Fréttablaðið - 18.06.2004, Blaðsíða 33
7FÖSTUDAGUR 18. JÚNÍ 2004
[ GÓÐ RÁÐ VIÐ GRILLUN KJÖTS ]
Allt kjöt hentar vel í grill en nautakjöt hentar mjög vel.
Mikilvægt er að kjötið sé vel hangið fyrir grillun.
Gott er að pensla kjötið með olíu.
Hægt er að setja allt kjöt beint á grillið.
Kynda verður grillið mjög vel - grindur verða að vera um 250-300 gráðu heitar.
Grillið kjötið einu sinni á hvorri hlið.
Látið grillið ganga í nokkra stund eftir grillun til að brenna leifar af grilli.
Pússið grindurnar með vírbursta og berið olíu á grillið eftir grillun.
Grillið kjöt minna en meira.
Kaldar sósur eru mjög vinsælt meðlæti.
RÁÐ FENGIN FRÁ KJÖTIÐNAÐARMANNI
HJÁ KJÖTVERSLUNINNI GALLERÝ KJÖTI.
Kyndið grillið mjög vel og skellið kjötinu á grillið. Þá ristast kjöt-
ið vel og myndast flottar grillrendur. Grillið einu sinni á hvorri
hlið og slökkvið síðan á öðrum brennaranum. Lækkið hita á hin-
um brennaranum svo hiti inni í grillinu verði um 90-100 gráður.
Færið kjötið yfir á þann hluta grillsins þar sem slökkt er á brenn-
ara. Lokið grillinu og bakið kjötið þar inni í rólegheitum. Með
þessari aðferð er grillinu breytt í eins konar bakarofn og gott
grillbragð kemur af kjötinu.
Góð grillaðferð
Nokkrar uppskriftir
frá Kristófer
hjá Gallerý fiski
Camembertfyllt og
basilhjúpuð stórlúða
1,2 kíló stórlúða með beini
hálft stykki Camembert-ostur
hálft búnt af fersku basil
einn desilítri góð olía, ekki of bragðmikil
smá hvítlaukur
salt og pipar
Aðferð
Fisksalar í Gallerý fiski úrbeina lúðuna,
haldið roðinu en snyrtið að öðru leyti
lúðuna. Merjið saman í olíuna hvítlauk-
inn og basillaufin. Leggið lúðustykkin á
roðið og skerið vasa sem nær niður að
roði, fyllið með sneiðum af camembert.
Penslið með olíunni og byrjið að grilla.
Snúið stykkinu þegar osturinn er farinn
að bráðna og góður litur er kominn á
lúðuna. Grillið á hinni hliðinni þannig
að þar komi einnig fallegar rendur eftir
grillið. Penslið lúðuna beggja vegna
með olíunni og kryddið með salti og
pipar. Gott er að bera fram með þessu
ferskt salat með rauðlauk, blaðlauk,
tómötum og fetaosti, ferska kalda sósu
og bakaðar kartöflur.
Laxréttur með chili
8-900 grömm laxaflök, roðlaus eða
með roði
ein teskeið maukaður chilli eða ferskur
ein teskeið maukaður engifer eða ferskur
ein teskeið maukaður hvítlaukur eða
ferskur (hægt er að kaupa mikið af
þessum kryddum/grænmeti maukað í
krukku)
einn desilítri olía, ekki of bragðmikil
salt og pipar
Aðferð
Maukið kryddjurtirnar og blandið sam-
an í olíuna. Skerið laxinn í nettar steikur
cirka tvær á mann. Penslið með olíu og
grillið á heitu grilli.
Lækkið hitann eftir 1-2 mínútur. Snúið
og penslið með kryddolíunni. Saltið og
piprið eftir smekk. Einnig er gott að
skipta út chilli með maukuðum kórí-
ander eða jafnvel að bæta því við.
Grilluð fiskispjót
með grænmeti
300 grömm skötuselur
300 grömm lax
300 grömm hlýri eða lúða
nokkrir heilir sveppir
nokkrar þykkar hálfsneiðar af kúrbít
nokkrar þykkar hálfsneiðar af eggaldini
nokkrar sneiðar af sítrónu eða lime
nokkrir bitar af rauðri eða grænni
papriku
góð og bragðmikil grillolía t.d. frá Potta-
göldrum (kebab)
Aðferð
Skerið fiskinn í nokkuð stóra bita, sirka
3x3 sentimetra, og veltið upp úr grillolí-
unni. Þræðið upp á spjót til skiptis einn
til tvo bita af grænmeti og svo fisk.
Penslið með grillolíunni og grillið fyrst á
miklum hita og svo lækkað eftir eina til
tvær mínútur og snúið. Penslið með olí-
unni nokkrum sinnum meðan eldað er.
Saltið og piprið eftir smekk.
Gott grillgrænmeti er:
Kúrbítur, sveppir, eggaldin, paprika,
tómatar, rauðlaukur, ananas, kartöflur
og nánast allt grænmeti nema baunir
(þær vilja detta svo á milli ristanna).
Heppilegast er að skera eggaldin í þykk-
ar sneiðar og salta létt og þerra eftir 15-
20 mínútur. Þannig kemur bragð
eggaldinsins best fram.