Fréttablaðið - 25.06.2004, Blaðsíða 39
27FÖSTUDAGUR 25. júní 2004
HVAÐ? HVENÆR? HVAR?
22 23 24 25 26 27 28
Föstudagur
JÚNÍ
LEIKIR
20.00 Fjölnir og FH mætast í 16 liða
úrslitum VISA-bikars kvenna í
knattpsyrnu.
20.00 Breiðablik og Valur mætast í
Landsbankadeild kvenna í
knattspyrnu.
21.00 Ísland og Belgía mætast í
landsleik í körfuknattleik í Keflavík
SJÓNVARP
14.30 EM í fótbolta á RÚV. Útsend-
ing frá leik Englands og Portú-
gals í 8 liða úrslitum EM í fótbolta
sem fram fór í gærkvöld.
16.30 Spurt að leikslokum á RÚV.
Endurtekinn þáttur frá því kvöld-
inu áður
18.20 Olíssport á Sýn. Endursýndur
þáttur frá kvöldinu áður.
18.30 EM í fótbolta á RÚV. Bein
útsending frá leik Frakka og
Grikkja í átta liða úrslitum EM í
fótbolta.
19.35 Trans World Sport á Sýn.
20.30 Gillette-sportpakkinn á Sýn.
21.00 Motorworld á Sýn. Kraftmikill
þáttur um allt það nýjasta í heimi
akstursíþrótta.
21.30 Landsbankadeildin
(Umferðir 1-6) á Sýn. Farið er
ítarlega yfir sex fyrstu umferðirnar
í Landsbankadeildinni.
22.10 Spurt að leikslokum á RÚV.
23:15 Hnefaleikar á Sýn. Á meðal
þeirra sem mættust voru þeir
Prince Naseem Hamed og Augie
Sanchez. Áður á dagskrá 19.
ágúst 2000.
Enska úrvalsdeildin:
Stórleikur
á Brúnni
FÓTBOLTI Nú er orðið ljóst hvaða
lið mætast í fyrstu umferð ensku
úrvlasdeildarinnar á komandi
tímabili. Stórleikur 1. umferðar-
innar, sem fer fram 14. ágúst, er
án nokkurs vafa á Stamford
Bridge þar sem Jose Mourinho og
lærisveinar hans hjá Chelsea taka
á móti Manchester United. Tveir
nýir knattspyrnustjórar, Jacques
Santini hjá Tottenham og Rafael
Benitez hjá Liverpool, leiða
saman hesta sína á White Hart
Lane og meistarar Arsenal sækja
Wayne Rooney og félaga hans hjá
Everton þá heim, það er að segja
svo framarlega sem Rooney verði
ennþá í röðum Everton. ■
Breytingar hjá Þjóðverjum í kjölfar slælegs gengis á EM:
Völler lýkur keppni
EM Í FÓTBOLTA Þjálfari þýska lands-
liðsins, Rudi Völler, hefur ákveðið
að segja starfi sínu lausu eftir að
ljóst varð að Þjóðverjar komust
ekki áfram úr sínum riðli á EM í
Portúgal.
Völler hefur verið við stjórnvöl-
inn frá árinu 2000 en þá tók hann við
af Erich Ribbeck eftir að Þjóðverj-
ar, líkt og nú, komust ekki áfram úr
sínum riðli á EM 2000.
Þvert ofan í allar spár gerði Völl-
er góða hluti með þýska liðið á HM
2002 en þar komst það alla leið í úr-
slitaleikinn en beið lægri hlut gegn
Brasilíu. Eftir þá frammstöðu hefur
leiðin hins vegar legið niður á við og
nú fannst Völler nóg komið. „Ég hef
sagt allt sem segja þarf um leikinn
gegn Tékkum,“ sagði Völler á blaða-
mannafundi og bætti við: „Það eina
sem ég á eftir að segja er að ég hef
ákveðið að segja af mér sem lands-
liðsþjálfari og mun ekki leiða Þjóð-
verja inn í HM 2006 í Þýskalandi.
Hvað ég mun taka mér fyrir hendur
er auðvitað alls óráðið en ég vil
gjarnan koma nálægt þjálfun
áfram, það kemur bara í ljós með
hvar það verður og með hvaða
hætti“.
Forseti þýska knattspyrnusam-
bandsins, Gerhard Mayer-
Vorfelder, var undrandi á ákvörðun
Völlers: „Okkur finnst miður að sjá
á eftir honum. Við ræddum saman á
hótelinu eftir leikinn og hann sagði
mér að hann vildi hætta. Ég bað
hann um að hugsa málið í nokkrar
vikur en hann hafði gert upp hug
sinn og að sjálfsögðu virðum við
ákvörðun hans.“
Mayer-Vorfelder vildi lítið tjá
sig um hugsanlegan eftirmann Völl-
ers. „Við þurfum að jafna okkur á
þessu en þó get ég sagt að við mun-
um ræða við Ottmar Hitzfeld en
þetta kemur allt í ljós á næstunni.“
Eins og sjá má á töflunni hér
að ofan hafa Þjóðverjar verið
hundtryggir sínum landsliðs-
þjálfurum. ■
SORRÍ, SVEKKTUR, SÁR
Rudi Völler hefur sagt starfi sínu lausu sem landsliðsþjálfari Þýskalands..
LANDSLIÐSÞJÁLFARAR
ÞJÓÐVERJA
Otto Nerz, 1923–1936
Sepp Herberger, 1936–1964
Helmut Schön, 1964–1978
Jupp Derwall, 1978–1984
Franz Beckenbauer, 1984–1990
Berti Vogts, 1990–1998
Erich Ribbeck, 1998–2000
Rudi Völler, 2000–2004
FYRSTA UMFERÐ
Aston Villa – Southampton
Blackburn – West Brom
Bolton – Charlton
Chelsea – Manchester United
Everton – Arsenal
Manchester City – Fulham
Middlesbrough – Newcastle
Norwich – Crystal Palace
Portsmouth – Birmingham
Tottenham – Liverpool