Fréttablaðið - 20.06.2004, Blaðsíða 31

EM Í PORTÚGAL Holland og Tékkland
buðu áhorfendum upp á einum
magnaðasta knattspyrnuleik sem
spilaður hefur verið, fyrr og síðar.
Lokatölurnar urðu 3-–2 Tékkum í
vil og skoraði Vladimir Smicer sig-
urmarkið á 87. mínútu leiksins.
Með sigrinum tryggðu Tékkar sér
sæti í 8-liða úrslitum, fyrst allra
liða á EM.
Leikurinn var stanslaust fjör
frá upphafi til enda og boðið var
upp á allt sem knattspyrnuleikur
getur mögulega gert; sóknarleik
af bestu gerð frá upphafi til enda,
ótrúlegan hraða, fimm mörk, rautt
spjald, dramatík og guð má vita
hvað. Hollendingar byrjuðu betur
og komust í 2-0 með mörkum frá
Wilfred Bouma og Ruud Van
Nistelrooy. En mögnuð endurkoma
Tékka hófst með frábærum
mörkum frá Jan Koller og Milan
Baros og hún var síðan fullkomnuð
með áðurnefndu marki Smicers.
Það voru taktísk mistök hjá Dick
Advocaat, þjálfara Hollands, í
stöðunni 2–1 sem komu Tékkum
inn í leikinn á ný, en þá tók hann
vængmanninn Ariel Robbin af
leikvelli og freisti þess að halda
fengnum hlut. Sú breyting gekk
engan veginn upp en úr varð ein-
hver eftirminnilegasta endurkoma
í einhverjum besta knattspyrnu-
leikja allra tíma.
„Annað mark þeirra virkaði
sem köld sturta á liðið og vakti
okkur. Bæði þessi lið vilja spila
sóknarbolta. Það var æðislegt að
spila þennan leik og ábyggilega
líka að horfa á hann. Leikurinn
náði aldrei að róast,“ sagði Pavel
Nedved, fyrirliði Tékka. „Ég tók
Robben útaf því þeir voru að fá of
mikið pláss á miðjunni. Fólk talar
um mín mistök en hvað með öll
færin sem misfórust,“ spurði
Advocaat í leikslok. ■
23SUNNUDAGUR 20. júní 2004
■ ■LEIKIR
 13.00 Gent og Fylkir mætast í
fyrstu umferð Intertoto-keppnin-
nar í Belgíu.
 16.00 Þór/KA/KS og ÍBV mætast í
Landsbankadeild kvenna í
knattspyrnu.
 20.00 Haukar og Njarðvík mætast
í 1. deild karla í knattspyrnu.
■ ■ SJÓNVARP
 10.30 US Open 2004 á Sýn.
Útsending frá þriðja keppnisdegi
á Opna bandaríska meistaramót-
inu í golfi.
 11.30 Formúla 1 á RÚV. Upptaka
frá tímatöku fyrir kappaksturinn í
Indianapolis í Bandaríkjunum.
 13.20 Spurt að leikslokum á RÚV.
Spjall og samantekt úr leikjum
gærdagsins á EM.
 13.30 Inside the USA PGA Tour
2004 á Sýn. Fjallað er um band-
arísku mótaröðina í golfi á nýstár-
legan hátt.
 13.50 Evrópubikarinn í frjálsum
íþróttum á RÚV. Bein útsending
frá Laugardalsvelli.
 14.00 Europian PGA Tour 2004 á
Sýn.
 14.50 US PGA Tour 2004 -
Highlights á Sýn.
 15.45 Manchester-mótið á Sýn.
Sjónvarpsmenn Sýnar slógust í för
með fjölmörgum Íslendingum til
Manchester og sáu leiki Íslands.
 16.15 Gullleikir á Sýn. Útsending
frá leik Barcelona og Man-
chester United í Meistaradeild
Evrópu árið 1998.
 16.40 Formúla 1 á RÚV. Bein
útsending frá kappakstrinum í
Indianapolis í Bandaríkjunum.
 18.00 EM í fótbolta á Sýn. Bein
útsending frá leik Rússa og
Grikkja í A-riðli EM í fótbolta.
 18.35 EM í fótbolta á RÚV. Bein
útsending frá leik Spánar og
Portúgals í A-riðli EM í fótbolta.
 20.40 US Open 2004 á Sýn. Bein
útsending frá síðasta keppnisdegi
á Opna bandaríska meistaramót-
inu í golfi.
 22.00 Helgarsportið á RÚV.
 22.40 Spurt að leikslokum á RÚV.
Spjall og samantekt úr leikjum
dagsins á EM.
 23.15 EM í fótbolta á RÚV.
Útsending frá leik Rússa og
Grikkja frá því fyrr um daginn.
 00.40 EM í fótbolta á Sýn. Útsend-
ing frá leik Rússa og Grikkja frá
því fyrr um daginn.
HVAÐ? HVENÆR? HVAR?
17 18 19 20 21 22 23
Sunnudagur
JÚNÍ
Mögnuð skemmtun
Luis Figo langar ekki að hætta strax:
Geri allt sem ég get
EM Í PORTÚGAL Luis Figo segist
ákveðinn í því að láta leikinn gegn
Spánverjum í dag ekki verða
þann síðasta sem hann spilar í
skyrtu portúgalska landsliðsins.
Figo gaf það út í síðasta mánuði
að EM yrði hans síðasta verkefni
með landsliðinu, og hungrar hann
í velgengni með liði sínu á EM.
„Vitandi það að hver leikur gæti
orðið minn síðasti fyrir Portúgal
gerir mig enn ákveðnari í að gefa
allt sem ég á fyrir liðið, þjóðina
og áhangendurna. Ég mun hafa
hemil á tilfinningum mínum á
sem faglegastan máta þar til þátt-
töku okkar hér á EM lýkur,“ sagði
Figo á blaðamannafundi í gær.
Gríðarlega mikil eftirvænting
ríkir fyrir leikinn og þurfa
Portúgalar nauðsynlega á sigri
að halda, en Spánverjum nægir
jafntefli til að komast áfram í 8-
liða úrslit. Taugatitringurinn í
herbúðum beggja liða er í há-
marki og er ljóst að þessar
nágrannaþjóðir og erkifjendur
munu ekki aðeins keppa í fót-
bolta, heldur einnig um að við-
halda þjóðarstoltinu.
„Mín fyrstu viðbrögð þegar
ég sá að við værum í riðli með
Spánverjum var að sá leikur yrði
gríðarlega erfiður. Bæði lið hafa
á að skipa stórkostlegum knatt-
spyrnumönnum og spila
svipaðan fótbolta. Með það í
huga þá býst ég ekki við opnum
leik, heldur verður baráttan í
fyrirrúmi,“ segir Figo og bætir
við að það verði mjög skrítið að
mæta Spánverjum. „Raul og
Fernando Morientes eru góðir
vinir mínir og það verður einken-
nilegt að spila á móti þeim,“
segir Figo. ■
VILL ENDA LANDSLIÐSFERILINN MEÐ STÆL
Luis Figo hefur aldrei notið þeirrar velgengni með landsliðnu sem hann hefur gert með
félagsliðum sínum í gegnum tíðina.
ÓTRÚLEG ENDURKOMA Í FRÁBÆRUM LEIK
Tékkar stigu stríðsdans eftir að flautað hafði verið til leiksloka í leiknum gegn Hollendingum í gær og sæti í 8-liða úrslitum var tryggt.
Þýskaland og Lettland skildu jöfn í D-riðlinum:
Arfaslakur leikur Þjóðverja
EM Í FÓTBOLTA Möguleikar Þjóð-
verja á að komast í 8-liða úrslit
EM minnkuðu talsvert í gær
þegar liðið náði aðeins marka-
lausu jafntefli gegn baráttu-
glöðum Lettum, sem hlutu að
launum sitt fyrsta stig á stórmóti
í knattspyrnu.
Þýska liðinu dugir nú nánast
ekkert minna en sigur í sínum
síðasta leik gegn Tékkum ef þeir
ætla sér að komast upp úr
riðlinum, því Hollendingar eru
fyrirfram taldir mun líklegri til
sigurs gegn Lettum í sínum
lokaleik. Í tilþrifalitlum fyrri
hálfleik voru Lettar ívið betri
aðilinn og sýndu að það er engin
tilviljun að þeir séu komnir í þessa
lokakeppni EM. Liðið var mjög
agað og vel skipulagt aftarlega og
beitti stórhættulegum skyndis-
óknum þar sem Oliver Kahn þurfti
í nokkur skipti að taka á honum
stóra sínum. Eftir því sem leið á
síðari hálfleik jókst pressa
Þjóðverja án þess þó að þeir hafi
náð að skapa sér nein afgerandi
marktækifæri.
Rudi Völler, þjálfari Þýska-
lands, sagði það enga skömm að ná
aðeins jafntefli gegn Lettlandi.
„Ég get ekki kennt leikmönnunum
um. Þeir gerðu allt sem þeir gátu.
Lettar spiluðu frábæra vörn sem
við náðum ekki að brjóta niður. Nú
verðum við bara að vinna Tékka,
svo einfalt er það,“ sagði Völler.
Sjálfur forseti Lettlands, Vaira
Vike-Freiberga, var í skýjunum
með þetta fyrsta stig sinnar
þjóðar á stórmóti og kallaði leik-
menn liðsins „Gulldrengi“. „Þetta
sannar hversu gott lið við eigum
og við eigum ennþá möguleika á
að komast upp úr riðlinum,“ sagði
forsetinn. Þjálfarinn Aleksandrs
Starkovs var einnig hrærður. „Ég
er svo stoltur af mínum mönnum.
Við rituðum okkur í sögubæk-
urnar í kvöld,“ sagði hann. ■
Í VONDUM MÁLUM?
Alexander Frei og Wayne Rooney kljást í
leik Englendinga og Sviss í vikunni.
Frei segist
saklaus
EM Í PORTÚGAL Alexander Frei,
sóknarmaður svissneska lands-
liðsins, neitar að hafa hrækt á
Steven Gerrard, miðjumann
enska landsliðsins, í leik liðanna á
fimmtudag. Þýska ríkissjónvarpið
náði myndum af atviki þar sem
Frei á í útistöðum við Gerrard, og
þegar sá enski snýr sér undan
virðist Frei skyrpa aftan á hálsinn
á honum. Viðbrögð Gerrard eru á
þann veg að hann snýr sér við
furðu lostinn og þurkar eitthvað
af hálsinum á sér. En Frei segist
blásaklaus.
„Ég hrækti ekki. Ég myndi
aldrei gera það. Ég sýni til-
finningar mínar inni á vellinum
en ég geri ekki svona,“ segir Frei.
„Kannski blótaði ég honum eitt-
hvað en það er fullkomlega
eðlilegt í öllum fótboltaleikjum,“
bætti Frei við. Þrátt fyrir að yfir-
lýsing frá Gerrard og enska
knattspyrnusambandinu hafi ekki
borist hefur Evrópska knatt-
spyrnusambandið þegar ákært
Frei og verður úrskurður kveðinn
upp í hádeginu í dag.
Eins og flestum ætti að vera
kunnugt var Francesco Totti,
sóknarmaður Ítala, dæmdur í
þriggja leikja bann fyrir sams-
konar atvik í vikunni, og ef Frei
reynist sekur má búast við sömu
refsingu fyrir hann. ■
Tékkar lögðu Hollendinga í einhverjum besta knattspyrnuleik síðari ára.
Mörkin urðu fimm á endanum en hefðu getað orðið á annan tug.
FYRSTA STIGINU FAGNAÐ
„Gulldrengirnir“ frá Lettlandi fögnuðu eins og þeir hefðu unnið sjálfan Evrópumeistara-
titilinn í leikslok í gær. Þetta var fyrsta stig Letta á stórmóti í knattspyrnu.
C-RIÐILL
Lettland–Þýskaland 0–0
Holland–Tékkland 2–3
1–0 Bouma (3.), 2–0 Nistelrooy (18.),
2–1 Koller (23.), 2–2 Baros (71.), 2–3
Smicer (88.).
STAÐAN Í RIÐLINUM
Tékkland 2 2 0 0 5–3 6
Þýskaland 2 0 2 0 1–1 2
Holland 2 0 1 1 3–4 1
Lettland 2 0 1 1 1–2 1
NÆSTU LEIKIR Í RIÐLINUM
Holland–Lettland mið. 23. júní 18.45
Þýskaland–Tékkland mið. 23. júní 18.45
■ STAÐA MÁLA
■ EM MOLAR
ROMMEDAHL TÆPUR Meiðslin
sem Dennis Rommedahl, hinn eld-
fljóti vængmaður Dana, varð
fyrir í leiknum gegn Búlgörum
eru ekki eins alvarleg og óttast
var í fyrstu. Þó er ekki ljóst hvort
hann verði leikfær í næsta leik.