Fréttablaðið - 17.06.2004, Blaðsíða 8

8 17. júní 2004 FIMMTUDAGUR
Uppreisnarmenn myrtu 34 verkamenn:
Bundnir og skotnir til bana
KÓLUMBÍA, AP 34 landbúnaðar-
verkamenn voru bundnir og
skotnir til bana á búgarði í einu
stærsta kókaínframleiðslu-
héraði Kólumbíu. Vinstrisinnað-
ir uppreisnarmenn eru grunaðir
um ódæðisverkin.
Hópur vopnaðra manna rudd-
ist í dögun inn í hús þar sem
verkamennirnir sváfu, bundu þá
og skutu með vélbyssum. Fimm
sluppu á lífi og voru fluttir á
næsta sjúkrahús, þar sem gert
var að sárum þeirra. „Við björg-
uðum lífi okkar með því að
hlaupa til fjalla,“ sagði Jesus
Bayona, einn þeirra sem sluppu
lifandi. Hann slapp þó ekki við
meiðsl þar sem hann var skotinn
í fótinn en komst undan þrátt
fyrir það.
Fjörutíu ára barátta vinstri-
sinnaðra uppreisnarmanna gegn
stjórnvöldum hefur að meðaltali
kostað 3.500 manns í landinu
lífið árlega. Barátta uppreisnar-
manna og hægrisinnaðra sveita
sem berjast gegn þeim hefur þó
á síðari árum beinst meira að
því að ná undirtökunum í fíkni-
efnaframleiðslu. ■
FÍKNIEFNI Þær 5.005 e-töflur sem
náðust á Keflavíkurflugvelli á
fimmtudag hafa ekki áhrif á nú-
verandi markað fíkniefna, segir
Þórarinn Tyrfingsson, yfirlæknir á
Vogi. Hann segir að rúmlega 60
prósent þeirra sem leiti sér aðstoð-
ar vegna vímuefnavanda á aldrin-
um tuttugu til þrjátíu ára geri það
vegna örvandi lyfja eins og am-
fetamíns, e-taflna og kókaíns. Árið
2002 hafi orðið hægfara aukning á
fíkniefnaneyslu rétt eins og í
fyrra. Fimmtungs aukning varð á
innlögnum vegna örvandi lyfja
milli ára þegar 521, 95 fleiri en
árinu áður, af 1.801 sjúklingi sótti
Vog vegna þeirra.
Þórarinn segir að það skipti
máli hvort fíkniefnum sé náð við
innkomu í landið eða á götunni.
„Það fíkniefni sem tekin eru meðal
fólksins segja miklu meira um
hvað er komið inn og hvað er á
markaðnum,“ segir Þórarinn.
Ásgeir Karlsson, aðstoðaryfir-
lögregluþjónn hjá lögreglunni í
Reykjavík, tekur undir að fimm
þúsund e-töflur hafi ekki áhrif á
fíkniefnamarkaðinn sem slíkan:
„En með því að leggja hald á svona
margar töflur komum við í veg
fyrir að þær fari í umferð. Það er
stærsti ávinningurinn.“
Ásgeir segir e-töflu ekkert ann-
að en sambland af amfetamíni og
ofskynjunarefni sem sé ekki
óskylt LSD. „Hún hefur verið
kynnt sem gleðipilla en hún getur
snúist upp í andhverfu sína. Hún
getur verið skaðleg og jafnvel leitt
til dauða vegna ofþornunar, fyrir
utan langtímaáhrif af henni svo
sem þunglyndi í kjölfar mikillar
neyslu,“ segir Ásgeir. „Þetta er
alltaf spurning um umræðuna. Það
er eins og með LSD á sínum tíma.
Það hvarf af markaðinum þegar
menn fóru að ræða skaðsemina. Ef
engin umræða er byrja menn að
nota lyfin aftur,“ segir Ásgeir.
Þórarinn segir nærri tvö
hundruð þeirra sem koma í með-
ferð á ári nota e-töflur reglulega
og því megi reikna með að talsvert
fleiri neyti þeirra í samfélaginu en
Þórarinn segir einkenni e-töflunn-
ar hafa verið gríðarlega stóran hóp
tilraunaneytenda.
gag@frettabladid.is
SVONA ERUM VIÐ
ÞÁTTTAKA Í FORSETAKOSNINGUM
Á ÍSLANDI
1952: 82,0%
1968: 92,2%
1980: 90,5%
1988: 72,8%
1996: 85,9%
Heimild: Hagstofa Íslands.
Á SPÍTALA EFTIR ÁRÁSINA
Fimm manns sluppu lifandi úr árásum
uppreisnarmanna, 34 létust.
Síldarvinnslan drjúg í
kolmunnaveiðinni:
Með tæpan
helming
aflans
KOLMUNNI Langmestur hluti þess
kolmunna sem veiddur hefur verið
og landað á Íslandi kemur að landi
á Seyðisfirði en þar hefur tæpum
58 þúsund tonnum verið landað á
þessari vertíð. Búið var að landa
um 190 þúsund tonnum alls.
Hefur helmingur þess farið til
Síldarvinnslunnar og er hlutdeild
hennar um 47 prósent aflans. Tæp
19 þúsund tonn af síld hafa komið
að landi hjá verksmiðjum víða um
land það sem af er vertíðinni. ■
UTANRÍKISRÁÐHERRARNIR
Utanríkisráðherrar aðildarríkja Samtaka
íslamskra ríkja lýstu stuðningi við
stjórnvöld í Bagdad.
Íslömsk ríki:
Ótakmarkað
fullveldi
ISTANBÚL, AP Samtök íslamskra
ríkja, sem hafa 57 ríki innan sinna
raða, hétu því í gær að hjálpa
Írökum af fullum mætti við að
koma á lýðræði og byggja upp
fullvalda ríki. Ályktunin var sam-
þykkt á lokafundi ráðstefnu ríkj-
anna sem var að ljúka í Istanbúl.
Í ályktuninni er lýst stuðningi
við það að hernámi Íraks ljúki og
að völdin verði færð í hendur íra-
skra stjórnvalda. Sérstök áhersla
var lögð á að fullveldi Íraks yrði
að verða ótakmarkað. ■
ÞÓRARINN TYRFINGSSON
Yfirlæknir á Vogi segir að um 80% sjúk-
linga komi þrisvar eða sjaldnar í meðferð.
Þórarinn segir að ef farið sé út meðal
fólksins og það spurt hvað það hafi farið
oft í meðferð segist helmingurinn hafa
verið einu sinni eða tvisvar. „Það er óskap-
lega stór hópur sem leggur af neyslu með
tiltölulega litlu inngripi,“ segir Þórarinn.
Þriðjungur á
örvandi lyfjum
Þriðjungur þeirra sem sækja meðferð hjá SÁÁ gerir það vegna örvandi lyfja.
Rúmlega 60 prósent þeirra eru á þrítugsaldri, segir yfirlæknir á Vogi. Fíkni-
efni sem náist á Keflavíkurflugvelli hafi ekki áhrif á fíkniefnamarkaðinn.
Fékk skilorð fyrir líkamsárás:
Þolandi
fyrirgaf árás
DÓMSMÁL Rúmlega tvítugur
varnarliðsmaður var dæmdur í
Héraðsdómi Reykjaness í fimm
mánaða skilorðsbundið fangelsi
fyrir sérstaklega hættulega lík-
amsárás.
Varnarliðsmaðurinn sló ann-
an mann í höfuðið með gler-
flösku sem brotnaði við höggið.
Afleiðingarnar voru að maður-
inn hlaut fimm til sex sentíme-
tra langan skurð þvert yfir vin-
stra gagnauga og upp fyrir vin-
stri augabrún. Við ákvörðun
refsingar var litið til aðdrag-
anda árásarinnar, aldurs
ákærða, sakaferils og að þoland-
inn hefði fyrirgefið varnarliðs-
manninum árásina. Þá hefur
varnarliðsmaðurinn greitt
manninum fullar bætur sem
þeir komust að samkomulagi
um. Vegna alls sem að framan
er talið þótti rétt að skilorðs-
binda dóminn til þriggja ára. ■
MANSAL Stjórnvöld í Bandaríkjun-
um áætla að fórnarlömb mansals
innan landamæra um allan heim
nemi milljónum. Þetta er meðal
þess sem fram kemur í fjórðu
árlegu mansalsskýrslu banda-
ríska utanríkisráðuneytisins sem
Colin Powell utanríkisráðherra
kynnti í vikunni.
Höfundar skýrslunnar í ár
áætla að 600–800 þúsund mann-
eskjur séu seldar mansali yfir
landamæri á hverju ári. Fórnar-
lömbin eru 47% konur, 34%
stúlkur undir 18 ára aldri og
16% drengir undir 18 ára aldri –
yfir 80% fórnarlambanna eru
því konur og helmingur börn.
Bandaríkin vörðu yfir 70
milljónum dala til baráttunnar
gegn mansali utan Bandaríkj-
anna á síðasta fjárhagsári. Í
ræðu sinni hjá Sameinuðu þjóð-
unum í september gaf Bush
Bandaríkjaforseti vilyrði fyrir
50 milljónum dala til sömu nota
á þessu ári.
Skýrslan er sögð hvatning til
ríkisstjórna heimsins um frek-
ari staðfestu, hugmyndaauðgi
og samvinnu í baráttunni gegn
mansali. Tilgangur skýrslunnar
er að auka skilning á mansali á
alþjóðlegum grundvelli og
hvetja þjóðir til áhrifaríkra
aðgerða. ■
Prestssonur:
Myrti
92 ára konu
BANDARÍKIN, AP Prestssonur á skil-
orði hefur verið handtekinn,
grunaður um að myrða 92 ára
konu. Konan bjó beint á móti
kirkjunni þar sem faðir hins
grunaða þjónar sókn sinni.
Grunur beindist að mannin-
um vegna þess að hann sást
keyra um á bíl gömlu konunnar
degi eftir að hún var myrt,
nokkrum dögum áður en lík
hennar fannst. Hann viðurkenn-
ir að hafa brotist inn til hennar
en neitar að hafa myrt hana.
Hann var upphaflega handtek-
inn vegna kæru um að hafa rænt
og nauðgað fyrrverandi konu
sinni. Þá særðist hann á fæti í
skotbardaga við lögreglu. ■
■ NORÐURLÖND
LITLU MINNI FÁTÆKT
Þeir Danir sem lifa undir fátækt-
armörkum, eða af innan við
helmingi meðallauna, hefur
fækkað lítillega frá 1983. Þá voru
þeir 237 þúsund en eru nú 225
þúsund. Hlutfallslega hefur þeim
fækkað úr 4,5 prósentum af
þjóðinni í 4,2 prósent.
BLAÐAMENN Í VANDA
Marokkóska öryggislögreglan
hneppti tvo norska blaðamenn í
varðhald og hugðist reka þá úr
landi. Marokkóskur embættis-
maður sagði blaðamennina hafa
fengið leyfi til að skrifa um
ferðamál en síðan tekið til við að
fjalla um stjórnmál. Þeir vildu
ræða við uppreisnarmenn í
Vestur-Sahara.
■ ASÍA
ÞRETTÁN LÉTUST Í það minnsta
þrettán manns létu lífið og 27
særðust þegar rúta fór út af
fjallavegi í Nepal og valt
hundrað metra niður brekku.
Ökumaður rútunnar þurfti að
beina henni inn á fjallaveginn
þar sem þjóðvegurinn var
lokaður vegna viðgerða.
COLIN POWELL
Bandaríski utanríkisráðherrann kynnti fjórðu
mansalsskýrslu stjórnar sinnar í vikunni.
M
YN
D
A
P
Skýrsla bandarískra stjórnvalda um mansal:
Börn eru helmingur fórnarlamba
alþjóðlegrar verslunar með fólk