Fréttablaðið - 25.06.2004, Blaðsíða 10
10 25. júní 2004 FÖSTUDAGUR
INDVERSKAR HERÆFINGAR
Annar stærsti her í heimi, sá indverski sem
telur yfir milljón hermenn, æfir sig stíft
g færir sig gjarnan milli ríkja í landinu
til að vera við öllu búinn.
LÖGREGLUMÁL „Þetta verkefni snýr
að því að eflasamstarf milli frjálsra
félagasamtaka og lögreglu í hverju
landi og búa til gagnagrunn á net-
inu,“ sagði Hrönn Þormóðsdóttir
hjá Barnaheill.
Um er að ræða gagnagrunn yfir
frjáls félagasamtök í Evrópu, sem
eru virk í stuðningi við týnd börn
og börn sem beitt eru kynferðis-
legu ofbeldi, og eru í samstarfi við
lögreglu. Að sögn Hrannar þjónar
gagnagrunnurinn því hlutverki að
menn viti hvert þeir eiga að snúa
sér, ef í aðgerðir þarf að fara vegna
barna sem hafa lent í slíkum vanda.
Verkefnið er undir stjórn Child
Focus í Brussel. Þau samtök voru
stofnuð í kjölfar voðaverka barna-
níðingsins Dutrox, eftir hvarf tveg-
gja stúlkna í Belgíu í júní 1996, sem
urðu fórnarlömb barnaníðingsins.
Fimmtán Evrópulönd eru þegar
komin inn í gagnagrunninn og
senn bætast Ísland, Noregur og
Búlgaría í hópinn.
Child Focus samtökin gerðu
kröfu um að tveir sérfræðingar frá
hverju landi yrðu jafnframt þátt-
takendur í verkefninu, annar frá
lögreglu og hinn úr dómskerfinu.
Íslensku sérfræðingarnir eru frá
Lögreglunni í Reykjavík og
Héraðsdómi Reykjaness.
Barnaheill gangast fyrir kynn-
ingarfundi á verkefninu, sem
styrkt er af Evrópusambandinu,
25. júní kl. 9–12 með fulltrúa
belgísku samtakanna Child Focus í
Brussel. Kynningarfundurinn verð-
ur haldinn í skuggasalnum í dóms-
málaráðuneytinu. ■
Fjársvik Sveinbjörns
stóðu í um fjögur ár
Sveinbjörn Kristjánsson hefur verið dæmdur í fjögurra og hálfs árs fangelsi fyrir þá 261 milljón sem hann
sveik út úr Landssímanum frá árinu 1999 til ársins 2003. Ljóst þykir að Árni Þór Vigfússon og Kristján Ragn-
ar Kristjánsson hafi fjármagnað þátttöku sína í Íslenska sjónvarpsfélaginu með peningum frá Landssímanum.
Upp komst um 261 milljón króna
fjárdrátt Sveinbjarnar Kristjáns-
sonar, þáverandi aðalgjaldkera
Landssímans, í kjölfar fyrirspurn-
ar Skattstjórans í Reykjavík um
lánveitingu Símans til fyrirtækis-
ins Alvöru lífsins í maí í fyrra.
Skráðir fyrir fyrirtækinu voru at-
hafnamennirnir Kristján Ragnar
Kristjánsson, bróðir Sveinbjarnar,
og Árni Þór Vigfússon. Síminn
hafði lagt fyrirtækinu til 130 millj-
ónir króna án þess að nokkrir
pappírar fyndust yfir þau við-
skipti í bókhaldi Símans.
Alls nam fjárdrátturinn 261
milljón króna og er því um að
ræða stærsta fjársvikamál sem
upp hefur komið til þessa, að sögn
Jóns H. Snorrasonar hjá ríkislög-
reglustjóra. Jón segir fangelsis-
dóm Sveinbjörns vera einsdæmi
en hann var dæmdur, í Héraðs-
dómi Reykjavíkur í vikunni, í
fjögurra og hálfs árs fangelsi. Til
frádráttar dómnum kemur fjórtán
daga gæsluvarðhald. Þeir Árni
Þór og Kristján Ragnar voru
dæmdir í tveggja ára fangelsi og
til frádráttar refsingu þeirra kem-
ur ellefu daga gæsluvarðhald.
Þeir Árni og Kristján voru sak-
felldir fyrir hylmingu.
Sveinbjörn viðurkenndi sök
sína um leið og málið kom upp
þann 19. maí og var samvinnufús
við rannsóknina. Stuttu eftir að
rannsókn hófst voru Kristján
Ragnar og Árni Þór hnepptir í
gæsluvarðhald og hafa nú verið
sakfelldir fyrir að hafa tekið á
móti fé frá Sveinbirni og að hafa
hylmt yfir með honum.
Auk þeirra hefur systursonur
Sveinbjörns, Ragnar Orri Bene-
diktsson, verið sakfelldur fyrir
hið sama og var dæmdur í átta
mánaða fangelsi. Fjórmenning-
arnir komu allir að rekstri
Priksins.
25 milljónir til Skjás eins
Árið 1999 dró Sveinbjörn að sér
96 milljónir króna, 68 milljónir ári
síðar, 24 milljónir árið 2001, 53
milljónir árið 2002 og 27 milljónir
í fyrra. Af þeim 96 milljónum sem
hann dró undan árið 1999 lagði
Sveinbjörn 25 milljónir í þremur
greiðslum inn á reikning Íslenska
sjónvarpsfélagsins sem rekur
Skjá einan. Jafnframt keypti hann
víxil að upphæð 42 milljónir sem
Íslenska sjónvarpsfélagið gaf út.
Aðferðir Sveinbjörns við fjár-
dráttinn voru fjölbreyttar.
Stærsta hluta fjárins kom hann
undan með því að breyta texta-
skrám með upplýsingum um
reikninga og millifærslur. Í bók-
haldi Símans virtist allt með felldu
en upplýsingunum var breytt eftir
að þær voru komnar út úr kerfinu
og á leið í banka.
Tíu þúsund færslur
Alls eru brotin 137 og voru þau
framin í um tíu þúsund færslum
þar sem á bak við hverja aðgerð
voru á milli sextíu og sjötíu
færslur.
Sveinbjörn gaf að auki út
tékka, nýtti sér gengismun, milli-
færði fé á biðreikninga og stal
jafnframt reiðufé úr sjóðum.
Stjórnendur Símans hafa skýrt frá
því að aðferðir hans hafi verið
margslungnar og óhefðbundnar
og brotin framin í skjóli þess
mikla trausts sem hann naut
meðal samstarfsmanna.
Þá hefur verið vakin athygli á
því að velta Símans sé um 18 millj-
arðar króna á ári og í bókhaldinu
séu milljónir fylgiskjala sem geri
alla bókhaldsendurskoðun erfiða.
Aldrei í fríi um mánaðamót
Eins og Fréttablaðið greindi frá
þá var það á vitorði starfsfólks
Símans að Sveinbjörn hefði staðið
í umfangsmiklum einkarekstri.
Sveinbjörn átti aðild að mörgum
einkahlutafélögum og hefur meðal
annars verið viðloðandi veitinga-
húsarekstur.
Yfirmenn hans á Símanum
ræddu þetta mál við hann og lykt-
ir urðu þær að í upphafi síðasta
árs hét hann því að láta af einka-
rekstri. Forstjóri Símans segir að
þessi yfirlýsing hafi verið skrifleg
og í samræmi við siðareglur
Landssímans.
■ LÖGREGLUFRÉTTIR
KARÓLÍNA PRINSESSA
Hefur kvartað sáran undan ágangi fjölmiðla.
Ætti að fá frið eftir nýfallinn dóm.
Mannréttindadómstóll:
Prinsessa
fær frið
BRUSSEL, AP Áralangri baráttu
Karólínu prinsessu af Mónakó við
ljósmyndara slúðurblaðanna er
lokið með sigri hennar. Mannrétt-
indadómstóll Evrópu hefur úr-
skurðað að blöðunum sé óheimilt
að birta myndir af henni og börn-
um hennar ef hún leggst gegn
birtingunni.
Fyrir hálfu fjórða ári hafnaði
þýskur dómstóll beiðni hennar um
að blöðunum Bunte, Freizeit
Revue og Neue Post yrði bannað
að birta myndir af henni og börn-
um hennar. Mannréttindadóm-
stóllinn sneri niðurstöðunni hins
vegar við en hafnaði því að dæma
henni bætur af hálfu blaðanna. ■
– hefur þú séð DV í dag?
18 ára
með
kókaín í
Leifsstöð
SIGLUFJÖRÐUR Undirbúningur
komu Hákons krónprins Noregs
og konu hans Mette-Marit er í
fullum gangi hjá lögreglunni á
Siglufirði. Lögreglan á Siglufirði
fær liðsauka frá Akureyri og
Reykjavík til að standa heiðurs-
vörð um bæinn. Hún segir ekki
nauðsynlegt að gæta prinsins
sérstaklega þar sem hann hafi
sína eigin öryggisverði með í
ferðinni.
CHILD FOCUS
Samtökin Child Focus voru stofnuð í kjölfar voðaverka barnaníðingsins Dutrox.
Á myndinni er eitt fórnarlamba hans, sem lifði af.
Barnaheill í evrópsku samstarfi:
Gagnagrunnur gegn
barnaníðingum
FJÓRMENNINGARNIR Í LANDSSÍMAMÁLINU
Kristján Ragnar, Árni Þór, Sveinbjörn og Ragnar Orri mættu allir þegar málið var þingfest í héraði.
Ragnar Orri var sá eini þeirra sem mætti þegar dómur yfir þeim var kveðinn upp.
HJÖRDÍS RUT SIGURJÓNSDÓTTIR
BLAÐAMAÐUR
FRÉTTASKÝRING
LANDSSÍMAMÁLIÐ
STÆRSTA FJÁRSVIKAMÁLIÐ
Rannsókn málsins var viðamikil enda stærsta fjársvikamál sem upp hefur komið til þessa.
Jón H. Snorrason segir dóm Sveinbjörns vera einsdæmi.
FJÁRDRÁTTUR SVEINBJÖRNS
Ár Upphæð
1999 96 milljónir
2000 68 milljónir
2001 24 milljónir
2002 35 milljónir
2003 27 milljónir
Samtals 261 milljón
10.000 færslur
137 brot