Fréttablaðið - 22.06.2004, Blaðsíða 37

29ÞRIÐJUDAGUR 22. júní 2004
Nýjasta plata The Album Leaf, In a
Safe Place, kemur út í Bandaríkjun-
um á fimmtudag og í Evrópu 26.
júlí. Platan var tekin upp í sund-
laugarhljóðveri hljómsveitarinnar
Sigur Rós og koma meðlimir sveit-
arinnar við sögu víða á plötunni.
Á meðal fleiri gesta er Gyða Val-
týsdóttir, fyrrverandi meðlimur
Múm. The Album Leaf er hljómsveit
Bandaríkjamannsins Jimmy La-
Valle, sem hefur átt gott samstarf
við Sigur Rós undanfarið og fór með-
al annars í tónleikaferð með henni
um Bandaríkin fyrir nokkru síðan. ■
SIGUR RÓS
Meðlimir sveitarinnar koma við sögu
á nýjustu plötu The Album Leaf.
Ný plata frá vini
Sigur Rósar
■ TÓNLIST ■ TÓNLIST
Bítillinn fyrrverandi, Sir Paul
McCartney, spilaði á sínum 3000.
tónleikum í St Pétursborg í Rúss-
landi í gærkvöldi. McCartney, sem
varð 62 ára á sunnudag, hóf feril sinn
15 ára með hljómsveitinni The
Quarry Men, sem síðar varð The
Beatles. Fyrstu tónleikar hans voru í
New Clubmoor Hall í heimabæ hans,
Liverpool, þann 18. október 1957.
McCartney er skráður í heims-
metabók Guinnes fyrir að hafa spil-
að fyrir flesta áheyrendur á einum
leikvangi. Það var í Rio de Janeiro í
Brasilíu 1990 þegar 184 þúsund
manns borguðu sig inn til að hlusta
á hann. Talið er að hann hafi spilað
með Bítlunum í 2.523 skipti, 140.
sinnum með hljómsveitinni Wings,
285 sinnum á sólóferli sínum áður
en hann fór í núverandi tónleika-
ferð og í 40 önnur skipti, þar á með-
al á Live Aid tónleikunum.
„Ég hef aldrei haldið neina töl-
fræði og þess vegna fannst mér
ótrúlegt að heyra að ég spila á mín-
um 3000. tónleikum í þessari tón-
leikaferð,“ sagði McCartney. „Það
er svakalega mikið af síðkvöldum.“
Tónleikaferð kappans nær há-
tindi í Glastonbury þann 26. júní. Þá
mun hann spila fyrir 120 þúsund
áhorfendur. „Mig hefur lengi lang-
að til að spila á tónleikahátíðinni í
Glastonbury en hef aldrei áður átt
tækifæri til þess.“ ■
PAUL MCCARTNEY
Bítillinn fyrrverandi hefur verið iðinn við
kolann síðan hann hætti í Bítlunum.
3000 tónleikar hjá McCartney
Janet reið
út í Justin
Söngkonan Janet Jackson er bál-
reið út í popparann Justin Tim-
berlake fyrir að hafa látið eins og
asni eftir að sást í annað brjóst
hennar er þau sungu á Super Bowl
leiknum í febrúar. Atvikið vakti
mikla athygli á sínum tíma og
voru þau bæði harkalega gagn-
rýnd fyrir uppákomuna.
„Justin hefur breyst. Hann er
orðinn hrokafullur,“ sagði
Jackson. „Sumir geta ráðið við
velgengni en aðrir ekki. Ég hef
áhyggjur af því að það síðar-
nefnda eigi við Justin.“ Jackson
bætti því við að R&B söngvarinn
Usher sé betri tónlistarmaður en
Timberlake. „Ef Justin og Usher
myndu keppa hvor við annan
myndi Usher vinna.“ ■
■ TÓNLIST
■ SJÓNVARP
JUSTIN TIMBERLAKE
Janet Jackson hefur áhyggjur af Timberlake
og segir hann vera hrokafullan.
SIMPSON-FJÖLSKYLDAN
Teiknimyndaþættirnir vinsælu hafa vakið
slæm viðbrögð sumra trúarhópa.
Erkibiskupinn af Canterbury hefur aftur á
móti hælt þeim á hvert reipi.
Erkibiskup í
Simpson-þættina
Framleiðendur The Simpsons hafa
beðið Rowan Williams, erki-
biskupinn af Canterbury á
Englandi, um að koma fram í
gestahlutverki í þáttunum.
Willams fékk boðið eftir að
hann hældi þáttunum á hvert reipi
á dögunum og sagði þá holla áhorfs
fyrir hvern sem er. Hann sagði þá
vera mjög góða þjóðfélagsgagn-
rýni og gerðu auðmýkt gagnvart
náunganum hátt undir höfði. „Það
væri frábært að fá hann í þáttinn
og mjög gaman að hann skuli vera
svona mikill aðdáandi,“ sagði
framleiðandinn Alan Jean. „Til að
byrja með voru sumir trúarhópar í
Bandaríkjunum á móti þáttunum
en að fá svona virtan trúarleiðtoga
í lið með okkur er frábært.“
Williams hefur ekki gefið fram-
leiðendum The Simpsons svar en
búist er við því að hann þiggi boðið. ■