Fréttablaðið - 22.06.2004, Blaðsíða 28

Kóróna og kampavín
Þann 22. júní árið 1611 gerði áhöfn-
in á enska skipinu Discovery upp-
reisn gegn skipstjóra sínum, Henry
nokkrum Hudson.
Skipstjórinn, ungur sonur hans
og sjö aðrir stuðningsmenn hans
voru hraktir frá borði en fengu
lítinn opinn bát til umráða. Síðan
spurðist ekkert til þeirra.
Skip Hudsons var þá statt í stór-
um flóa í norðanverðri Norður-Am-
eríku, sem síðar fékk nafnið
Hudson Bay.
Tilgangur ferðarinnar var að
finna siglingaleið til Asíu norður
fyrir Ameríku. Þetta var fjórða
könnunarferð Hudsons um þessar
norðurslóðir, og þóttist hann heldur
betur hafa himinn höndum tekið
þegar hann sigldi inn í Hudsonflóa
milli Grænlands og Labrador, svo
notuð séu seinni tíma nöfn.
Eftir þriggja mánaða siglingu um
þessar slóðir var komið fram á haust
og skipið varð innlyksa vegna ísa.
Áhöfnin átti ekki sjö dagana
sæla um veturinn vegna kulda og
matarskorts. Margir úr áhöfninni
töldu Hudson bera alla ábyrgð á
þessum hörmungum, og gerðu loks
uppreisn gegn honum þegar voraði.
Áhöfnin sigldi skipinu síðan til
Englands, en var handtekin þar og
kærð fyrir uppreisnina. ■
HENRY HUDSON
Fann Hudsonflóa þegar hann var að leita
að siglingaleið til Asíu.
Og hafið sagði ókei
„Ég hef verið að sauma alla mína
ævi eiginlega,“ segir Guðfinna Eu-
genia Magnúsdóttir, 82 ára íbúi á
Hrafnistu í Hafnarfirði. „Ég var
fimm eða sex ára þegar ég byrjaði
að sauma dúkkuföt. Móðir mín
kenndi mér það. En ég byrjaði
ekki á listsaum fyrr en ég kom
hingað á Hrafnistu fyrir 22 árum.“
Fyrir fjórum árum byrjaði
Guðfinna einnig að mála, og í gær
opnaði hún sýningu á bæði saum-
uðum og máluðum myndum eftir
sig í menningarsal Hrafnistu.
„Þetta er bara tómstundagam-
an til að drepa tímann. Ég sit í
hjólastól og get þess vegna ekki
gengið og spriklað eins og hitt
fólkið, svo ég verð að finna mér
önnur hugðarefni.“
Guðfinna segist taka þátt í öllu
sem boðið er upp á í tómstunda-
starfi Hrafnistu. Ef því er að
skipta lætur hún sér ekki muna
um að dansa í hjólastólnum sínum.
Þegar Guðfinna var 53 ára varð
hún fyrir því óláni að lamast
vinstra megin, en varð þó ekki
bundin við hjólastól fyrr en hún
kom inn á Hrafnistu fyrir 22
árum.
„Ég varð fyrir því óhappi að
lærbrjóta mig og þá fór ég í hjóla-
stólinn. Hann vafðist eitthvað
fyrir mér fóturinn. En ég er í raf-
knúnum hjólastól og er frjáls
ferða minna,“ segir Guðfinna, sem
segist vera afskaplega glöð og
ánægð með það frjálsræði sem
hún hefur haft síðustu árin.
„En mínar tómstundir um æv-
ina voru garðrækt og saumur. Svo
hafði ég mjög gaman af að veiða
líka, lax og silung. Ég átti sumar-
bústað austur í Ölfusi og þar
dvöldum við hjónin mikið í frí-
stundum.“ ■
Frjáls allra ferða í hjólastólnum
GUÐFINNA EUGENIA MAGNÚSDÓTTIR
Sýnir málverk og saumaðar myndir eftir
sjálfa sig í Hrafnistu, Hafnarfirði.
20 22. júní 2004 ÞRIÐJUDAGUR
■ AFMÆLI
KRIS KRISTOFFERSON
Söngvarinn, leikarinn og einn fjölmargra
frægra Íslandsvina er 68 ára í dag.
22. JÚNÍ
Steingrímur Hermannsson, fyrrv. for-
sætisráðherra, er 76 ára.
Kristján Ragnarsson, fyrrv. formaður
Landssambands íslenskra útvegsmanna,
er 66 ára.
Þór H. Túliníus leikari er 45 ára.
■ ANDLÁT
Margrét Þorbjörg Johnson, Hjúkrunar-
heimilinu Grund, lést föstudaginn 18.
júní.
Pétur Pétursson, Aðalgötu, Keflavík, lést
laugardaginn 19. júní.
Þorleifur Jón Thorlacius, Suðurbraut
26, Hafnarfirði, lést sunnudaginn 20.
júní.
■ JARÐARFARIR
13.30 Jón Ólafsson bóndi, Brautarholti,
Kjalarnesi, verður jarðsunginn frá
Dómkirkjunni.
„Ég á von á sólríkum afmælis-
degi,“ segir söngkonan Guðrún
Gunnarsdóttir, sem er fjörutíu og
eins árs í dag. Guðrún lagði land
undir fót um helgina til að njóta
sumarsins og afmælisdagsins
fjarri ysi og þysi borgarinnar.
„Hér er búið að vera heiðskírt
undanfarna daga og við erum
löngu búin að panta gott veður á
afmælisdaginn en ég er stödd í
sumarbústað í Borgarfirði.
Mamma og systkini mín ætla að
koma í bústaðinn og við ætlum að
grilla saman lamb og svín og hafa
það gott í góðu veðri.“
Guðrún segir afmælisdagana
sína hafa einkennst af sól og gleði
í gegnum tíðina. „Afmælisdagur-
inn í fyrra er þó sérstaklega minni-
stæður. Þá varð ég fertug og var
stödd norður í landi að syngja dag-
skrá með lögum Ellý Vilhjálms-
dóttur ásamt hljómsveitinni minni.
Þegar ég vaknaði daginn eftir tón-
leikana stóðu hljómsveitarmeðlim-
irnir fyrir framan mig með bakarí-
istertu með fjörutíu afmæliskert-
um og sungu fyrir mig afmælis-
sönginn. Það fór þó ekki betur en
svo að brunabjallan á staðnum fór
í gang út frá reyknum af litlu af-
mæliskertunum og úr varð smá
uppþot á gistiheimilinu.“
Ástvinir Guðrúnar héldu svo
áfram að koma henni á óvart út
allan fertugsafmælisdaginn. „Ég
var ekki búin að skipuleggja
neinn fagnað í tilefni stórafmælis-
ins og vinir mínir áttuðu sig lík-
lega á því að þau fengju ekki
neina veislu nema þau gripu til
sinna ráða. Þegar ég flaug til
Reykjavíkur að norðan biðu vin-
konur mínar og fjölskyldan eftir
mér á flugvellinum og það var
mjög óvænt og skemmtilegt. Þau
stóðu öll á flugvellinum og sungu
afmælissönginn hástöfum fyrir
mig og gáfu mér bæði kórónu og
kampavín.“
Vinir Guðrúnar hurfu svo
snögglega á braut frá flugvellin-
um. „Ég ætlaði að bjóða þeim í
kaffi en þá voru þau öll voðalega
upptekin allt í einu. Þegar ég kom
svo loksins heim bauð mín þar
dekkað hlaðborð og blásið var til
veislu. Þetta kom mér algjörlega í
opna skjöldu og gladdi mig mjög
mikið,“ segir Guðrún, sem nýtur
afmælisins enn í dag á sama hátt
og þegar hún var barn. „Eina sem
hefur breyst í tímans rás er að
þegar maður var lítill fannst
manni svo ótrúlega gaman að fá
afmælisgjafir. Nú langar mig ekki
í neitt en finnst skemmtilegast að
hitta fólkið mitt og borða góðan
mat á afmælisdaginn.“ ■
AFMÆLI
GUÐRÚN GUNNARSDÓTTIR
■ Nýtur dagsins í sumarbústað í Borgar-
firði. Á fertugsafmælinu komu vinir
Guðrúnar henni endurtekið á óvart
frá morgni til kvölds.
LISTSÝNING
GUÐFINNA MAGNÚSDÓTTIR
■ hefur saumað alla ævi og heldur nú
sýningu á verkum sínum.
22. JÚNÍ 1611
UPPREISNIN GEGN HUDSON
■ Áhöfn landkönnuðarins Henrys
Hudson gerði uppreisn gegn honum í
flóa í norðanverðri Ameríku, sem síðar
var skírður eftir honum. Hudson og
félagar hans fengu lítinn bát til umráða,
en síðan hefur ekkert til þeirra spurst.
GUÐRÚN GUNNARSDÓTTIR
Ætlar að grilla lamb og svín í sumarbústað í Borgarfirðinum á fjörutíu og eins árs afmælisdaginn.
■ ÞETTA GERÐIST
1815 Napóleon Bonaparte er steypt af
stóli öðru sinni.
1911 George fimmti er krýndur kon-
ungur Bretaveldis.
1941 Innrás Þjóðverja í Sovétríkin hefst.
1945 Orrustunni um Okinawa lýkur.
Nærri 13 þúsund Bandaríkja-
menn og 110 þúsund Japanar
höfðu þá fallið.
1969 Söngkonan og leikkonan Judy
Garland deyr í London 47 ára.
1987 Leikarinn og dansarinn Fred
Astaire deyr 88 ára.
1989 Vopnahlé kemst á í Angóla eftir
nærri 15 ára harðvítugt borgara-
stríð.
Hamarshöfði 4, 110 Reykjavík, s: 587 1960, www.mosaik.is
MOSAIK
Veljið fallegan legstein
Vönduð vinna og frágangur
Sendum myndalista
Legsteinar
FR
ÉT
TA
B
LA
Ð
IÐ
/V
AL
LI

Smáauglýsingasíminn er 550 5000

auglysingar@frettabladid.is