Fréttablaðið - 17.06.2004, Blaðsíða 2
2 17. júní 2004 FIMMTUDAGUR
Brugðist við kjarnorkuáætlun Írana:
Engin vettlingatök
VÍN, AP Vesturveldin létu hótanir
íranskra stjórnvalda sem vind um
eyru þjóta þegar gengið var frá
harðrorðri ályktun um kjarnorku-
áætlun Írana á fundi Alþjóða
kjarnorkumálastofnunarinnar í
Vín í gær. Með ályktuninni vilja
Vesturveldin koma í veg fyrir það
sem þau telja feluleik Írana í
kjarnorkumálum. Frakkland,
Þýskaland og Bretland sömdu
ályktunina en búist er við að hún
verði samþykkt eigi síðar en á
miðvikudag. Íranar höfðu frestað
kjarorkuáætlun sinni en þeir hafa
hingað til þverneitað að binda
enda á hana.
Forseti Íran, Mohammad
Khatami, varaði við því að harðr-
orð ályktun frá stofnuninni yrði
til þess að Íranar myndu virkja
kjarnorkuáætlun sína á ný. Lét
Khatami þess getið að Íranar
hefðu enga „siðferðislega skyldu“
til að hætta við eða fresta áætlun
sinni áfram. „Ef ályktun Evrópu-
ríkjanna verður samþykkt, mun-
um við hafna henni,“ sagði
Khatami. ■
Sex hundruð hafnað
Um 600 nemendum hefur verið neitað um skólavist í Háskóla Íslands
vegna skorts á fjármagni. Ráðuneytisstjóri menntamálaráðuneytis segir
það stjórnenda háskólans að ákveða hverjir hljóti þar menntun.
MENNTAMÁL Tvö til þrjú hundruð
manns sem sóttu um undantekn-
ingu til að sækja námskeið háskól-
ans án stúdentsprófs hefur verið
hafnað þrátt fyrir að uppfylla
skilyrðin. Nemum Háskóla Ís-
lands fækkar um fimm til sex
hundruð á næstu önn vegna
hertra inntökuskilyrða. „Við erum
að reyna að reka skólann,“ segir
Þórður Kristinsson, fram-
kvæmdastjóri akademískrar
stjórnsýslu Háskóla Íslands.
Þórður segir að engar undan-
tekningar hafi verið veittar frá
greiðslu skólagjaldanna eftir 7.
júní. Um 300 manns sem sóttu um
skólavist en greiddu ekki innrit-
unargjöld á réttum tíma fyrir-
gerðu rétti sínum til náms við
skólann. „Fólk getur sótt um und-
anþágu fyrir inntökuskilyrðum ef
það telst vera með undirbúning
sem við teljum vera samsvarandi
þeim sem felst í stúdentsprófinu.
Núna er þessi heimild ekki nýtt,“
segir Þórður. „Við erum að reyna
að halda okkur innan þeirra
marka sem fjárlögin gefa okkur.
Þá byrjar maður á þeim sem síst
eiga rétt til náms,“ segir Þórður.
Guðmundur Árnason, ráðu-
neytisstjóri í menntamálaráðu-
neytinu, segir í fjarveru mennta-
málaráðherra að það sé á ábyrgð
háskólans hverjir fái þar inn-
göngu. Ráðuneytinu hafi ekki ver-
ið tilkynnt um skráningartölur
fyrir næsta ár og ekki sé þörf á
sérstökum aðgerðum þrátt fyrir
að fólk með reynslu á við stúd-
entspróf fái ekki að stunda nám í
Háskóla Íslands eins og áður.
Dagný Jónsdóttir, þingmaður
Framsóknarflokks í menntamála-
nefnd, tekur undir orð Guðmund-
ar og segir þetta ákvörðun háskól-
ans. „Það hlýtur þó að koma til
okkar kasta ef á að fara að breyta
inntökuskilyrðum mikið.“
Björgvin G. Sigurðsson, þing-
maður Samfylkingarinnar í
menntamálanefnd, segir þetta
hörmulegar fréttir og áfellisdóm
yfir skólastefnu yfirvalda. „Af-
leiðingar af þessu skeytingarleysi
stjórnvalda í garð skólamála er
fjársveltir skólar sem ná ekki að
vaxa og taka við þeirri eftirspurn
sem er að finna hjá fólkinu eftir
auknu námi og auknum námstæki-
færum. Þarna hefur menntamála-
ráðherra brugðist illilega,“ segir
Björgvin.
gag@frettabladid.is
Spenna í Kongó:
Tugþúsund-
ir flýja
BÚRUNDÍ, AP Rúmlega 22 þúsund
manns hafa flúið skærur í austur-
hluta Kongó yfir landamæri Búr-
undí á síðastliðinni viku. Flótta-
mönnunum hefur verið komið fyr-
ir í tveimur þorpum skammt frá
landamærunum, en skilja þurfti
flóttamennina í sundur vegna
spennu milli ættbálka. Raddir
hafa verið uppi um að minnihluta-
hópar hafi sætt ofsóknum, en
Sameinuðu þjóðirnar segjast ekki
hafa orðið varar við slíkt. Ófriður-
inn síðastliðna viku er sá mesti í
rúmt ár, allt frá því að samsteypu-
stjórn tók við völdum í Kongó. ■
Spenna í Kongó:
Tugþús-
undir flýja
BÚRUNDÍ, AP Rúmlega 22 þúsund
manns hafa flúið skærur í austur-
hluta Kongó yfir landamæri Búr-
undí á síðastliðinni viku. Flótta-
mönnunum hefur verið komið fyr-
ir í tveimur þorpum skammt frá
landamærunum, en skilja þurfti
flóttamennina í sundur vegna
spennu milli ættbálka. Raddir
hafa verið uppi um að minnihluta-
hópar hafi sætt ofsóknum, en
Sameinuðu þjóðirnar segjast ekki
hafa orðið varar við slíkt. Ófriður-
inn síðastliðna viku er sá mesti í
rúmt ár, allt frá því að samsteypu-
stjórn tók við völdum í Kongó. ■
Undirbúningur tilræðis:
Táningar
handteknir
JERÚSALEM, AP Ísraelskar öryggis-
sveitir hafa handtekið tvær tánings-
stúlkur sem eru sakaðar um að hafa
skipulagt sjálfsmorðsárás. Stúlk-
urnar eru fjórtán og fimmtán ára.
Aðstandendur stúlknanna segj-
ast ekki hafa orðið varir við að þær
tengist vígahreyfingum eða stjórn-
málastarfi. Vígahreyfingar hafa
reynt að fá konur og táninga til að
flytja sprengiefni og gera sjálfs-
morðsárásir. Með því reyna hreyf-
ingarnar að komast fram hjá
öryggissveitum Ísraela, sem hafa
stóraukið eftirlit síðustu ár. ■
„Alveg örugglega. En ég lít nú frekar
á það sem meðmæli en hitt.“
Steinunn Valdís Óskarsdóttir flutti hátíðarræðu 17.
júní fram til ársins 2002 en þá vakti ræða hennar
hörð viðbrögð og Steinunn var sökuð um að
blanda pólitískum átökum inn í hátíðarhöldin.
SPURNING DAGSINS
Steinunn, varstu sett á svarta listann?
MEÐ HERMÖNNUM
Bush fór á herstöð í Flórída
og ávarpaði hermenn.
George W. Bush:
Lýðræðið
á leiðinni
FLÓRÍDA, AP „Frjálst og lýðræðislegt
Írak er á leiðinni,“ sagði GeGeorge
W. Bush Bandaríkjaforseti þegar
hann ávarpaði bandaríska her-
menn á herstöð í Flórída, en ávarpi
hans var einnig sjónvarpað til her-
manna í Írak og Afganistan.
„Þið saknið fjölskyldna ykkar,
fjölskyldur ykkar sakna ykkar,“
sagði forsetinn við þá hermenn
sem eru á átakasvæðum. Hann
sagði að árásir andspyrnumanna
kæmu ekki í veg fyrir áform
Bandaríkjastjórnar um að flytja
völdin í hendur íraskrar bráða-
birgðastjórnar eftir tvær vikur.
Tveir hermenn létust og 23
særðust í eldflaugaárás á herstöð í
Írak í gær. ■
LEIKHÚS Árleg afkoma Borgarleik-
hússins var tryggð með sam-
starfssamningi milli Leikfélags
Reykjavíkur og borgarinnar í gær.
Þórólfur Árnason borgarstjóri
segir það borginni mikilvægt að
tryggja starfsemina með góðu
félagi. Inga Jóna Þórðardóttir,
formaður Leikfélags Reykjavík-
ur, er ánægð með samninginn:
„Við horfum bjartsýn fram á veg
og treystum því að þessi nýgerði
samningur verði til heilla fyrir
félagið og leiklistarstarfsemi í
Borgarleikhúsinu.“
Með samningnum er framlag
Reykjavíkurborgar til leikhússins
aukið um 30 milljónir króna á
þessu ári og því næsta. Heildar-
framlag til rekstursins frá árinu
2005 til samningsloka 2012 nemur
241,8 milljónum króna á ári auk
leigukostnaðar að upphæð 150,6
milljónir. Þá tekur Reykjavíkur-
borg við ýmsum rekstrarþáttum
hússins. Leikfélag Reykjavíkur
og Íslenski dansflokkurinn sýna í
Borgarleikhúsinu en með samn-
ingnum er einnig kveðið á um
formlegt samstarf leikfélagsins
við aðrar menningarstofnanir
Reykajvíkurborgar. ■
VIÐ BORGARLEIKHÚSIÐ
Inga Jóna Þórðardóttir, formaður Leikfélags Reykjavíkur, og Þórólfur Árnason borgarstjóri
skrifuðu undir samstarfssamning í gær. Samningurinn tryggir afkomu leikhússins og er
ætlað að styrkja þróttmikið leiklistarstarf og nýta fullkomnasta leiklistarhús landsins
sem best til eflingar fjölbreyttu menningarlífi borgarinnar.
Fjárframlag til Leikfélags Reykjavíkur aukið:
Afkoma Borgar-
leikhússins tryggð
NEMENDUM FÆKKAR Í HÁSKÓLA ÍSLANDS VEGNA AÐHALDSAÐGERÐA
Nemendum við Háskóla Íslands fækkar um 6% á næstu önn vegna hertra inntökuskilyrða við skólann.
Ráðuneytisstjóri menntamálaráðuneytisins segir það háskólans að ákveða hverjir fái skólavist.
TM breytti ranglega:
Greiðir sjö
milljónir
DÓMUR Tryggingamiðstöðinni er
gert að greiða afkomendum konu
sem féll af svölum hótels á Las
Palmas rúmar sjö milljónir í
dánarbætur.
Konan lést í janúar árið 2002
eftir að sambýlismaður hennar
ýtti við henni í kjölfar rifrilda svo
hún missti jafnvægi og féll fram
af svölum. Tryggingarfélagið
neitaði að greiða út dánarbætur
þar sem það taldi ölvun konunnar
hafa orsakað lát hennar. Í blóði
hennar mældust þrjú prómill.
Héraðsdómur Reykjavíkur
segir ekki liggja fyrir í málinu að
konan hafi fallið vegna ölvunar
heldur sé þvert á móti upplýst að
henni hafi verið ýtt eða hrint sem
leiddi til fallsins. ■
Slökkviliðið í Reykjavík
Bruni í
heimahúsi
ELDSVOÐI Slökkviliðið í Reykjavík
var kallað út vegna elds í heima-
húsi í Álfaborgum í Grafarvogi
um fjögurleytið í gær. Eldurinn
barst um eldhúsið og olli miklu
tjóni en engin slys urðu á fólki. Að
sögn slökkviliðsins í Reykjavík
voru eldsupptök enn ókunn. ■
Slökkviliðið í Reykjavík:
Tvö útköll
ELDSVOÐI Slökkviliðið var kallað út
vegna tilkynninga um reyk í íbúðum
við Norðurstíg og í Flétturima á átt-
unda tímanum í gærkvöld. Á Norðu-
stíg reyndist plastfilma hafa gleymst
á hellu sem olli reyk og ólykt og dá-
litlum reykskemmdum. Í Flétturima
gleymdi heimilisfólk potti á eldhús-
hellu sem olli dálitlum reykskemmd-
um. Vel gekk að reykræsta í báðum
íbúðum. ■
MOHAMMAD KHATAMI
Hótar að halda sínu striki þótt Írönum
verði settur stóllinn fyrir dyrnar.
M
YN
D
A
P