Fréttablaðið - 15.06.2004, Blaðsíða 38
■ VEISTU SVARIÐ?
Svör við spurningum á bls. 6
1
3
2
Zinedine Zidane.
Helgi Hjörvar.
Þórshöfn.
Fyrsta íslenska strákasveitin, sem
var stofnuð í febrúar á þessu ári,
hefur skilað fyrsta lagi sínu á út-
varpsstöðvarnar. Iceguys er skip-
uð þremur söngvurum en tveir
þeirra, Óli Már og Einar Valur,
náðu alla leið í 32 manna úrslit
Idol-stjörnuleitar nú síðast. Kjart-
an Arnald var svo áður í dúettnum
Acoustic.
Lagið heitir Let’s Get Together
og er eftir Stefán Örn Gunnlaugs-
son, fyrrum hljómborðsleikara
Reggae on Ice. Útsetning lagsins
er vönduð og lagið fjörugt. Upphaf
þess hljómar kunnuglega en það er
ákaflega keimlíkt stefi úr Hunts-
tómatsósuauglýsingu sem sést oft
í sjónvarpinu.
„Þetta er nú ekki alveg eins,“
segir Ólafur Már Svavarsson, einn
liðsmaður sveitarinnar, og viður-
kennir þannig að lögin séu lík. „Ef
maður hefur þau ekki samhliða til
viðmiðunar þá finnst manni þau
kannski svipuð. Það eru aðrir
hljómar í þessu. Þetta er einfalt
stef og svipað. Lagið úr Hunts-aug-
lýsingunni er nú stolið líka. Það er
tekið frá Wiseguys, þannig að
þetta er skemmtilegur hringur.“
Lagið er komið í spilun á Kiss
FM og Rás 2 og segir Ólafur að við-
brögðin séu mjög góð. Lagið verð-
ur að finna á safnplötu Skífunnar,
Svona er sumarið 2004. Piltarnir
eru einnig farnir að huga að næsta
lagi.
Samkvæmt fréttatilkynningu
segjast þeir kjósa að syngja á
ensku til þess að „meikaða í út-
löndum“ og að enskan passi betur
inn í „boybanda“ formið. „Við ætl-
um að sjá hvað þetta gerir og hvort
þetta eigi eitthvert erindi á þennan
plötumarkað. Núna erum við byrj-
aðir að undirbúa myndband sem
kemur vonandi út von bráðar,“
segir Ólafur að lokum.
Iceguys kemur fram í fyrsta
skiptið opinberlega á 17. júní há-
tíðinni í Hafnarfirði. ■
ICEGUYS
Þá hefur fyrsta íslenska strákabandið sent frá sér lag í spilun sem hljómar kunnuglega.
30 15. júní 2004 ÞRIÐJUDAGUR
…fær Þorsteinn J. fyrir þætti
sína Spurt að leikslokum í Sjón-
varpinu en þar fjallar hann á
fjörugan en um leið vitsmunaleg-
an hátt um leiki dagsins í EM.
HRÓSIÐ
TÓNLIST
ICEGUYS
■ Fyrsta íslenska strákasveitin skilar frá
sér lagi á útvarpsstöðvarnar.
1
6 7
8 9
14
16 17
15
18
2 3 4
1311
10
12
5
SANYL
ÞAKRENNUR
• RYÐGA EKKI.
• PASSA Í GÖMLU RENNUJÁRNIN.
• STANDAST ÍSLENSKT VEÐURFAR.
• AUÐVELDAR Í UPPSETNINGU.
• ÓDÝR OG GÓÐUR KOSTUR.
Fást í flestum byggingavöru-
verslunum landsins.
Samdrykkja um kúgun kvenna
verður haldin á Súfistanum á
Laugavegi í kvöld. Konur úr Brí-
eti, félagi ungra femínista, munu
fjalla um ritið Kúgun kvenna eft-
ir John Stuart Mill, sem einmitt er
lærdómsrit mánaðarins í bóka-
verslunum.
Brynhildur Heiðardóttir
Ómarsdóttir, doktorsnemi í bók-
menntafræði, og Hólmfríður
Anna Baldursdóttir kynjafræð-
ingur ætla að fjalla um verkið út
frá hugmyndum femínista sam-
tímans. „Við ætlum að reyna að fá
flesta í salnum til að taka þátt og
spjalla um bókina yfir kaffibolla
og við munum síðan stjórna um-
ræðum,“ segir Brynhildur.
Að sögn stöllu hennar, Hólm-
fríðar Önnu, er þessi bók, sem
kom út 1869, algjört tímamóta-
verk sem á svo sannarlega erindi
við nútímann. Miklar framfarir
hafi engu að síður átt sér stað sem
Mill sá ekki fyrir þegar hann
skrifaði bókina. „Ég held að John
Stuart Mill hefði orðið hissa í dag.
Ég held að samfélagið sé komið
lengra núna heldur en það sem
hann sá fyrir,“ segir Hólmfríður.
„Í þessari bók talar hann mikið
um hjónabandið og samskipti
kynjanna. Hann gerir til dæmis
ekki ráð fyrir því að karlar séu
heima við og fari í heimilisstörfin
en gerir samt ráð fyrir því að kon-
ur stundi bæði heimilsstörf og
vinni úti.“
Mill er þekktastur sem nokk-
urs konar fyrirrennari frjáls-
hyggjunnar og oftast er talað um
hann í sömu andrá og bók hans,
Frelsið. „Menn gleyma algjörlega
þessari bók um Kúgun kvenna þar
sem hann kemur með öðruvísi
sjónarhorn á skilning sinn á ein-
staklingshyggjuna en Frelsið ger-
ir,“ segir Brynhildur. „Það er
mjög mikilvægt að tala meira um
þessa bók.“
Hólmfríður og Brynhildur
vilja ekki meina að konur hér á
landi séu kúgaðar. „Við erum búin
að ná ansi langt á þessum árum
frá 1869. En það er sláandi að sjá
hve mikið Mill er að segja í þess-
ari bók sem á ennþá við í dag,
kannski ekki lagalega séð heldur
félagslega. Hann segir að uppeldi
kvenna gangi út á að sannfæra
konur frá fæðingu um að þeirra
æðsta takmark í lífinu sé að sjá
um fjölskylduna. Uppeldi kvenna
og karla er mismunandi í dag og
það er alið upp í konum annað tak-
mark en í karlmönnum. Félags-
mótun er til staðar frá því að
menn fæðast og það er fráleitt að
halda að jafnrétti komi bara af
sjálfu sér. Það þarf ekkert annað
en að líta á söguna. Mill segir í
Kúgun kvenna að fólk megi aldrei
gleyma sér heldur verðum við
stöðugt að hugsa um þessi mál-
efni og berjast fyrir þeim.“
freyr@frettabladid.is
Jafnrétti kemur ekki af
sjálfu sér
HÓLMFRÍÐUR OG BRYNHILDUR
Verða á Súfistanum í kvöld og fjalla um bókina Kúgun kvenna eftir John Stuart Mill.
KVENFRELSI
SAMDRYKKJA
■ um kúgun kvenna verður haldin í
kvöld. Konur úr Bríeti munu fjalla um rit-
ið Kúgun kvenna eftir John Stuart Mill.
„Þetta er alveg frábær tilfinning,“
segir Hrafnhildur Gunnarsdóttir
laganemi en hún bar sigur út býtum
í Norrænu málflutningskeppninni
ásamt félögum sínum úr Háskóla
Íslands nú um helgina. Hún var ein-
nig valin besti málflutningsmaður
síns riðils, sem verður að teljast
góður árangur.
Keppnin fór fram á sænsku,
norsku og dönsku og talaði Hrafn-
hildur norsku í keppninni. Hún seg-
ist þó ekki vera altalandi á því
tungumáli enda bjó hún þar aðeins
um tveggja ára skeið í æsku. „Ég á
auðvelt með að lesa norsku en lang-
ar lögfræðilegar setningar geta vaf-
ist svolítið fyrir mér.“
Mikil vinna fór í undirbúning hjá
íslenska liðinu en hann hófst strax í
mars þegar liðið þurfti að skila ítar-
legri greinargerð um málið. „Við
helltum okkur síðan aftur í vinnu
eftir próflesturinn og 21. maí byrj-
uðum við að vinna í ræðunum. Ég
var fyrsti ræðumaður míns liðs og
reyndi að setja málið skýrt fram,“
segir Hrafnhildur og bætir því við
að flutningurinn hafi gengið mjög
vel.
Þrátt fyrir að hafa verið valin
besti málflutningsmaður riðilsins
segist Hrafnhildur ekki hafa verið
betri en aðrir í íslenska liðinu.
Úrslitin komu íslenska liðinu
mikið á óvart enda fyrsta skipti sem
Ísland kemst í úrslit. „Við vorum
ánægð að hafa náð í úrslit og höfð-
um ákveðið að fagna vel, sama
hvernig þau færu. Síðan fóru þau
svona ótrúlega skemmtilega þannig
að við erum auðvitað í skýjunum.“
Hrafnhildur vinnur þessa dag-
ana að lokaritgerð sinni við laga-
deildina ásamt því að starfa sem
flugfreyja. Hún segir framhaldið þó
óráðið. „Mér þykir lögmennska
spennandi en eins hef ég mikinn
áhuga á refsirétti og að vinna fyrir
ákæruvaldið.“
Þau Ari Karlsson, Hervör Páls-
dóttir, Heiða Björg Pálmadóttir,
Sesselja Sigurðardóttir og Þórunn
Pálína Jónsdóttir skipuðu íslenska
liðið ásamt Hrafnhildi. ■
MÁLFLUTNINGSKEPPNI
ÍSLAND VANN NORRÆNU MÁL-
FLUTNINGSKEPPNINA
■ sem haldin var hér á landi um helgina.
Valin besti málflutningsmaðurinn
LÁRÉTT:
1 umrótið, 6 tvennt, 7 smáorð, 8 keyr, 9
matur, 10 mjólkurafurð, 12 verkur, 14
eldsneyti, 15 þverslá, 16 spil, 17 málmur,
18 spil.
LÓÐRÉTT:
1 sælgæti, 2 ábreiða, 3 greinir ( skamm-
stöfun), 4 smágerðari, 5 ættingi, 9 í upp-
námi, 11 afferma, 13 vindur, 14 glöð, 17
fæði.
LAUSN:
Lárétt: 1ólguna,6par, 7ef, 8ak,9æti,
10ost,12tak,14kol,15rá,16ás,17eir,
18tafl
Lóðrétt: 1ópal,2lak,3gr, 4nettari,5
afi,9æst,11losa,13kári,14kát,17el.
Iceguys gefa út nýtt lag
HRAFNHILDUR GUNNARSDÓTTIR
Hún var valin besti málflutningsmaður
síns riðils í Norrænu málflutnings-
keppninni sem haldin var
um helgina.