Fréttablaðið - 16.06.2004, Blaðsíða 48
SÍMANÚMER FRÉTTABLAÐSINS: 550 50 00, fax: 550 50 16 Ritstjórn: 550 50 05, fax: 550 50 06, ritstjorn@frettabladid.is
Auglýsinga- og markaðsdeild: 550 50 10 - fax 550 57 27, auglysingar@frettabladid.is
VI Ð S EG J U M F R É T T I R
Ísland 60 ár
Fréttin í vikunni af einstakling-um og félagasamstökum sem
vildu ekki lána skautbúning til þess
að láta ljósmynda í honum svarta
konu kom illa við mig og marga
aðra. Það er með ólíkindum að á ár-
inu 2004 skuli fólk uppvíst að þeim
ótrúlegu kynþáttafordómum sem
þarna birtast. Hvaða hugmynda-
heimur býr eiginlega þarna að
baki? Hverjir mega klæðast ís-
lenska þjóðbúningnum og hverjir
mega það ekki í þeirri heimsmynd
sem þarna blasir við? Og eru regl-
urnar strangari fyrir skautbúning
en upphlut? Í alvöru talað, hvað er
málið?
HEIMÓTTARHÁTTUR er fylgi-
fiskur óöryggis og óöryggi stafar
meðal annars af smæð og reynslu-
leysi. Vissulega er Ísland lítið land
og verður aldrei annað. Íslenska
þjóðin er líka ung, sama hvernig á
allt er litið, og íslenska lýðveldið er
auðvitað nánast að segja fætt í gær.
Við verðum samt að hrista af okkur
þennan heimóttarhátt, bera höfuðið
hátt og haga okkur eins og sið-
menntað fólk. Tíminn líður og við
erum ekki einangruð þjóð á eyju
langt úti í hafi. Þannig lítur heimur-
inn ekki lengur út.
ÁRIÐ 2004 fara dag hvern fram
þjóðflutningar milli heimsálfa,
bæði í hinum hefðbundna skilningi
orðsins en líka með alls konar fjar-
skiptum sem eru jafn sjálfsagður
búnaður og hnífur og gaffall. Í
þeim heimi er ekki pláss fyrir
þröngsýni eins og þá sem viðbrögð-
in við málaleitan ritstjóranna sýna.
Á MORGUN höldum við upp á að
Ísland hefur verið lýðveldi í 60 ár.
Sextíu ár er auðvitað ekki langur
tími í sögu þjóðar. Samt sem áður
ætti lýðveldið Ísland að vera komið
til þess þroska að íbúar þess geti
með stolti notið þess fjölbreytileika
sem felst í því að konan í skautbún-
ingnum er ekki endilega föl á vang-
ann og með ljósleitt hár. Á 21. öld-
inni eru Íslendingar af margháttuð-
um uppruna. Konan í skautbúningn-
um getur því haft hvert það litar-
haft sem fyrirfinnst á jörðinni. Það
er eitt af því sem gefur lífinu lit.
Gleðilega þjóðhátíð!
BAKÞANKAR
STEINUNNAR
STEFÁNSDÓTTUR
N
‡t
t k
or
ta
tím
ab
il
N
ýt
t
ko
rt
at
ím
ab
il
SM Á A U G L Ý S I N G AS Í M I N N E R 550 5000