Fréttablaðið - 21.06.2004, Blaðsíða 4
4 21. júní 2004 MÁNUDAGUR
AP, WASHINGTON George W. Bush
Bandaríkjaforseti segir að efnahag-
ur Bandaríkjanna sé að styrkjast.
Ýmsir sérfræðingar hafa hins veg-
ar haldið hinu fram, að hann sé að
veikjast. Bush segir að atvinnu-
möguleikum fari fjölgandi vegna
dugnaðar bandarískra verkamanna.
„Ameríka hefur búið til 1,4 millj-
ónir nýrra starfa frá því í ágúst síð-
astliðnum,“ segir forsetinn. „Efna-
hagur okkar hefur ekki vaxið svona
hratt í nánast tvo áratugi. Samdrátt-
urinn var einn sá stysti og grynnsti
í sögu Ameríku.“
Bush segir að atvinnulausum
hafi fækkað í 46 ríkjum og að nú
sé verið að skapa ný störf sem
eigi að gefa laun yfir meðallagi í
iðnaði, menntun og framleiðslu.
Bush bætti því svo við að til
þess að viðhalda vextinum þyrfti
hann að viðhalda því skattafyrir-
komulagi sem nú ríkir, viðhalda
opnum viðskiptaháttum, bæta
skólakerfið og bæta þjálfunar-
ferli verkamanna. Hann segist
hafa fulla trú á því að Banda-
ríkjamenn séu reiðubúnir til þess
að leggja sitt að mörkum. ■
LANDBÚNAÐUR „Margir íslenskir
bændur eru alls ekki búnir undir
miklar breytingar sem verða á
þeirra högum ef stuðningur
stjórnvalda breytist eða minnkar í
framtíðinni,“ segir Ari Teitsson,
bóndi og fyrrverandi formaður
Bændasamtaka Íslands. Ný
skýrsla Efnahags- og samvinnu-
stofnunar Evrópu, OECD, gefur
til kynna að styrkir til landbúnað-
arins hérlendis séu með því hæsta
sem gerist í heiminum og telja
ýmsir að íslenskum stjórnvöldum
sé ekki stætt á að halda slíkum
stuðningi áfram gagnvart alþjóð-
legum aðilum.
Í skýrslunni kemur fram að ís-
lensk meðalfjölskylda greiðir sem
svarar rúmlega 200 þúsund krón-
um beinlínis til styrktar landbún-
aði hér á landi, sem þó virðist duga
skammt þar sem fjölmargir bænd-
ur hafa lítið upp úr krafsinu. Ari
segir að allar gagnrýnisraddir séu
af hinu góða enda engin kerfi svo
góð að ekki megi endurskoða þau
annað slagið. „Nú veit ég ekki
hvernig OECD fær út þessar tölur
en ég get bent á að það sem flokk-
ast undir landbúnað hér á Íslandi
er mun víðtækara en erlendis.
Þannig eru styrkir Dana til dæmis
eingöngu til ræktunar og slátrunar
dýra en hér flokkast umhverfismál
og skólamál einnig inn í landbúnað-
inn. Bændaskólinn á Hvanneyri
heyrir þannig undir landbúnað en
ekki menntun og vera má að þetta
skekki myndina.“
Ari er hins vegar ekki í neinum
vafa um að erlendur þrýstingur
gegn hérlendum stjórnvöldum
muni aukast í framtíðinni og gefa
verði eftir í stuðningi og höftum
ýmiss konar. „Þessi mál er einmitt
verið að ræða þessa dagana við
erlend ríki en burtséð frá útkom-
unni er klárt að mjög margir reiða
sig á stuðning ríkisins og hafa
ekki búið í haginn fyrir breyting-
ar eða skerðingar á þeim stuðn-
ingi. Þannig eru dæmi um offjár-
festingar víða í geiranum og það
liggur fyrir að slíkir aðilar munu
berjast í bökkum í framtíðinni.“
albert@frettabladid.is
Líkamsárás:
Skarst mikið
í andliti
LÖGREGLA Tæplega þrítugur maður
skarst mikið í andliti eftir að rúm-
lega tvítugur maður barði hann
með bjórflösku í höfuðið á Húsavík.
Mönnunum sinnaðist þar sem
þeir voru staddir á leikvelli
skammt frá fjölbýlishúsum í bæn-
um. Málið er því næst sem upp-
lýst þar sem árásarmaðurinn hef-
ur játað verknaðinn. Rannsókn
mun þó fara fram af hálfu lögregl-
unnar þar sem vitni verða yfir-
heyrð en þaðan fer málið fyrir
dómstóla. ■
Lögreglan á Blönduósi:
Hærri
meðalhraði
LÖGREGLA Meðalhraði hefur verið
hærri en vanalega um helgina og
tvo dagana þar á undan að sögn
lögreglunnar á Blönduósi. Um
miðjan dag í gær var búið að kæra
55 ökumenn fyrir hraðakstur
þessa daga.
Lögreglan segir marga áhuga-
menn um bíla hafa lagt leið sína
til Akureyrar á bíladaga. Í þeim
hópi séu margir sportbílaeigend-
ur sem margir sögðust sjaldan
fara út á land og skýrðu þannig
hraðaksturinn. Þegar bíladagar
voru á Akureyri síðasta sumar
var meðalhraði einnig hærri en
venja er, að sögn lögreglunnar. ■
■ LÖGREGLUFRÉTTIR
Ertu spennt(ur) fyrir forsetakosn-
ingunum á laugardaginn?
Spurning dagsins í dag:
Fylgistu með Evrópukeppninni
í fótbolta?
Niðurstöður gærdagsins
á visir.is
66%
34%
Nei
Já
KJÖRKASSINN
Farðu inn á visir.is og segðu þína skoðun
visir.is
ÁSTÞÓR OG YFIRMAÐUR RÚV
Ástþór vill ekki mæta í sjónvarpsupptöku
hjá stofnuninni.
Ástþór Magnússon:
Segir RÚV
beita
ritskoðun
FORSETAKOSNINGAR Forsetafram-
bjóðandinn Ástþór Magnússon
hefur hafnað boði um að mæta til
sjónvarpsupptöku hjá Ríkissjón-
varpinu á morgun þar sem hann
ætlar að starfsmenn stofnunar-
innar klippi þáttinn til í
brenglaðri mynd. Ætlar hann hins
vegar að taka þátt í beinni útsend-
ingu sjónvarpsins annað kvöld
þar sem ekkert færi gefst á að
klippa til efnið eftir hentugleika
yfirmanna RÚV, eins og Ástþór
orðar það í fréttatilkynningu. ■
VEGFARANDI SLÖKKTI ELD Eldur
kviknaði í bíl á Kirkjubæjar-
klaustri í gær. Vegfarandi var
fljótur að átta sig, sótti slökkvi-
tæki og náði fljótlega að slökkva
eldinn. Engin slys urðu á fólki.
FÉLL Í GRÝTTRI HLÍÐ Erlendur
ferðamaður slasaðist eftir að
hann féll í grýttri hlíð á Dverg-
hömrum á Síðu. Að sögn lögregl-
unnar á Vík var ferðalangurinn
líklega beinbrotinn er ekki var
ljóst hversu mikið. Hann var
fluttur með sjúkrabíl til Reykja-
víkur.
AP, ÍSRAEL Yfirvöld í Ísrael hleyptu
500 palestínskum verkamönnum
af Gaza-svæðinu inn í landið í
gær. Þetta er í fyrsta sinn í þrjá
mánuði sem það er gert.
Þeim hafði verið bannaður að-
gangur inn í landið síðan Sheikh
Ahmed Yassin, leiðtogi Hamas-
samtakanna, var drepinn í mars.
Yfirmenn ísrealska hersins
segja að auknar öryggisaðstæður
geri þeim nú kleift að hleypa
verkamönnunum aftur inn í landið.
500 manns er mjög lítill hluti
þeirra verkamanna sem eru at-
vinnulausir á svæðinu. Aðeins
þriðja hver fjölskylda á svæðinu
er yfir fátæktarmörkum.
Þessi ákvörðun Ísraelsstjórnar
þykir sýna að stjórnvöld séu ekki
jafnhrædd við hryðjuverkaárásir
Hamas og áður. ■
HEY Í HARÐINDUM
Flestir eru sammála um að ekki líði á löngu þar til stuðningur við landbúnaðinn minnki til muna vegna þrýstings erlendra þjóða og
margir bændur eru ekki undir slíkt búnir.
Bændur ekki búnir
undir breytingar
Fyrrverandi formaður Bændasamtakanna býst við að þrýst verði á
stjórnvöld að draga úr styrkjum til landbúnaðarins. Bændur séu hins
vegar alls ekki búnir undir miklar breytingar.
PALESTÍNSKIR VERKAMENN
Verkamenn af Gaza-svæðinu halda hér á lofti pappírum sem veita þeim
aðgönguleyfi inn í Ísrael.
Verkamenn á Gaza-svæðinu:
Hleypt inn í Ísrael á ný
GEORGE W. BUSH
Kosningabaráttan er byrjuð og menn deila um efnahag Bandaríkjanna.
George W. Bush:
Segir að efnahagurinn
sé nú að styrkjast
RÓ KOMIN Á AKUREYRI
Ró var að færast yfir Akureyrar-
bæ um hádegi á sunnudag eftir
langa og nokkuð annasama helgi.
Aðfaranótt sunnudags gekk vel
fyrir sig ef undan eru skilin tvö
innbrot í bíla. Margt fólk hefur
verið í bænum frá því um miðja
viku og hefur lögreglan haft í
nógu að snúast. ■
■ LÖGREGLUFRÉTTIR