Fréttablaðið - 18.06.2004, Blaðsíða 8

8 18. júní 2004 FÖSTUDAGUR
BELGÍA, AO Dómstóll í Belgíu sak-
felldi í gær Marc Dutroux fyrir
morð og nauðgun á börnum í einu
umtalaðasta sakamáli í sögu
landsins. Kviðdómur komst að
þeirri niðurstöðu að Dutroux
hefði rænt og haldið sex ungum
stúlkum í gíslinu, pyntað þær og
orðið tveimur þeirra að bana.
Alls voru ákæruatriðin í mál-
inu gegn Dutroux 243 talsins, en
auk hans voru þrír vitorðsmenn
ákærðir.
Mál Dutroux hefur tröllriðið
belgísku samfélagi undanfarinn
áratug og sýndu sjónvarpsstöðvar
beint frá úrskurði kviðdómsins í
gær. Belgískt réttarkerfi hefur
legið undir miklu ámæli á meðan
á málarekstrinum hefur staðið en
Dutroux framdi glæpi sína á með-
an hann var á reynslulausn eftir
að hafa verið dæmdur fyrir að
nauðga ungum stúlkum í byrjun 9.
áratugarins.
Dutroux á yfir höfði sér lífstíð-
arfangelsi en hlutdeildarmenn
hans allt að þrjátíu ára fangelsi.
Ættingjar fórnarlambanna sögðust
fyrir dómsuppkvaðninguna vonast
eftir málagjöldum. „Þetta mun
ekki lina sorg mína, en ég veit þó
að barnabarns míns hefur verið
hefnt,“ sagði Jeanine Lejeune en
átta ára dótturdóttir hennar var
meðal fórnarlamba Dutroux. ■
Hátt eftirlitsgjald
veldur óánægju
Fasteignasalar eru óánægðir með hátt eftirlitsgjald sem þeim verður gert að greiða með gildis-
töku nýrra laga um fasteignasölur. Formaður Félags fasteignasala segir of mikið gert úr
valdsviði nýrrar eftirlitsnefndar, en fagnar tilkomu laganna.
VIÐSKIPTI „Auðvitað erum við byrj-
aðir að undirbúa á fullu nýtt um-
hverfi eftir að lögin taka gildi,“
sagði Björn Þorri Viktorsson, for-
maður Félags fasteignasala, spurð-
ur um undirbúning stjórnar félags-
ins á gildistöku nýrra laga um fast-
eignasölur sem taka gildi 1. október.
Björn kvaðst ekki vilja tjá sig við
fjölmiðla um í hverju undirbúning-
urinn væri fólginn.
Með nýju lögunum verður komið
á skylduaðild fasteignasala að FF.
Björn Þorri sagði að gróflega áætl-
að mætti gera ráð fyrir að um 110
fasteignasölur og útibú væru í land-
inu. Þá kvaðst hann giska á að 30–40
fasteignasölur væru í félaginu.
Um 150 löggiltir fasteignasalar
væru í landinu, en 75 fasteigna-
salar væru í félaginu.
Um nýja eftirlitsnefnd með víð-
tæka heimild til að fylgjast með
störfum fasteignasala sagði Björn
Þorri mikilvægt að í hana veldust
góðir og framsýnir menn. Of mikið
hefði verið gert úr valdsviði nefnd-
arinnar í fjölmiðlum.
„Það hefur verið fullyrt að þessi
nefnd geti vaðið inn án samþykkis.
Það stenst ekki,“ sagði hann.
Rekstur nefndarinnar verður
fjármagnaður með árlegu eftirlits-
gjaldi sem nemur 100 þúsund krón-
um á hvern fasteignasala.
„Það þykir mörgum hátt, enda er
það hátt,“ sagði Björn Þorri. „Eitt af
því sem stendur í mönnum þegar
sett er af stað ný stofnun er hver
eigi að borga kostnaðinn. Niðurstað-
an varð sú að greinin skyldi borga
það sjálf. Ég er ekki að segja að sátt
hafi verið um það. Krafan frá mörg-
um félagsmönnum var sú að ríkið
borgaði þetta eftirlit. Mönnum
finnst líka að það sé svolítið verið að
skjóta rjúpu með fallbyssu hvað
þetta eftirlit varðar, því nefndin á
meðal annars að hafa eftirlit með
bókhaldi og reikningsskilum, sem er
í rauninni ekki hennar hlutverk.
Hún ætti fyrst og fremst að horfa til
þeirra þátta sem lúta að faglegum
atriðum í fasteignaviðskiptum, því
almennt skattaeftirlit hlýtur að hafa
eftirlit með bókhaldi og öðru þess
háttar,“ sagði Björn Þorri, sem sagði
fasteignasala í það heila ánægða
með nýju lögin, sem þeir byndu
miklar vonir við, svo og það reglu-
virki sem þau hefðu í för með sér.
jss@frettabladid.is
Með þriggja mánaða
gamalt ökuskírteini:
Tekinn
á 175
LÖGREGLUMÁL Lögreglan á Húsa-
vík stöðvaði ungan ökumann á
175 kílómetra hraða í fyrradag
skammt fyrir utan bæinn.
Að sögn lögreglunnar var
ökumaðurinn aðeins búinn að
vera með skírteinið í þrjá mán-
uði. Hann var sviptur ökuleyfi á
staðnum og þarf hann því að
fara ferða sinna á tveimur jafn-
fljótum næstu þrjá mánuði.
Lögreglan á Húsavík stöðvaði
fyrr á árinu ökumann á 152 kíló-
metra á kafla þar sem hámarks-
hraði var 50 kílómetrar á
klukkustund. ■
FORSETAFRAMBJÓÐANDI
Á VÍKINGAHÁTÍÐ
Ástþór Magnússon forsetaframbjóðandi og
Natalía Wium, eiginkona hans, voru við
opnun Víkingahátíðar í Hafnarfirði í fyrra-
dag. Ítarlegt viðtal er við Ástþór í Frétta-
blaðinu í dag á síðu 24 og 25.
SVONA ERUM VIÐ
Heimild: Hagstofa Íslands.
Ár 1980 1985 1990 1995 2000
5
5
0
.1
13
6
9
0
.0
14
6
2
3
.3
5
3
6
07
.5
12
72
8
.4
10
2001
81
1
.4
5
5
MARC DUTROUX
Sakfelldur fyrir morð og nauðgun á börnum.
Umtalaðasta sakamáli Belgíu að ljúka:
Dutroux sakfelldur
fyrir morð og nauðgun
DÆMDUR FYRIR FJÖLDAMORÐ
Sylvestre Gacumbitsi hlýðir á
dómsuppkvaðninguna.
Fjöldamorðin í Rúanda:
Í 30 ára
fangelsi
TANSANÍA, AP Stríðsglæpadómstóll
Sameinuðu þjóðanna í málefnum
Rúanda hefur dæmt fyrrverandi
bæjarstjóra í 30 ára fangelsi fyrir
þátt sinn í fjöldamorðunum sem
framin voru í landinu árið 1994.
Hinn 57 ára Sylvestre
Gacumbitsi var dæmdur fyrir að
fyrirskipa morð á tútsum, sem
eru minnihlutahópur í Rúanda, í
nágrenni bæjarins Rusumo þar
sem Gacumbitsi var bæjarstjóri.
Rúmlega hálf milljón tútsa var
myrt í fjöldamorðunum árið 1994
sem framin voru að undirlagi
öfgastjórnar hútúa. ■
M
YN
D
A
P
FASTEIGNASALAR
Fasteignasalar fagna almennt nýjum lögum um fasteignasölur, að sögn formanns félags
þeirra. Lögin taka gildi 1. október næstkomandi.
MAGN ÚTFLUTTRA
SJÁVARAFURÐA Í TONNUM
■ NORÐURLÖND
REYKINGALÖGIN HUNSUÐ Í Nor-
egi tóku fyrir skömmu í gildi lög
sem banna reykingar m.a. á öll-
um skemmtistöðum og börum
landsins. Í Ósló reykja blaða-
menn og stjórnmálamenn enn á
bar í Tostrupkjallaranum nálægt
Stórþinginu og hefur vinnueftir-
litið nýlega heimsótt bygginguna
án þess að beita sér í málinu.