Fréttablaðið - 17.06.2004, Blaðsíða 31
23FIMMTUDAGUR 17. júní 2004
Framherjinn snjalli Wayne Rooney segist njóta hverrar mínútu í Portúgal:
Frábær reynsla sem mun nýtast mér
FÓTBOLTI Wayne Rooney, hinn
ungi framherji enska lands-
liðsins, er í sjöunda himni með
reynslu sína af Evrópumótinu
Portúgal hingað til. Rooney var
besti leikmaður enska liðsins í
tapleiknum gegn Frökkum á
sunnudaginn, í sinum fyrsta leik
á stórmóti, og er afskaplega já-
kvæður þrátt fyrir úrslitin.
„Það er frábært að vera hérna
með bestu leikmönnum Evrópu.
Þetta er stórkostleg reynsla fyrir
ungan leikmann eins og mig og
getur aðeins hjálpað mér sem
leikmanni,“ sagði Rooney á blaða-
mannafundi í gær.
Rooney talaði einnig um vin-
áttu sína við Steven Gerrard,
fyrirliða Liverpool, og sagði Gerr-
ard hafa hjálpað sér mikið. „Hann
hefur reynst mér ómetanlegur og
er alltaf tilbúinn að gefa mér góð
ráð þegar ég þarf á því að halda.
Við eyðum miklum tíma saman,
spilum borðtennis og ballskák en
það verður reyndar að viðurkenn-
ast að ég er mun betri en hann í
báðum þessum íþróttum.“
Rooney getur orðið yngsti leik-
maðurinn í sögu úrslitakeppni
Evrópumótsins ef hann skorar
gegn Sviss á morgun en hann vildi
lítið gera úr því. „Það væri auð-
vitað gaman að eiga það í minn-
ingunni að hafa verið yngsti leik-
maðurinn til að skora í þessu móti
en það mikilvægasta er að vinna
leikinn, hver skorar mörkin er al-
gjört aukaatriði,“ sagði Rooney,
sem hefur staðið undir vænting-
um og gott betur það sem af er
þessu móti. ■
Brotalamir í undirbúningi Englendinga:
James vissi ekki um
aukaspyrnur Zidane
EM Í FÓTBOLTA Sérfræðingar enska
knattspyrnusambandsins settu
saman myndbandsspólu fyrir
David James, markvörð liðsins, til
þess að hann vissi hvernig hann
ætti að bregðast við sóknar-
tilburðum franska liðsins í leik
liðanna á sunnudaginn. Sá galli
var hins vegar á gjöf Njarðar að
engin aukaspyrna frá Zinedine
Zidane var á spólunni og því kom
spyrna hans eins og þruma úr
heiðskíru lofti fyrir James.
James viðurkenndi á blaða-
mannafundi í gær að hann hefði
horft á spólu með franska liðinu
en snilld Zidane í aukaspyrnu-
fræðum hefði komið honum í opna
skjöldu. Sérfræðingar enska sam-
bandsins verja sig með því að þeir
hafi tekið upp sjö síðustu leiki
franska liðsins og þar hafi Zidane
ekki sýnt aukaspyrnusnilli sína.
Þetta er þó ekki í fyrsta sinn sem
Zidane skorar beint úr aukaspyrnu
á EM því hann skoraði fyrsta mark
leiksins gegn Spáni í átta liða úrslit-
um keppninnar fyrir fjórum árum
beint úr einni slíkri. ■
Jean Tigana um Zinedine Zidane:
Besti leikmaður í heimi
EM Í FÓTBOLTA Jean Tigana, fyrrum
knattspyrnustjóri Fulham, er ekki
í vafa um að frammistaða Zinedine
Zidane á lokamínútum leiksins
gegn Englendingum hafi sýnt svo
ekki verður um villst að hann er
besti leikmaður í heimi í dag. Tig-
ana, sem þykir vera líklegur til að
taka við af Jacques Santini eftir
keppnina, sagðist í það minnsta
vera viss um það. „Ég veit að Zida-
ne er bestur í heimi. Hann spilar
hjá Real Madrid þar sem félagar
hans segja að hann sé besti maður
liðsins. Frammistaða hans á
lokakaflanum gegn Englandi var
slík að aðeins afburðamenn gátu
dregið hana upp úr hattinum,“
sagði Tigana, sem vildi ekki ræða
um möguleikana á því að hann yrði
næsti þjálfari Frakka en Santini
mun taka við Tottenham eftir að
mótinu lýkur. ■
Campbell ekki sáttur við Vieira:
Ætla að ræða við hann
EM Í FÓTBOLTA Sol Campbell, varn-
armaður Arsenal og enska
landsliðsins, er öskuvondur út í
samherja sinn Patrick Vieira
eftir að Frakkinn ásakaði leik-
menn Englands um að spila
grófan leik og kallaði þá meðal
annars „svindlara“ sem létu sig
falla í jörðina við minnsta til-
efni. Ummælin lét Viera falla
eftir leik þjóðanna á sunnudag.
„Ég mun spyrja hann að þessu
og fá á hreint hvað hann á við,“
sagði Campbell í gær. „Ég talaði
við hann þegar við vorum á leið
til búningsklefanna eftir leikinn
og þá sagði hann ekki orð,“ bætti
Campbell við og stóð greinilega
ekki á sama um þessar ásakanir
samherja síns í garð enska liðs-
ins.
Bixente Lizarazu, varnarmað-
ur franska liðsins, er einnig undr-
andi á ummælum Vieira og segir
ensku leikmennina einfaldlega
hafa varist vel. „Mér fannst ekk-
ert að því hvernig þeir léku. Jú,
þeir léku harðar en við erum van-
ir en dómarinn áminnti nokkra
leikmenn og fannst mér það rétt í
öllum tilvikunum. Englendingar
gerðu ekkert rangt, þeir tækluðu
einfaldlega vel,“ segir Lizarazu. ■
ER HANN BARA KERLING?
Patrick Viera ræðir við þjálfara sinn,
Jacques Santini, á æfingu í gær.
ZINEDINE ZIDANE
Besti leikmaður heims að mati
Jean Tigana.
DAVID JAMES
Varnarlaus gegn aukaspyrnu Zinedine
Zidane á sunnudaginn
WAYNE ROONEY
Sést hér fagna marki Englendinga gegn Frökkum ásamt markaskoraranum
Frank Lampard.