Fréttablaðið - 21.06.2004, Blaðsíða 6
6 21. júní 2004 MÁNUDAGUR
Leitað að Karadzic:
Eftirlýstur
á afmælisdaginn
SARAJEVO, AP Hersveitir Nató í
Bosníu auglýstu í dagblöðum
eftir stríðsglæpamanninum
Radovan Karadzic á spaugilegan
hátt í dagblöðum landsins. Mynd
var af flugmiða til Haag, sem
gilti aðeins eina leiðina. Orðið
„fljótlega“ var prentað undir
myndina.
Þannig vildi til að auglýsing-
arnar voru birtar á afmælisdegi
Karadzic, sem fagnaði 59 ára af-
mæli sínu í útlegð sinni.
Í auglýsingunni voru Bosníu-
menn minntir á að Karadzic
væri glæpamaður en hann er
sakaður um þjóðarmorð í
Bosníustríðinu árin 1992-1995.
Einnig voru hengd upp vegg-
spjöld um gjörvalla Sarajevo.
Töluvert var um að vegfarendur
rifu þau niður í mótmælaskyni.
Karadzic hefur náð að forðast
handtöku í tæpan áratug. Lög-
reglan hefur leitað hans ákaft
síðustu mánuði.
Mark Hope, talsmaður Nató,
sagði að auglýsingaherferðin
væri hluti af yfirstandandi her-
ferð sem á að minna almenning á
að það er ólöglegt að styðja
stríðsglæpamenn. ■
Slysum og misferlis-
málum mun fækka
Ný lög um fasteignasölur munu fækka slysum og misferlismálum, segir
formaður Húseigendafélagsins. Hann telur að með tilkomu þeirra verði
„böndum komið á svörtu sauðina“ í stéttinni.
VIÐSKIPTI „Nýju lögin fela í sér
miklar réttarbætur og munu
tryggja eða stuðla að öruggari
viðskipum um fasteignir og meiri
fagmennsku. Þau munu óefað
fækka slysum og misferlismálum
með því tjóni, kostnaði og leiðind-
um sem þeim fylgja,“ sagði Sig-
urður Helgi Guðjónsson hrl. og
formaður Húseigendafélagins um
ný lög um fasteignasölur, sem
taka gildi 1. október næstkom-
andi.
Hann sagði að fyrri lög um
fasteinasölu hafi verið „meingöll-
uð og allsendis ófullnægjandi“.
Nýju lögin kæmu flestum til góða,
bæði kaupendum og seljendum
sem og ábyrgum og traustum
fasteignasölum og fasteignamark-
aðinum í heild sinni.
„Í lögunum er óhjákvæmilega
þrengt að þeim fasteignasölum
sem eru óvandaðir og óábyrgir og
standa sig ekki í stykkinu og eins
almennt réttindaleysi í stéttinni,“
sagði Sigurður Helgi. „Böndum
verður komið á svörtu sauðina og
vonandi hverfa þeir að mestu.
Sífellt berast fregnir af ljótum
málum þar sem fasteignasalar hafa
brugðist trausti og jafnvel dregið
sér eða svikið út háar fjárhæðir frá
grandalausum viðskiptavinum sín-
um. Síðustu misserin hefur keyrt
um þverbak í þessum efnum og stór
mál komið upp hvert ofan í annað
um misferli og óvönduð vinnubrögð
hjá fasteignasölum sem hafa stór-
skaðað viðskiptamenn þeirra og
fasteignamarkaðinn í heild. Enda
voru mörg og alvarleg svikamál
meðal annars tilefni að setningu
hinna nýju laga.“
Sigurður Helgi benti á að í lög-
unum væri mælt fyrir um sérstaka
og öfluga eftirlitsnefnd sem og
þarfar og mikilvægar reglur um
meðferð og varðveislu fasteigna-
sala á fé viðskiptamanna.
Síðustu misserin hefði borið æ
meira á að menn sem ekki hefðu
löggildingu sem fasteignasalar og
fullnægðu ekki skilyrðum til þess,
settu á stofn fasteignasölur, ættu
þær og rækju, en fengju til starfa
löggiltan fasteignasala og stund-
uðu starfsemina í skjóli hans. Þá
hefur rekstur „útibúa“ farið úr
böndum. Við þessu væri brugðist í
nýju lögunum.
jss@frettabladid.is
Tækniháskóli Íslands:
Metaðsókn
HÁSKÓLAIÐNNÁM Á sjöunda hundrað
umsóknir hafa borist í Tæknihá-
skóla Íslands. Aldrei hafa fleiri sótt
um í skólann en um 800 nemendur
stunduðu þar nám síðasta vetur.
Eingöngu er hægt að innrita um
200 nemendur í háskólann og því
standa stjórnendur frammi fyrir að
hafna stórum hluta umsóknanna.
Eftirspurn í sumar námsbrautir há-
skólans hefur aukist um 500 pró-
sent. Stjórnendur skólans telja
helstu ástæðu mikilla vinsælda
tæknináms vera góðar atvinnuhorf-
ur tæknimenntaðra, segir í fréttatil-
kynningu. ■
■ LÖGREGLUFRÉTTIR
VEISTU SVARIÐ?
1Hvaða hæstaréttardómari ætlar aðláta af störfum í október?
2Hversu margir nemendur brautskráð-ust frá Háskóla Íslands á laugardag-
inn?
3Hvað heitir fyrsta einkageimflaugin,sem skotið verður út í geim í dag?
Svörin eru á bls. 22
HÚSEIGENDAFÉLAGIÐ
Sigurður Helgi Guðjónsson, formaður Húseigendafélagsins, segir það fagnaðarefni
að skilyrði séu sett fyrir löggildingu fasteignasala og menntunar- og reynslukröfur
auknar til muna.
Útlendingalög:
Dýrkeypt
karlremba
PARÍS, AP Þeir útlendingar sem mæla
með að fólki sé mismunað eða það
beitt ofbeldi á grundvelli kynferðis,
stjórnmálaskoðana eða útlits síns
gætu í framtíðinni átt á hættu að
vera vísað úr landi í Frakklandi.
Þetta er meðal ákvæða í laga-
frumvarpi sem franska þingið er
með til umræðu. Þar er fjallað um á
hvaða grundvelli megi vísa útlend-
ingum úr landi. Kveikjan að þessu er
mál íslamsks klerks sem sagðist í
vissum tilfellum láta óátalið að menn
berðu eiginkonur sínar. Honum var
vísað úr landi en brottvísunin síðar
felld úr gildi og honum hleypt til
Frakklands á ný. ■
Grænfriðungar:
Væntanlegir
til Ísafjarðar
HVALVEIÐAR Grænfriðungar hyggjast
gera strandhögg á Ísafirði á morgun
en þá leggst að bryggju Esperanza
sem er nýjasta skip samtakanna. Er
þetta fyrsta stopp skipsins hér á
landi en hugmyndin er að farið verði
hringinn kringum landið eins og gert
var á síðasta ári til að kynna málstað
samtakanna. Verður lögð áhersla á
hvalaverndun, mengun í hafinu og
loftslagsbreytingar.
Tæp 58 þúsund aðilar hafa nú
skrifað undir yfirlýsingu samtak-
anna þar sem lýst er yfir vilja til að
ferðast hingað til lands hætti stjórn-
völd hvalveiðum með öllu. ■
EKKI HVALVEIÐAR
Annað skip grænfriðunga kemur til lands-
ins í dag.
ÖLVUN Á ARNARSTAPA
Erill var hjá lögreglunni á Stykk-
ishólmi vegna ölvunar fólks á
Arnarstapa en þar var nokkur
fjöldi saman kominn um helgina.
Gleðskapur fólksins gekk þó stór-
áfallalaust fyrir sig. ■
■ LÖGREGLUFRÉTTIR
SOFNAÐI Í GARÐI HEIMAMANNS
Nokkur ölvun var á dansleik sem
haldinn var á Kirkjubæjar-
klaustri á laugardagskvöld og
lentu nokkrir í stimpingum. Ball-
ið gekk þó stórafallaust fyrir sig.
Lögreglan sá um að keyra einn
mann á vistarstað eftir að hann
hafði sofnað inni í garði hjá
heimamanni. ■
LEITAÐ AÐ KARADZIC
Hér sést sérdeild lögreglunnar skoða farartæki í Bratunac-borg í mars síðastliðnum í leit
sinni að stríðsglæpamanninum Radovan Karadzic.