Fréttablaðið - 15.06.2004, Blaðsíða 33

ÞRIÐJUDAGUR 15. júní 2004
Leikkonan Courtney Cox úr Friendsog eiginmaður hennar David
Arquette eignuðust stúlkubarn á
sunnudag. Frum-
burðurinn kom í
heiminn aðeins
tveimur dögum
fyrir fertugsafmæli
Cox, sem er í dag.
Þetta er fyrsta barn
þeirra beggja.
Michael Moore segist ekki hafa íhyggju að gera mynd um Tony
Blair, forsætisráð-
herra Breta, eins
og sagt hefur verið
frá í fréttum.
Moore hafði látið
þau ummæli falla
sem brandara í
viðtali að næsta
skotmark hans yrði
Blair vegna þess
að hans þáttur í
Íraksstríðinu væri gífurlegur. Ekki
föttuðu allir brandarann og fjölmiðl-
ar tóku hann margir á orðinu.
Courtney Love gaf sig fram til lög-reglu eftir að dómari hafði gefið
út handtökuskipun á hana. Love er
núna ákærð fyrir líkamsárás á konu
með lífshættulegu
vopni, en söng-
konan á að hafa
hótað konunni
með brotinni
flösku og vasaljósi
í heimahúsi um-
b o ð s m a n n s
hennar. Love á
einnig þrjú önnur
mál yfir höfði sér
sem þarf að greiða úr.
Þó svo að Bandaríkjamaðurinn
Sufjan Stevens sé búinn að gefa út
heilar þrjár breiðskífur á undan
þessari hafði hann aldrei fangað
athygli mína fyrr en nú. Þetta er
angurvær, órafmögnuð tónlist með
rætur í nýbylgju- og sveitatón-
listinni. Sufjan syngur vel og tján-
ing er falleg. Lögin eru flest byggð
upp á einföldum stefjum sem leikin
eru hvert ofan á annað, ýmist með
kassagíturum eða banjóum. Söngur-
inn flýtur svo fallega ofan á stefjun-
um, og stundum er einfaldur bassa-
leikur stoð undir lögunum. Sufjan
leyfir sér svo að skapa hljóðskúlpt-
úra hér og þar í lögunum með
sveiflukenndum analóg-hljóm-
borðum eða öðru. Allt er þó lífrænt
og spilað, og hér er engin stafræna
á ferð. Vinaleg kvenrödd raddar svo
stundum við einmanalega rödd
Sufjans á hárréttum stöðum.
Þetta er ótrúlega falleg tónlist í
svipuðum anda og Bonnie „Prince“
Billy, þó rödd Sufjan hljómi hvergi
nærri eins viðkvæm og sá meistari
myrkursins. Annar munur er að
Sufjan er ekki að tappa af sorgum
sínum, heldur frekar að deila róleg-
um og hamingjusömum augnablik-
um með hlustandanum. Hér er
engin sjálfsvorkunn í gangi, bara
óður til lífsins. Öll þessi plata gæti
hafa verið samin á verönd sumarbú-
staðar með steikjandi sólina eina
sem áheyranda. Kannski skellti
Sufjan sér svo í pottinn á milli laga?
Ef það er heitt úti, logn, fuglarn-
ir að syngja og ekkert annað hægt
að gera en að liggja í sólinni og vera
latur... þá er þetta hárrétt plata til
þess að henda í gin geislaspilarans.
Svo sá ég tvo svani elskast á tjörn-
inni um daginn... þó að það hafi bara
tekið þá um 20 sekúndur að njóta
hvers annars, þá var það falleg sjón.
Við hæfi hefði verið að hafa þessa
tónlist í eyrunum þá.
Birgir Örn Steinarsson
FRÉTTIR AF FÓLKI
[ TÓNLIST ]
UMFJÖLLUN Latir svanir í sólinni
SUFJAN STEVENS
SEVEN SWANS