Fréttablaðið - 25.06.2004, Blaðsíða 37

„Við ætlum að blása til hátíðar á
götum úti í miðbæ Reykjavíkur
og lífga þannig upp á kosninga-
daginn,“ segir Heiða Kristín
Helgadóttir kynningar- og
markaðsstjóri Jafningafræðsl-
unnar.
Götuhátíðin sem Jafningja-
fræðslan stendur fyrir verður
fjölbreytt að vanda. „Það munu
hljómsveitir eins og Bent og
7Berg, O.N.E. og Iceguys stíga
á stokk, Brúðubíllinn mætir á
svæðið klukkan 14, hoppukast-
ali verður settur upp og boðið
verður upp á andlitsmálun.“
Einnig verða starfsmenn Jafn-
ingjafræðslunnar á svæðinu og
munu þau svara spurningum
áhugasamra. „Þetta verður auð-
vitað vímulaus uppákoma og
það verður stemning og stuð
fyrir unga sem aldna,“ segir
Heiða.
Jafningjafræðslan hefur
undanfarið verið í óðaönn að
hitta unglinga um land allt. „Það
er auðvitað gaman að hitta sem
flesta. Við vinnum út frá því að
efla sjálfsmyndina og hvetjum
ungt fólk til að taka sjálfstæðar
ákvarðanir. Sterk sjálfsmynd er
besta veganestið sem unglingar
fá út í lífið,“ segir Heiða og bæt-
ir því við að mikilvægt sé að
vera meðvitaður um eigin
ákvarðanir og sýna ábyrgð. „Við
erum núna á ferð um landið og
erum til dæmis búin að fara á
Hellu en erum á leið að Kára-
hnjúkum og til Hveragerðis auk
þess sem við förum á milli fyr-
irtækja Reykjavíkurborgar.“
Götuhátíðin verður á Lækjar-
torgi og hefst klukkan 13 á laug-
ardaginn og stendur til kl. 16. ■
25FÖSTUDAGUR 25. júní 2004
■ AFMÆLI
Anna Valdimarsdóttir sál-
fræðingur er 56 ára.
Þórarinn V. Þórarinsson,
lögfræðingur Impregilo, er 50
ára.
Haraldur Johannessen ríkis-
lögreglustjóri er 50 ára.
Kristinn Hrafnsson, fyrrum ritstjóri, er
42 ára.
Pétur Þorleifsson bílstjóri er 46 ára.
GÖTUHÁTÍÐ
JAFNINGJAFRÆÐSLAN EFNIR
■ til hátíðarhalda í miðbæ Reykjavíkur á
kosningadaginn. Á hátíðinni má finna eitt-
hvað fyrir alla en hún fer fram á Lækjartorgi.
Hver?
Ég er ungur maður með stór markmið.
Hvar?
Ég er staddur núna í Verkfæralagernum
að kaupa mér hamar.
Hvaðan?
Ég er hálfættaður frá Frakklandi, og hinn
helmingurinn íslenskur, þó svo ég hafi
búið alla mína ævi á Íslandi.
Hvað?
Ég er að setja upp go-kart-braut á 3.
hæð í Kringlunni sem verður uppi eitt-
hvað fram yfir ágúst, sem er nokkuð
sem ég hef verið að vinna í síðastliðnar
tvær vikur. Þar verður hægt að leigja go-
kart-bíla og fara í tímatökur á 1.400 fm
svæði og 200 m braut, þannig að pláss-
ið er nægt. Aðalfyrirtækið mitt er svo
aukahlutir.com, sem selur aukahluti í
bíla. Það er síða sem ég byrjaði með 16
ára og er á skjótri uppleið á degi
hverjum.
Hvernig?
Alltaf frá því ég var kornungur hef ég
haft hrikalegan áhuga á go-kart. Stefán
Guðmundsson, félagi minn, stofnaði go-
kart í Reykjanesbæ og ég fór fljótlega að
vinna fyrir hann. Eftir að hafa unnið fyrir
hann í nokkurn tíma fékk ég mér bíl og
svona og var bara dottinn inn í þetta.
Um tíma var ég að keppa í go-kart og
gekk yfirleitt vel af minni hálfu en bíllinn
var ekki að sanna sig.
Hvers vegna?
Ég hugsa að það sé ekki nein ein
ástæða fyrir því að ég sé svona mikill
áhugamaður um bíla og almennt um
allt mótorsport. Ég hef áhuga á þotu-
skíðum, go-kart, mótorkrossi og öllu
sem tengist mótorsporti almennt.
Hvenær?
Go-kart-brautin verður opnuð á 3. hæð
Kringlunnar í dag.
PERSÓNAN
HEIÐA KRISTÍN
Hún segir Jafningjafræðsluna vera á ferð
og flugi þessa dagana með
forvarnarfræðsluna.
Götuhátíð
Jafningjafræðslunnar
KARIM DJERMOUN
Hann hélt úti síðunni dvdmyndir.com, sem
kærð var af SMÁÍS fyrir ólöglega sölu á
DVD-myndum. Sjálfur segist hann hafa
keypt myndirnar af annarri netsíðu og
aðallega selt þær vinum og kunningjum,
alls um tuttugu myndir.