinnar:
Vantraust fellt þrisvar
JERÚSALEM Ísraelska ríkisstjórnin
lifði af þrjár vantrauststillögur á
þingi í gær, þar sem forysta Verka-
mannaflokksins, sem er í stjórnar-
andstöðu, ákvað að sitja hjá og
veita stjórninni þar með öryggis-
net.
Tveir háttsettir félagar í
Likudbandalagi Ariels Sharon for-
sætisráðherra sátu hjá við at-
kvæðagreiðslurnar. 37 þingmenn
greiddu atkvæði gegn vantrausti
en 32 með. Þrír af sex þingmönnum
Trúarlega þjóðarflokksins, sem
sæti á í stjórn, greiddu atkvæði
með vantrausti á stjórnina. Þrír
þingmenn greiddu hins vegar at-
kvæði gegn því.
Trúarlegi þjóðarflokkurinn hefur
barist af hörku gegn áformum Shar-
ons um að hverfa á brott frá land-
nemabyggðum á Gaza-svæðinu. Að
sögn ísraelska dagblaðsins Haaretz
var mjög heitt í kolunum þegar
nokkrir fulltrúar landtökumanna
funduðu með þingmönnum flokks-
ins í gær. Landtökumennirnir öskr-
uðu á þingmennina að hætta stuðn-
ingi við stjórn Sharons. „3.000 íbúar
Gush Katif kusu þig, við höfum unn-
ið fyrir þig og nú gerirðu okkur
þetta,“ öskraði einn þeirra á þing-
manninn Nissam Slomiansky. ■
BENSÍNVERÐ Bensínlítrinn hefur
lækkað eftir nær samfellda hækk-
un í tvo mánuði og er undir hund-
rað krónur á tilteknum bensín-
stöðvum á höfuðborgarsvæðinu.
Atlantsolía reið á vaðið í gær-
morgun og lækkaði bensínverð í
99,90 krónur á stöðvum sínum.
Keppinautar félagsins lækkuðu í
kjölfarið verð hjá sér um krónu á
lítrann.
Hugi Hreiðarsson, talsmaður
Atlantsolíu, sagði að ástæðan
fyrir verðlækkuninni í gær væri
lækkun á heimsmarkaðsverði á
olíu.
„Við fylgjumst grannt með
þróun heimsmarkaðsverðs. Við
kaupum eldsneyti okkar frá Evr-
ópu og fylgir verðið því markaðs-
verði í Rotterdam. Verðlækkun í
síðustu viku gaf okkur tilefni til
þessarar lækkunar nú. Ákveðið
jafnvægi er komið á verðþróun á
bensíni að nýju eftir tveggja mán-
aða samfellda hækkun,“ sagði
Hugi.
Olís lækkaði bensínlítrann á
stöðvum sínum að meðaltali um
eina krónu á lítrann, að sögn
Samúels Guðmundssonar, fram-
kvæmdastjóra áhættustýringar-
sviðs Olís. Aðspurður sagði Samú-
el að lækkun á heimsmarkaðs-
verði hefði ráðið lækkuninni hjá
Olís. Hann sagði verðlækkunina
misjafna eftir staðsetningu bens-
ínstöðvanna. Aðspurður hvernig
stæði á því að bensín væri lækkað
mismikið eftir stöðum sagði hann
að verðlagning Olís tæki mið af
samkeppnisaðstæðum á hverjum
stað fyrir sig.
Essó hefur lækkað verð á öll-
um bensínstöðvum um krónu, að
sögn Jóhanns Jónssonar kynning-
arfulltrúa. Auk lækkandi heims-
markaðsverðs vill Essó jafnframt
vera í góðri stöðu gagnvart keppi-
nautum sínum. Verð á Egó-stöðv-
unum er nú hið sama og hjá Atl-
antsolíu en á öðrum stöðvum Essó
á bilinu 101 til 110,90, eftir stað-
setningu og hvort um fulla þjón-
ustu sé að ræða, að sögn Jóhanns.
Atlantsolía vakti athygli við-
skiptavina á verðmun milli bens-
ínstöðva í gær með því að halda
uppi skilti með verði bensín-
lítrans á bensínstöðvum keppi-
nauta sinna. Hugi sagði að bensín-
lítrinn væri almennt um sex krón-
um ódýrari að meðaltali á þeim
svæðum þar sem Atlantsolía er
með bensínstöðvar.
„Það er ótækt að keppinautar
okkar lækki aðeins verð í næsta
nágrenni við okkur og teljum við
að þar með séu þeir að brjóta sam-
keppnislög,“ segir Hugi og bendir
jafnframt á að það mál sé þegar
til rannsóknar hjá samkeppnis-
yfirvöldum og í eðlilegum farvegi
þar.
sda@frettabladid.is
Markaðssvik Enron:
Stálu 80
milljörðum
BANDARÍKIN, AP Markaðssvik
bandaríska stórfyrirtækisins En-
ron á raforkumarkaði kostuðu
viðskiptavini félagsins andvirði
um 80 milljarða króna, sam-
kvæmt úttekt Snohomish-sýslu.
Snohomish-sýsla var eitt
margra sveitarfélaga sem keyptu
raforku af Enron. Að sögn starfs-
manna sýna gögn fyrirtækisins,
sem þeir hafa farið yfir, hvernig
fyrirtækið flutti raforku frá Kali-
forníu til annarra ríkja og þaðan
aftur til Kaliforníu á mun hærra
verði. Þetta gerðist veturinn 2000
til 2001 þegar mikill orkuskortur
var í Kaliforníu.
Enron fór á hausinn og hafa
stjórnendur þess sætt rannsókn
fyrir glæpsamlegt athæfi. ■
■ LÖGREGLUFRÉTTIR
„Jú, jú, auðvitað vorum við til í það en
við mátum það svo að það væri betra,
ekki síst fyrir hina, að safna smá orku.“
Ákveðið var að fresta kjarasamningaviðræðum á
fundi Kennarasambands Íslands og launanefndar
sveitarfélaganna til 11. ágúst hjá ríkissáttasemjara
í gær. Þá eru sex vikur til að semja því kennarar
hafa samþykkt að fara í verkfall 20. september
náist það ekki fyrir þann tíma.
SPURNING DAGSINS
Eiríkur, var samninganefnd kennara
ekki tilbúin að vinna í sumarfríinu?
Harður árekstur á
Reykjanesbraut:
Ökumenn
sluppu vel
KEFLAVÍK Tveir bílar skemmdust
mikið og voru fluttir burt með
kranabíl eftir árekstur á Reykja-
nesbrautinni um fimmleytið í gær.
Bíll beygði af Hafnarvegi inn á
Reykjanesbraut í veg fyrir leigu-
bíl sem var á leið frá Leifsstöð.
Ökumenn bílanna voru fluttir á
sjúkrahús en fengu að fara heim
eftir skoðun. Farþegi í leigubíln-
um slasaðist ekki. Umferð stöðv-
aðist í rúmar tuttugu mínútur á
háannatíma og þurfti lögreglan í
Keflavík að stjórna henni við opn-
unina. ■
KÚRDAR MÓTMÆLA
Þúsundir tyrkneskra Kúrda lýstu samstöðu
með uppreisnarmönnum á sunnudag.
Kúrdískir vígamenn:
Vopnahléð
út um þúfur
TYRKLAND, AP Þrír öryggisverðir
voru skotnir til bana í árás á þorp
í suðausturhluta Tyrklands í fyrri-
nótt. Talið er að kúrdískir upp-
reisnarmenn beri ábyrgð á dráp-
unum en þeir sögðu á dögunum að
einhliða vopnahlé sem þeir lýstu
yfir fyrir fimm árum síðan væri
ekki lengur í gildi.
Murat Karayilan, einn af leið-
togum uppreisnarmanna, neitaði
bænum um að virða vopnahléð.
„Við munum svara þeim sem vilja
útrýma okkur,“ sagði hann. „Ef
öryggissveitir sýna okkur skiln-
ing verður hófsöm vörn möguleg.
En það er ekki hægt að brjóta
varnir okkar niður algjörlega.“ ■
SINUBRUNI VIÐ AKUREYRI Litlir
krakkar kveiktu í sinu við Lauga-
borg rétt fyrir utan Akureyri.
Slökkviliðið var kallað út en að-
standendur barnanna náðu að
slökkva eldinn.
HÓPSLAGSMÁL Á REYÐARFIRÐI
Ósætti kom upp á krá á Reyðar-
firði. Tíu manns slógust. Kalla
þurfti til lögregluna á Eskifirði,
sem skakkaði leikinn.
HRAÐAKSTUR Á AUSTURLANDI
Umferð hefur verið mjög hröð í
lögregluumdæmum á Austur-
landi; Neskaupstað, Fáskrúðsfirði
og Vopnafirði. Fleiri hafa verið
teknir þessa helgi en venjulega
og telur lögreglan á Fáskrúðs-
firði að hátíðin Austurland 2004
sem haldin var á Egilsstöðum
hafi aukið umferðina til muna og
því hafi fleiri verið teknir. Lög-
reglan á Vopnafirði sagði fólk
oftar keyra hraðar á virkum dög-
um en um helgar.
BRASILÍA, AP „Einungis tíminn get-
ur leitt í ljós hvernig öryggismál-
um verður háttað í framtíðinni.
En horfurnar eru ekki ýkja góð-
ar,“ sagði Kofi Annan, fram-
kvæmdastjóri Sameinuðu þjóð-
anna, í gær þegar hann var spurð-
ur út í hvort koma mætti öryggis-
málum í Írak í gott horf.
Annan gaf til kynna að nokkuð
væri í að Sameinuðu þjóðirnar
gætu látið til sín taka í Írak
vegna þess hversu mikil hætta
stafaði af hryðjuverkum. Starfs-
lið Sameinuðu þjóðanna fór frá
Bagdad eftir að sprenging í aðal-
stöðvum samtakanna þar banaði
22. Nær 30 manns hafa látist í
þremur sprengjuárásum síðustu
tvo daga. ■
LÖGREGLUMÁL Konu var vísað frá
með kæru á hendur manni sem
auglýsti eftir starfskrafti í mötu-
neyti í vegavinnu en var í raun að
leita að vændiskonu.
Konan, sem ekki vildi láta
nafns síns getið, hafði samband
við lögregluna í gær vegna máls-
ins en fékk þær upplýsingar að
hún gæti ekki kært. Maðurinn
hefði haft rétt á því að gera það
sem hann gerði, því ekkert ólög-
legt hefði átt sér stað. Athæfið
teldist ekki ólöglegt fyrr en „við-
skiptin“ hefðu farið fram. Þá væri
það konan sem væri brotleg, en
ekki maðurinn.
Í samtali við Fréttablaðið sagði
konan að hún hefði talið að um
venjulegt starf væri að ræða en
þegar líða tók á samtalið hafi það
orðið ljóst að maðurinn væri að
leita eftir konu sem væri tilbúin
að selja blíðu sína. Sagði hann að
hann myndi borga vel fyrir greið-
ann.
Hún sagðist slegin yfir atvik-
inu og reið yfir því að geta ekki
borið fram kæru á hendur mann-
inum. ■
Skráning í London:
Seinkað
til ársins 2005
VIÐSKIPTI Actavis, sem áður hét
Pharmaco, hefur seinkað boðaðri
skráningu sinni í Kauphöllinni í
London. Fyrirtækið verður ekki
skráð á þessu ári.
Samkvæmt heimildum Frétta-
blaðsins er seinkunin tæknilegs
eðlis. Bretland tekur upp alþjóðleg
reikningsskil um áramót, eins og Ís-
land. Ef skráning hefði orðið fyrir
áramót hefði Actavis þurft að færa
bókhald sitt samkvæmt breskum
reikningsskilavenjum þrjú ár aftur
í tímann. Slíkt hefur í för með sér
kostnað fyrir fyrirtækið og því var
ákveðið að bíða fremur nokkra
mánuði með skráningu. ■
PALESTÍNUMENN MÓTMÆLA
Á sama tíma og Ísraelsstjórn er í
vanda vegna brotthvarfs frá Gaza
mótmæltu Palestínumenn byggingu
veggs sem skilur að þá og Ísraela.
Reynt að lokka konu til vændis:
Fékk ekki að kæra
Í BRASILÍU
Kofi Annan er á ráðstefnu í Brasilíu um
viðskipti og þróunarmál.
Öryggi í Írak:
Horfurnar
ekki góðar
Atlantsolía hleypir
hörku í bensínstríðið
Atlantsolía reið á vaðið með lækkun á bensíni í gær. Lítrinn kominn undir
hundrað krónur eftir samfellda hækkun í tvo mánuði. Aðrar bensín-
stöðvar lækkuðu í kjölfarið. Lægsta verð í nágrenni stöðva Atlantsolíu.
ATLANTSOLÍA HEYR BENSÍNSTRÍÐ
Bensínlítrinn hefur nú lækkað undir hundrað krónur að nýju hjá Atlantsolíu. Önnur bensínfyrirtæki lækkuðu verð í kjölfarið, þó mismikið
eftir staðsetningu bensínstöðva.
ÞYRLAN VIÐ TOGARANN VENUS
Landhelgisgæslan sótti hjartveikan mann í
togarann Venus í gær. Hann er ekki í lífs-
hættu og líður vel en er í rannsóknum,
samkvæmt lækni LSH.
Landhelgisgæslan:
Maður sóttur
í togara
LANDHELGISGÆSLAN Þyrla Landhelg-
isgæslunnar sótti hjartveikan mann
um borð í togarann Venus HF-519 á
Reykjaneshrygg í gær.
Landhelgisgæslan fékk tilkynn-
ingu um manninn um klukkan hálf
ellefu um morguninn og voru bæði
þyrlan TF-LÍF og flugvélin TF-SÝN,
sem fylgir þyrlunni til öryggis í
lengra flug, komnar í loftið um tíu
mínútum síðar.
Þyrlan var komin að skipinu um
hálf þrjú. Hún lenti klukkan 16.20
á Reykjavíkurflugvelli og var
maðurinn fluttur á Landspítala -
háskólasjúkrahús, samkvæmt upp-
lýsingum frá Dagmar Sigurðar-
dóttur, fjölmiðlafulltrúa Land-
helgisgæslunnar. Vakthafandi
læknir segir líðan mannsins góða.
Hann sé í rannsóknum. ■
M
YN
D
/F
R
IÐ
R
IK
H
Ö
SK
U
LD
SS
O
N