Fréttablaðið - 18.06.2004, Blaðsíða 49

hug að sprengja Kárahnjúka í loft
upp og það er dæmi um hversu
róttækt fólk getur orðið í hugsun.
Ég vil hvorki meiða fólk né eyði-
leggja verðmæti. Ég hef t.d. bara
notað tómatsósuna á sjálfan mig
og ekki skemmt neitt með henni.
Það kom ekki einu sinni blettur í
stólinn sem ég sat á í réttarsaln-
um. Ég geri þetta auðvitað ein-
ungis til að ögra og kalla fram um-
ræður.“
Forsetaembættið lykill að
heimsfriði
En hversu mikilvæg er kosn-
ingabaráttan og forsetaembætt-
ið í viðleitni Ástþórs til að koma
á friði í heiminum? „Ég vil
meina að embætti forseta Ís-
lands sé í raun lykillinn að skrá-
argatinu og að mínu mati er það
eina embættið í heiminum sem
er rétti lykillinn. Ástæður þess
eru þær að Íslendingar hafa
aldrei rekið eigin her, Íslending-
ar gerðu friðarsamning árið
1000 þegar þeir meðtóku kristn-
ina og sýndu öðrum trúarbrögð-
um umburðarlyndi og Íslending-
ar hafa leyst sín varnarmál með
samningum við aðrar þjóðir.
Þessir þættir eru mikilvægt for-
dæmi fyrir heimsbyggðina í
friðarmálum og jafnast á við
jólaguðspjallið.“
En er ekki hægt að koma boð-
skapnum áleiðis í gegnum frjáls
samtök, þarf forsetaembættið
til? „Sjálfstæð samtök hafa ekki
sama aðgang og forsetaembætt-
ið að t.d. öðrum þjóðhöfðingjum
og eru því í lakari stöðu til að
efna til ráðstefna, umræðna og
viðræðna. Af sömu sökum hef ég
ekki leitað eftir stuðningi til að
komast á þing, eins og margir
hafa spurt mig hvers vegna ég
geri ekki. Með því væri ég að
eyrnamerkja málstaðinn póli-
tískum flokki. Það má ekki ger-
ast. Þetta þarf að vera þverpóli-
tískt mál og njóta stuðnings allra
stjórnmálafylkinga og vera í
raun þjóðarátak. Eina embættið
á landinu sem getur leitt slíkt
átak er forsetaembættið.“
Ástþór hefur ekki tengst stjórn-
málaflokkum en starfaði lítillega
með Heimdalli, félagi ungra sjálf-
stæðismanna í Reykjavík, á ung-
lingsárunum. Hann segir að
stefnumálin hverju sinni hafi ráðið
því hvað hann hefur kosið í þing-
kosningum.
Þjóðin áttar sig fyrr eða síðar
Margir hafa furðað sig á um-
svifum Ástþórs og skilja lítt í á
hverju hann lifir. Sjálfur upplýsir
hann að dagleg störf hans felist í
ráðgjöf vegna netsins. „Ég vinn
með ráðgjafarfyrirtæki í London
og er með skrifstofu þar í borg.
Störf mín felast í að veita ráðgjöf
um fjáröflun og viðskipti með
kreditkortum á netinu. Meðal við-
skiptavina eru knattspyrnulið á
borð við Manchester United og
Wolves og líknarfélagið Age
Concern. Mitt hlutverk snýr að
gerð öryggiskerfa fyrir netið. Ég
hef mikla reynslu af sjálfvirkum
viðskiptum þar sem fólk er að
kaupa eitthvað í gegnum tölvur.“
Talsvert var fjallað um kostn-
að Ástþórs af framboðinu árið
1996 og ýmsar kenningar á lofti í
þeim efnum. Sjálfur rifjar Ástþór
upp að ein sagan hafi verið á þá
leið að hann sinnti vopnasmygli
og fjármagnaði kosningabaráttu
sína þannig. „Hið sanna er hins
vegar að ég seldi flugvél á þess-
um tíma og notaði andvirði þeirra
viðskipta í framboðið. Nú ákvað
ég að fjármagna kosningabarátt-
una með happdrætti. Dómsmála-
ráðuneytið dró hins vegar úr hófi
fram að veita mér leyfi til happ-
drættisins og það varð til þess að
engin fjáröflun hefur orðið af viti
og þess vegna eyðum við engum
peningum.
Hin eiginlega kosningabarátta
fer fram á síðunni forsetakosn-
ingar.is, þar er ég náttúrlega á
heimavelli því ég vinn jú sem net-
ráðgjafi.“
Þó að úrslit kosninganna árið
1996 og niðurstöður skoðana-
kannana að undanförnu séu Ást-
þóri ekki í hag er hann bjartsýnn
á eigin gengi í framtíðinni. „Ég
held að það sé bara tímaspursmál
hvenær ég verð forseti, fyrr eða
síðar áttar þjóðin sig á að það sem
ég er að bjóða henni er mjög væn-
legt. Ég verð í framboði þar til ég
er annað hvort orðinn forseti eða
dauður.“
bjorn@frettabladid.is
FÖSTUDAGUR 18. júní 2004
EINBEITTUR
Ástþór Magnússon ræðir við blaðamann um framboð sitt til embættis forseta Íslands.