Fréttablaðið - 16.06.2004, Blaðsíða 12

16. júní 2004 MIÐVIKUDAGUR
F
í
t
o
n
/
S
Í
A

F
I
0
0
9
4
2
6
Uppáhald íslensku þjóðarinnar
Fjöldi uppskrifta á www.lambakjot.is
Kaffikonan góðkunna, Aðalheiður Héðinsdóttir, tvínónar ekki við hlutina
þegar hún töfrar svipstundu fram þennan frábæra smárétt
handa vinum og vandamönnum.
Bragðmikill og ilmandi
kaffibolli á eftir er
síðan alveg
ómissandi.
Töfrandi
smáréttur
Carpaccio
Fyrir 4.
300 g lambahryggvöðvi, fitulaus
2 fíkjur
1 búnt graslaukur
2 msk. kasjúhnetur
1 dl olíuolía
1 msk. hvítvínsedik
salt og pipar
Steikið lambahryggvöðvann á þurri pönnu við háan hita í u.þ.b. 11/2
mínútu á hvorri hlið. Skerið kjötið í þunnar sneiðar og raðið á fat. Skreytið
með fíkjum, berið fram með hnetusósunni og smá klettasalati og graslauk
... frábært sem forréttur eða smáréttur.
Hnetusósa
Kasjú hnetuolía og edik,
blandað í matvinnsluvél og
kryddað lítillega með salti
og pipar.
- fyrir vini og vandamenn
Fíkniefnasali í Þorlákshöfn hefur játað sölu:
Talinn hafa selt tugi
gramma á viku
RANNSÓKN Rannsókn á máli 22 ára
manns, sem handtekinn var í Þor-
lákshöfn um hádegi á föstudaginn í
síðustu viku, er enn í fullu gangi.
Maðurinn hefur játað töluverða
sölu fíkniefna. Hann býr hjá afa
sínum og ömmu og fundust á heim-
ilinu riffill, haglabyssa, loftskot-
vopn, fíkniefni, axir, hnífar og
þýfi.
Maðurinn var í haldi lögregl-
unnar í sólarhring en ekki var talin
þörf á fara fram á gæsluvarðhald
yfir manninum og var honum því
sleppt upp úr hádegi á laugardag
að yfirheyrslum loknum. Rann-
sókn lögreglu beinist meðal annars
að því að tengja þýfið sem fannst
hjá manninum við óupplýst inn-
brot. Talið er að þýfið, sem var
nokkuð mikið, hafi verið greiðslur
fyrir fíkniefni. En maðurinn hefur
játað sölu á amfetamíni. Lögregla
telur að sala mannsins hafi staðið í
um eitt ár og er horft til að hann
hafi selt nokkra tugi gramma af
amfetamíni vikulega á þeim tíma.
Þá er einnig verið að rannsaka
hvort að fleiri en maðurinn tengist
málinu. Heima hjá manninum
fundust nokkur grömm sem klár-
lega er amfetamín. Einnig fannst
mikið af svokölluðu íblöndunar-
efni en þau hafa verið send til
rannsóknar til að sjá hvort fíkni-
efnum hafi þegar verið blandað í
þau. ■
FÍKNIEFNI
Mikið magn af hvítum efnum sem fundust
á heimili mannsins. Efnin eru talin vera
íblöndunarefni en voru send til greiningar
til að ganga úr skugga um að þau séu ekki
blönduð fíkniefnum.
JÓHANNES PÁLL PÁFI
Rannsóknin var gerð að tilstuðlan Jóhannesar Páls páfa II sem vildi fá á hreint með hvaða hætti kirkjan hefði brotið af sér í sögunni.
Rannsóknarréttur kirkjunnar var ekki svo slæmur:
Færri brenndir á
báli en talið var
VATÍKANIÐ, AP Það voru ekki
nærri því jafn margir pyntaðir
til játninga og brenndir á báli
fyrir galdra og flestir hafa
löngum talið. Þetta segja sagn-
fræðingar sem fóru yfir skjöl
Vatíkansins til að meta út-
breiðslu mannréttindabrota í
tíð rannsóknarréttarins og
hversu stóran hluta þess mætti
rekja til kirkjunnar manna.
Rannsóknin var gerð að til-
stuðlan Jóhannesar Páls páfa
II, sem vildi fá á hreint með
hvaða hætti kirkjan hefði brot-
ið af sér í sögunni. Rannsóknar-
réttur kirkjunnar barðist af
hörku gegn hvers kyns villutrú
og kenningum sem gengu gegn
viðurkenndum boðskap kirkj-
unnar. Rannsóknin nær yfir
skjöl frá því á 13. öld og fram á
þá 19.
Kirkjunnar menn segja nið-
urstöðurnar sýna fram á að
þvert á hugmyndir manna hafi
kirkjan ekki beitt pyntingum og
aftökum í miklum mæli. Spánn
var tekinn sem dæmi, en þar
hafi verið réttað í máli 125.000
meintra villutrúarmanna en að-
eins um eitt prósent þeirra, um
það bil 1.250 manns, tekið af
lífi. Stór hluti galdrabrenna
hafi verið framkvæmdur af
borgaralegum yfirvöldum. ■
FLETT Í SKÝRSLUNNI
Kirkjunnar menn segja úttektina sýna að
miðaldakirkjan hafi ekki verið jafn slæm
og af er látið.
BAGDAD, AP Íraskir ráðamenn
vonast til þess að Saddam Hussein
og samverkamenn hans fyrir inn-
rásina í Írak verði ákærðir áður
en bráðabirgðastjórn Íraks tekur
við völdum þann 30. þessa mánað-
ar. Þeir gera einnig ráð fyrir að
Bandaríkjamenn afhendi þeim
Saddam á næstu tveim vikum.
Talsmaður George W. Bush
Bandaríkjaforseta sagði að
Saddam yrði afhentur Írökum á
viðeigandi tíma en neitaði að
segja hvenær það kynni að vera.
Eitt af því sem Bandaríkjamenn
líta til er mat þeirra á því hversu
vel Írakar geti treyst öryggis-
gæslu þar sem Saddam verður
haldið.
„Ég geri ráð fyrir að það verði
gefnar út handtökuskipanir á
hendur Saddam Hussein og ann-
arra háttsettra embættismanna á
næstu tveimur vikum,“ sagði
Salem Chalabi, sem hefur yfir-
umsjón með undirbúningi að
réttarhöldum yfir fyrrverandi
ráðamönnum fyrir ódæðisverk
sem þeir fyrirskipuðu í stjórnar-
tíð sinni.
Hvorttveggja Írakar og Banda-
ríkjamenn hafa lýst áhuga á því
að Írakar rétti yfir Saddam. Erfið-
lega hefur gengið að setja upp
dómstól til þess og fimm dómarar
sem hafa verið taldir líklegir til að
sitja í honum hafa verið myrtir. ■
Óvíst hvenær Bandaríkjaher lætur
Saddam Hussein af hendi:
Írakar vilja Saddam
í eigin hendur
SADDAM
HUSSEIN
Erfiðlega hefur
gengið að koma
á fót dómstól til
að rétta yfir
Saddam. Fimm
dómarar sem
þóttu líklegir til
að sitja í
honum hafa
verið myrtir.