Fréttablaðið - 18.06.2004, Blaðsíða 2

2 18. júní 2004 FÖSTUDAGUR
41 lést í tveim sprengjuárásum á íraskar öryggissveitir:
Mikið mannfall í Bagdad
ÍRAK, AP Ekkert lát virðist ætla að
verða á sprengjuárásum í Írak í
aðdraganda valdaafsals her-
námsstjórnarinnar í hendur íra-
skrar bráðabirgðastjórnar. Í
gær lét 41 Íraki lífið í tveimur
árásum á íraskar öryggissveitir.
Flestir þeirra sem létust
voru staddir í og við ráðningar-
stöð írösku öryggissveitanna í
Bagdad. Þar létust 35 og á ann-
að hundrað manns særðust
þegar öflug sprenging reif bíla í
sundur og þeytti líkamshlutum
langar leiðir. Fjöldi fátækra og
atvinnulausra Íraka hafði farið
að ráðningarstöðinni í von um
að verða sér úti um vinnu en
varð þess í stað fyrir barðinu á
ódæðinu.
Innanríkisráðherra bráða-
birgðastjórnarinnar, Falah
Hassan al-Naqib, sagðist telja
að um verk Abu Musab al-
Zarqawi væri að ræða en hann
er talinn tengjast al-Kaída.
Sprengingin við ráðningar-
stöðina var ekki eina árásin á
íraskar öryggissveitir í gær. Sex
þeirra létu lífið í sprengjuárás í
Balad, norður af Bagdad. ■
Bush ítrekar tengsl
al-Kaída og Íraks
Bandaríkjaforseti hafnar þeim fullyrðingum rannsóknarnefndar að lítil
sem engin samskipti hafi verið milli Íraka og al-Kaída. Bush hefur verið
krafinn um afsökunarbeiðni fyrir að afvegaleiða bandarísku þjóðina.
WASHINGTON George W. Bush
Bandaríkjaforseti dró í gær í efa
fullyrðingar nefndar, sem rann-
sakar hryðjuverkaárásirnar 11.
september, um að ekki væri að sjá
að nein tengsl hefðu verið á milli
íraskra stjórnvalda og al-Kaída.
„Það var sam-
band milli Íraks
og al-Kaída,“
sagði Bush að
loknum fundi með
ráðherrum sínum.
„Þessi ríkisstjórn
sagði aldrei að
árásirnar 11. sept-
ember hefðu ver-
ið samvinnuverk
Saddams og al-
Kaída,“ sagði
hann. „Við sögð-
um að það hefðu verið samskipti
milli Saddams Hussein og al-
Kaída. Til dæmis hittu fulltrúar
írösku leyniþjónustunnar bin
Laden, leiðtoga al-Kaída, í Súdan,“
bætti Bush við.
Um fundinn í Súdan sagði
rannsóknarnefndin að hann hefði
átt sér stað en ekkert komið út úr
honum. Osama bin Laden hefði
farið fram á stuðning Íraka en
þeir ekki svarað honum. Þá héldu
hvort tveggja Dick Cheney vara-
forseti og Colin Powell utanríkis-
ráðherra því fram að leiðtogi
árásarmannana 11. september
hefði hitt íraskan leyniþjónustu-
mann skömmu fyrir árásirnar.
Mjög hefur verið dregið í efa að
sá fundur hafi átt sér stað en nið-
urstaðan var eftir sem áður sú að
meirihluti Bandaríkjamanna trúði
því að Írakar hefðu átt þátt í árás-
unum 11. september.
Samkvæmt skoðanakönnun í
apríl síðastliðnum töldu 49 pró-
sent Bandaríkjamanna enn að
sannað hafi verið að Írakar hefðu
stutt al-Kaída, 36 prósent töldu að
svo væri ekki.
Skýrsla rannsóknarnefndar-
innar hefur vakið hörð viðbrögð.
Leiðarahöfundur New York Times
segir að Bush verði að biðja
bandarísku þjóðina afsökunar á
því að hafa blekkt hana. Þar segir
að það óheiðarlegasta sem Bush
gerði í að sannfæra Bandaríkja-
menn um þörfina fyrir innrás í
Írak hafi verið að tengja hana bar-
áttunni gegn hryðjuverkum þegar
flestir sérfræðingar töldu engin
tengsl milli Íraka og al-Kaída.
Leiðarahöfundur Washington Post
telur viðbrögð við skýrslunni of
hörð en atyrðir Cheney þó fyrir að
halda á lofti hugmyndum um
stuðning Íraka við al-Kaída löngu
eftir að allir aðrir í stjórninni hafi
séð að sér.
brynjolfur@frettabladid.is
Víkingahátíð
í Hafnarfirði:
Víkingar
rændir
LÖGREGLUMÁL Danskir víkingar
vissu ekki hvaðan á sig stóð veðr-
ið þegar þeir urðu fyrir strand-
höggi í Hafnarfirði. Bíræfinn
þjófur hafði af þeim stafræna
myndavél, farsíma og vodka-
flösku, en varð það á að skilja sinn
eigin síma eftir á vettvangi
glæpsins. Átti lögreglan í Hafnar-
firði auðvelt með að leita þjófinn
uppi þegar ljóst var hver eigandi
símans var. Allt þýfið kom í leit-
irnar og var flaskan óupptekin. Að
sögn lögreglu tóku víkingarnir
flöskunni fagnandi. ■
■ BANDARÍKIN
KIRKJA ÍHUGAR GJALDÞROT
Kaþólsk kirkjudeild í Tucson í
Arizona íhugar nú að fara fram á
gjaldþrot. Forystumenn sóknarinn-
ar segja það gert vegna þess að
bótakröfur þeirra sem hafa höfðað
mál á sóknina vegna kynferðis-
brota klerka hljóði upp á hærri
fjárhæð en eigur kirkjunnar.
EINN Á MÓTI
Bankamála-
nefnd öldunga-
deildarinnar
samþykkti
skipun Alan
Greenspan
sem seðla-
bankastjóra til
næstu fimm
ára með öllum atkvæðum gegn
einu. Jim Bunning kaus hann
ekki og sagði Greenspan hafa
lækkað vexti of seint 1992 og
2000. Viðbúið er að hann verði sá
eini af hundrað öldungadeildar-
þingmönnum til að greiða at-
kvæði gegn staðfestingu Green-
spans.
,,49 pró-
sent Banda-
ríkjamanna
telja enn að
sannað hafi
verið að
Írakar hafi
stutt
al-Kaída.
„Ég hef alltaf staðið í þeirri barnslegu
trú að 17. júní sé haldinn
hátíðlegur mín vegna.“
Hrafn Gunnlaugsson kvikmyndaleikstjóri
varð 56 ára í gær.
SPURNING DAGSINS
Hrafn, skyggði afmæli lýðveldisins á
afmæli þitt?
DONALD RUMSFELD
Genfarsáttmálinn kveður á um að opinbert
skuli vera hvaða fanga herir hafi í haldi.
Donald Rumsfeld:
Lét herinn
leyna fanga
BANDARÍKIN Donald Rumsfeld,
varnarmálaráðherra Bandaríkj-
anna, fyrirskipaði bandarískum
herforingjum í Írak að láta halda
fanga leynilega meðan hann var
yfirheyrður. Með því átti að koma
í veg fyrir að Alþjóða rauði kross-
inn fylgdist með meðferð hans og
upplýsti um staðsetningu hans.
Írakinn var sagður skipuleggj-
andi hryðjuverka. George Tenet,
þáverandi yfirmaður bandarísku
leyniþjónustunnar CIA, fór fram
á það við Rumsfeld að ekkert yrði
látið uppi um að maðurinn væri í
haldi Bandaríkjanna.
Þetta er eini maðurinn sem
Bandaríkjaher hefur viðurkennt
að hafa haldið leynilega en því
hefur verið haldið fram að fleiri
sé haldið með þessum hætti. ■
Á VETTVANGI ÁRÁSARINNAR
Fjöldi manns tók þátt í að hlúa að særðum
og bera lík á brott.
VÍST VORU TENGSL
Bush neitaði því að stjórn sín hefði nokkurn tíma haldið því fram að Írakar hefðu komið
að árásunum 11. september. Cheney og Powell ýjuðu þó báðir að því.
Kæra Umhverfisstofnun:
Varpstofnar
í hættu
NÁTTÚRUVERND Ábúendur í Dyr-
hólahverfi hafa kært ákvörðun
Umhverfisstofnunar um að hafa
Dyrhólaey opna fyrir umferð
gangandi fólks og bifreiða á miðj-
um varptíma. Dyrhólaey var frið-
lýst árið 1978 að frumkvæði
bænda og síðan þá var eyjan nær
alltaf lokuð 1. maí til 25. júní ár
hvert til að vernda æðarvarp og
annað fuglalíf í eynni. Fyrir
tveimur árum hóf Umhverfis-
stofnun að opna staðinn á miðjum
varptíma með þeim afleiðingum
að æðarvarp þar hefur hrunið nið-
ur. Ábúendur telja að opnun Dyr-
hólaeyjar á varptíma þriðja árið í
röð muni skerða varpstofna enn
frekar og draga úr gildi Dyrhóla-
eyjar sem ferðamannastaðs. ■
ÁREKSTUR Fólksbíll og jeppi rákust
saman á gatnamótum Háaleitis-
brautar og Miklubrautar klukkan
korter yfir þrjú í gær. Jeppinn
valt og endaði á hvolfi ofan á
umferðareyju.
Farþegar bílanna voru fjórir
en að sögn lögreglu voru meiðsl
þeirra talin minniháttar. Bílarnir
eru hins vegar mikið skemmdir
og þurfti kranabíl til að flytja þá
af vettvangi.
Öll umferð um þessi fjölförnu
gatnamót stöðvaðist um tíma.
Tildrög slyssins eru óljós en lög-
reglan í Reykjavík segir vafa
leika á stöðu umferðarljósa á
þeim tíma sem slysið varð. Málið
er í rannsókn. ■
BETUR FÓR EN Á HORFÐIST
Jeppi og fólksbíll rákust saman á gatna-
mótum og valt jeppinn við það.
■ ÖXNADALSHEIÐI
ÓVENJU MIKILL HRAÐAKSTUR
Lögreglan á Siglufirði og Akur-
eyri stöðvuðu á fimmta tug bíla
fyrir hraðakstur á Öxnadals-
heiði í fyrrakvöld. Að sögn lög-
reglunnar á Akureyri var mikil
umferð á heiðinni, en um þess-
ar mundir standa svonefndir
Bíladagar á Akureyri og voru
margir á ferðinni í tengslum
við þá.
FR
ÉT
TA
B
LA
Ð
IÐ
/R
Ó
B
ER
T
Árekstur á gatnamótum Miklubrautar og Háaleitisbrautar:
Sluppu með lítil meiðsl