Fréttablaðið - 21.06.2004, Blaðsíða 19

19MÁNUDAGUR 21. júní 2004
SÍ‹UMÚLA 37 - SÍMI 510 6000 - WWW.SVAR.IS
tækni
0Gildir einu hvort þú ert að hringja innanlands, eða í vini erlendis.KRÓNUR AÐ HRINGJA
Eina sem þarf er ADSL tenging og símabox hjá báðum aðilum.
Þú notar gamla góða símann þinn áfram.
Ef þú hringir erlendis þarf að borga fyrir gagnamagn eins og um tölvupóst sé að ræða.
Símaboxið fæst í verslun Svar tækni og kostar einungis 14.900,-
z
e
t
o
r
Svavar Gestsson, sendiherra í
Svíþjóð, og Guðrún Ágústsdótt-
ir, eiginkona hans, héldu tvö
glæsileg boð á 17. júní. Í því
fyrra mætti mikið af fólki úr
diplómataheiminum, bæði Svíar
og Íslendingar en um 350 manns
gæddu sér á íslenskum kræs-
ingum, fiski og lambakjöti, sem
féllu eins og við var að búast vel
í kramið.
Seinna boðið var öllu fá-
mennara en þangað mættu um
50 manns, mest fólk úr sænsku
viðskiptalífi auk fulltrúa út-
breiddra tímarita og allra
helstu fjölmiðla Svía.
Boðin eru liður í því starfi
Svavars að kynna land og þjóð
og skapa sambönd. Miklar vonir
eru bundnar við þetta starf
enda bendir ekkert til annars en
að það muni skila árangri þar
sem um það bil 20.000 Svíar
munu sækja Ísland heim í
sumar.
Boðin voru haldin í samstarfi
við Flugleiðir og Svavar var
mjög ánægður með daginn, en
sendiráðið í Stokkhólmi var
eina sendiráð Íslands sem hélt
svona boð í tilefni þjóðhátíðar-
dagsins. ■
JÓN ATLI JÓNASSON
Leikskáld ársins hefur gert
útgáfusamning við JPV.
Jón Atli
til JPV
Rithöfundurinn Jón Atli Jónasson
er í hópi afkastamestu leikskálda
landsins um þessar mundir og
hlaut á dögunum Grímuverðlaun-
in sem leikskáld ársins fyrir sýn-
inguna Brim.
Jón hefur ákveðið að flytja sig
til JPV útgáfu, sem mun sinna út-
gáfu verka hans í framtíðinni.
Þegar hefur verið gengið frá
tveimur útgáfusamningum. Ann-
ar samningurinn er um skáld-
sögu í smíðum en yfir hinum
samningnum hvílir algjör leynd
eins og er en óhætt er að fullyrða
að það verk muni vekja óskipta
athygli þegar þar að kemur. Sú
bók er unnin í samvinnu við þjóð-
þekktan og litríkan einstakling
en nafn hans verður ekki upplýst
að sinni. ■
100 ára dag-
bók á Frans-
mannasafni
Safnið Fransmenn á Íslandi á Fá-
skrúðsfirði var opnuð í byrjun
júní, en þetta er fimmta sumarið
í röð sem það er opið. Að sögn Al-
berts Eiríkssonar safnstjóra er
þar fjölmargt nýrra mynda og
muna sem gestir geta notið í
sumar.
Albert dvaldi um tíma á
Bretagne í Frakklandi síðastliðið
haust við heimildaöflun, en þaðan
komu fjölmargar fiskiskútur til
veiða við Ísland. Í Frakklandi hitti
Albert m.a. 97 ára mann, son
Augustine Thomas sem var skip-
stjóri á Íslandsmiðum til fjölda
ára. Maðurinn gaf safninu dagbók
föður síns frá 1904, en í henni má
glöggt sjá að lífið var ekki alltaf
dans á rósum.
Safnið hefur vaxið og dafnað
enda hefur gestum fjölgað ár frá
ári. Mikil og almenn ánægja er
með safnið. Það fer vel á að hafa
slíkt safn á Fáskrúðsfirði því
hvergi á landinu eru eins miklar
minjar um veru Frakka.
Auk þess að fræðast um margt
sem viðkemur frönskum sjó-
mönnum geta gestir sest niður á
notalegu kaffihúsi, hlýtt á ekta
franska sjómannatónlist og fengið
sér dýrindis kaffi og meðlæti. ■
SVAVAR GESTSSON
Sendiherrann er hér ásamt konu sinni
Guðrúnu Ágústsdóttur og Jan Mortensson,
rithöfundi og sendiherra, Anders Forsberg,
skrifstofustjóra sænska þingsins og Karen
Österbye, yfirmanni almannatengsla Flug-
leiða á Norðurlöndum. Mortensson og
Forsberg unnu í nafnspjaldahappadrætti
og unnu Íslandsferðir í boði Flugleiða.
17. júní veislur í Svíþjóð
LANDKYNNING
SVAVAR GESTSSON
■ sendiherra í Svíþjóð notaði
þjóðhátíðardaginn til að kynna Ísland
fyrir áhrifafólki í sænsku utanríkisþjón-
ustunni og fulltrúum fjölmiðla.