Fréttablaðið - 25.06.2004, Blaðsíða 16
16 25. júní 2004 FÖSTUDAGUR
HÚSBÍLL
Í orðsins fyllstu merkingu er hér um einkar
athyglisverðan húsbíl að ræða. Hugmynd-
ina að þessu húsi á austurrískur arkitekt
með ástríðu fyrir bílum.
ÍSRAEL Gósentíð er nú hjá fast-
eignasölum í Ísrael þar sem mikil
aukning hefur orðið á þeim fjölda
gyðinga sem flytja búferlum til
landsins vegna vaxandi andúðar
sem þeir finna fyrir víða í Evrópu.
Hefur sala í dýrum hverfum
stærri borga rokið upp og eru
þess mörg dæmi að ríkir einstak-
lingar kaupi sér einbýlishús á góð-
um stað fyrir allt að hundrað
milljónum króna.
„Það virðist engu breyta hvaða
gyðinga er um að ræða, hvort þeir
eru strangtrúaðir eður ei,“ segir
Corrine Davar, einn helsti
seljandi lúxusíbúða í landinu.
„Mjög margar auðugar fjöl-
skyldur eru á höttunum eftir hús-
næði, annaðhvort fyrir sig sjálfar
eða fyrir unga fólkið sem vill
þessa dagana búa hérlendis og ala
upp sína eigin fjölskyldu í landi
sínu.“
Ásóknin hefur verið það mikil í
betri íbúðir og hús að verð hefur
hækkað um tugi prósenta á stutt-
um tíma. Fasteignamarkaðurinn
að öðru leyti er dapur þar sem
kreppa hefur ríkt í millistétt
landsins og ekki margir aðrir með
fé milli handanna. ■
Sjórnarskráin breytir
engu fyrir Íslendinga
Norska blaðið Fiskaren skýrir frá því að ný stjórnarskrá Evrópusambandsins geri Íslendingum
og Norðmönnum ókleift að ganga þar inn og halda eftir forræði sjávarútvegsmála.
Stjórnmálafræðingur segir þetta vitleysu.
SJÁVARÚTVEGUR „Það er rangt í
þessari frétt að ný stjórnarskrá
Evrópusambandsins geri Íslend-
ingum og Norðmönnum ókleift að
ganga í sambandið,“ segir Eiríkur
Bergmann Einarsson, stjórnmála-
fræðingur og sérfræðingur í mál-
efnum ESB, vegna fréttar norska
blaðsins Fiskaren þess efnis að
hvorug þjóðin fengi að halda for-
ræði sínu yfir fiskveiðilögsögum
sínum ef sótt væri um inngöngu í
ESB nú vegna nýrrar stjórnar-
skrár sambandsins.
„Sé miðað við tillögur Halldórs
Ásgrímssonar um að gera miðin
við Ísland og Noreg að sérstöku
stjórnsýslusvæði innan sameigin-
legrar stjórnsýslu breytir þessi
nýja stjórnarskrá engu þar um.
Það eina sem er að gerast er að
inn kemur klausa um að sjávarút-
vegur sé á forræði sambandsins
en þannig hefur það verið lengi og
einungis er verið að staðfesta
ríkjandi ástand. Bretar verða nú
að gera svo vel og kyngja því enda
búið og gert en það er fásinna að
segja að þetta loki á möguleika Ís-
lands og Noregs enda yrði líklega
um sértæka samninga að ræða ef
af yrði.“
Fiskeribladet segir augljóst að
miðað við hina nýju stjórnaskrá
ætli stjórn ESB að miðstýra sjáv-
arútvegi en ekki staðbinda slíkt
eins og Bretland hafði áður farið
fram á. Breskir sjómenn eru afar
ósáttir við gang mála enda hafa
fiskveiðiheimildir þeirra minnkað
jafnt og þétt undanfarin ár og
hafa aldrei verið minni en nú.
Friðrik Jón Arngrímsson,
framkvæmdastjóri Landssam-
bands íslenskra útvegsmanna,
segir stöðu útvegsmanna alveg
skýra og hún sé óbreytt frá því
sem áður var. „Innganga er
algjörlega útilokuð af okkar hálfu
ef fara á undir sameiginlega
fiskveiðistjórnun enda sýnir
dæmið frá Bretlandi allra best
hvað það kostar að láta hlut sinn
af hendi með þessu móti og sjá
svo eftir öllu saman þegar krepp-
ir að.“
albert@frettabladid.is
■ ASÍA
Barnaföt frá Búlgaríu:
Fyrsta fata-
verslunin
SÚÐAVÍK Fyrsta fataverslunin í
Súðavík var opnuð á miðvikudag-
inn í síðustu viku. Laufey Frið-
riksdóttir og Genka Jordanovic
standa að rekstrinum. Þær hafa
flutt inn barnaföt frá Búlgaríu í
eitt og hálft ár en ákváðu að opna
verslun og samnýta húsnæði
með hárgreiðslustofu Laufeyjar.
„Það vantaði rosalega barna-
fataverslun með samkeppnis-
hæfu verði við það sem gerist í
Reykjavík,“ segir Laufey. Hún
segir reksturinn ganga vel og ef
viðskiptavinirnir komi ekki til
Súðavíkur fari þær til þeirra.
„Við höfum verið með fata-
markaði, eins og Reykvíkingarn-
ir gera oft hér. Fólk hefur verið
virkilega ánægt með fötin.“ ■
Mikil eftirspurn eftir lúxushúsnæði í Ísrael:
Gyðingar flýja vaxandi andúð í Evrópu
HEIM SÆKJA GYÐINGAR
Auðjöfrar kaupa nú fasteignir í föðurland-
inu sem aldrei fyrr og einbýlishús fara á
hundrað milljónir. M
YN
D
/A
P
Á góðum bíl í fríið með Avis
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
Innifalið í verði er ótakmarkaður akstur, trygging, vsk. og
flugvallargjald. (Verð miðast við lágmarksleigu 7 daga).
Ekkert bókunargjald - Gildir til 31. mars 2005.
Verð háð breytingu á gengi.
Verona kr. 2.400,- á dag m.v. B flokk
Bologna kr. 2.400,- á dag m.v. B flokk
Milano kr. 2.400,- á dag m.v. B flokk
www.avis.is
Við
gerum
betur
Ítalía
AVIS Knarrarvogi 2 - 104 Reykjavík - Sími 591 4000 Fax 591 4040 - Netfang avis@avis.is
Munið Visa
afsláttinn
KNÁIR SÚÐVÍKINGAR
Við opnun barnafataverslunarinnar í Dek-
urhúsinu í Súðavík var haldin tískusýning.
LEIÐTOGAR EVRÓPUSAMBANDSINS
Samþykktu nýja stjórnarskrá ESB og þurfa nú að selja löndum sínum þær breytingar sem þar koma fram.
ANKARA, AP Sprengja sprakk fyrir
framan hótelið þar sem George W.
Bush Bandaríkjaforseti hyggst
dvelja er hann sækir Tyrkland
heim um helgina. Lögregluþjónn
slasaðist alvarlega í sprenging-
unni, sem ekki er vitað hver ber
ábyrgð á.
Bush kemur til höfuðborgar-
innar Ankara seint á laugardags-
kvöld. Hann mun hitta forseta og
forsætisráðherra landsins að máli
á sunnudag áður en fundur æðstu
yfirmanna NATO hefst í Istanbul
á mánudag.
Fyrirhugaðri komu Bush til
Tyrklands hefur verið mótmælt
kröftuglega.
Tyrkland:
Komu Bush mótmælt
MÓTMÆLENDUR
Fyrirhuguð koma Bush Bandaríkjaforseta
til Tyrklands hefur vakið hörð viðbrögð
í landinu.
AP
/F
RÉ
TT
AB
LA
Ð
IÐ
DÝRKEYPT ÓSTUNDVÍSI Flug-
maður lítillar einkaflugvélar vissi
ekki hvaðan á hann stóð veðrið
þegar tvær rússneskar herþotur
flugu upp að honum og neyddu
hann til að lenda. Maðurinn hafði
fengið leyfi til að fljúga inn í rúss-
neska lofthelgi frá Mongólíu en var
tólf tímum of seint á ferðinni.