Fréttablaðið - 18.06.2004, Blaðsíða 45
21FÖSTUDAGUR 18. júní 2004
Vitundarvakningu
í áfengismálum
Það er vart finnandi þá fjöl-
skyldu á Íslandi sem ekki hefur,
á einn hátt eða annan, kynnst böl-
inu sem alkahólismi er. Óháð
aldri, starfi og stétt finnur
Bakkus sér fórnarlömb og gerir
að þjónum sínum og þrælum.
Vandamálið er stórt og það er
sannarlega til staðar, engum
blöðum er um það að fletta. Ís-
lensk stjórnvöld hafa vissulega
látið til sín taka, lagt forsvars-
mönnum baráttunnar gegn
bölinu lið, en betur má þó ef duga
skal.
Vitundarvakning þarf að eiga
sér stað, þjóðarátak sem á sér
upphaf en ekki endi, langtíma-
átak og stöðuga uppfræðslu sem
hafist gæti á fyrstu stigum
grunnskólanna og fylgt unga
fólkinu áfram skólakerfið.
Vinnustaðir ættu að fá sinn skerf
af fræðslunni sem og félagsmið-
stöðvar fólks á öllum aldri.
Ýmsir angar og kimar barátt-
unnar eru þegar virkir og er þar
unnið gott starf, þó er eins og
áherslur á ólík meðferðarúrræði
verði til þess að erfitt er að finna
samhljóminn sem til þarf. Átakið
þarf að vera samstillt og allir
sem að málinu koma ættu að vera
samstíga. Tel ég að þjóðhöfðingi
landsins sé vel til þess fallinn að
stýra hópum saman og halda
verndarhendi sinni yfir verkefn-
inu í heild.
Ég er stuðningsmaður Bald-
urs Ágústssonar og tel hann vel
til þess fallinn að leggja veiga-
mikla hönd á bagga. Ástæðan er
einföld, Baldur hefur starfað
með fólki úr öllum krókum og
kimum þjóðfélagsins, hann hefur
komið víða við á ævi sinni; verið
launþegi, atvinnuveitandi og
kynnst samferðamönnum sínum
vel í gegnum tíðina.
Baldur hefur heitið því að
verði hann kjörinn forseti lýð-
veldisins þá muni hann styðja
heilshugar baráttuna gegn vímu-
efnabölinu og þeim leiða fylgi-
fiski sem glæpirnir eru.
Ég trúi heilshugar að Baldur
muni gera allt það sem í hans
valdi stendur, sem þjóðhöfðingi
Íslendinga, til þess að vinna
þessu meini bót.
Höfundur er nemi í heimspeki
við Háskóla Íslands.
!
"!# $%%
&
' (
!#) $%%***+ Baldur hefur heitið
því að verði hann
kjörinn forseti lýðveldisins þá
muni hann styðja heilshugar
baráttuna gegn vímuefna-
bölinu og þeim leiða fylgifiski
sem glæpirnir eru. Ég trúi
heilshugar að Baldur muni
gera allt það sem í hans
valdi stendur, sem þjóðhöfð-
ingi Íslendinga, til þess að
vinna þessu meini bót.
BÓAS HALLGRÍMSSON
UMRÆÐAN
FORSETA-
KOSNINGARNAR
,,