Fréttablaðið - 15.06.2004, Blaðsíða 13
13ÞRIÐJUDAGUR 15. júní 2004
Tóbakssalar í Hafnarfirði fá viðurkenningu:
Seldu ekki börnum
FORVARNIR Forvarnanefnd Hafnar-
fjarðar hefur afhent þeim söluað-
ilum tóbaks viðurkenningu, sem
seldu ekki börnum tóbak í síðustu
könnun sem fór fram. Fulltrúi
Lýðheilsustöðvar flutti stutt
ávarp og sagði að það væri víða
tekið eftir þessu framtaki Hafnar-
fjarðarbæjar sem miðaði að því
að minnka aðgengi barna og ung-
linga að tóbaki.
Formaður forvarnanefndar,
Guðmundur Rúnar Árnason,
minnti gesti á að svo virðist sem
tóbaksreykingar meðal barna og
unglinga í Hafnarfirði séu að
aukast og því nauðsynlegt að aðil-
ar standi saman og sporni gegn
þeir þróun. Síðan var þeim sölu-
aðilum sem létu það eiga sig að
selja börnum tóbak afhent viður-
kenning og þeir hvattir til að
halda sínu striki. ■
Á LEIÐ TIL FRAKKLANDS
Branson fór yfir Ermarsund á sportbíl sem breyta má í hraðbát á örskotsstundu.
Nýtt hraðamet:
Fór yfir Ermar-
sund á sex tímum
BRETLAND, AP Breski auðjöfurinn
Richard Branson setti nýtt
hraðamet þegar hann var ekki
nema eina og hálfa klukkustund
að sigla yfir Ermarsund.
Branson sigldi frá Bretlandi
til Frakklands á Gibbs Aquada,
bíl sem breytist í hraðbát. Hann
sló hraðamet tveggja Frakka
sem sigldu yfir Ermarsund á
sex klukkustundum árið 1986.
Það var þar til í gær besti
árangur láðs- og lagarfarartæk-
is. Uppátækið er hluti af 20 ára
afmælishátíð Virgin Atlantic-
flugfélagsins en Branson hefur
verið óþreytandi í alls kyns
ævintýraleit og hefur það verið
mikil kynning fyrir fyrirtæki
hans. ■
SUMARVINNA
Flest hinna nýju starfa snúa að umhverfismálum og fegrun bæjarins en
um 150 unglingar starfa á vegum vinnuskólans í sumar.
Seltjarnarnes:
Allir fá vinnu
ATVINNA Stofnanir og fyrirtæki
Seltjarnarnesbæjar ásamt
vinnuskóla Seltjarnarness
fjölga ráðningum ungmenna í
sumar svipað og undanfarin tvö
ár til að bregðast við minna
framboði á sumarstörfum fyrir
ungt fólk. Markmið stjórnenda
bæjarins er að tryggja að allir
námsmenn í bænum fái vinnu
yfir sumartímann.
Flest hinna nýju starfa snúa að
umhverfismálum og fegrun
bæjarins en um 150 unglingar
starfa á vegum vinnuskólans í
sumar. Auk þess er reiknað með
að á þriðja tug ungmenna fái
sumarstörf hjá bænum. ■
FORVARNIR
Mikið forvarnarstarf gegn reykingum er
unnið í Hafnarfirði.