Fréttablaðið - 25.06.2004, Blaðsíða 40
25. júní 2004 FÖSTUDAGUR
Breytir Borgvardt öllu fyrir FH?
FÓTBOLTI Allan Borgvardt var í
fyrsta sinn í byrjunarliði FH-inga
á tímabilinu þegar liðið vann 4-1
sigur á Grindavík í fyrrakvöld.
FH-liðið geislaði af sjálfstrausti
með Danann snjalla innanborðs
og sýndi þá spilamennsku sem
tryggði liðinu annað sætið á mót-
inu í fyrra en í kjölfarið var Allan
valinn leikmaður ársins af félög-
um sínum í deildinni. Það tók
Borgvardt aðeins tíu mínútur að
leggja upp mark fyrir Atla Viðar
Björnsson, sem var boðið í færa-
veislu í Grindavíkurleiknum af
Dananum en þeir félagar ná mjög
vel saman í framlínu FH. Borg-
vardt tókst ekki að skora sjálfum
en FH-liðið skoraði fjögur góð
mörk og menn eins og Atli Viðar
og Emil Hallfreðsson nýttust lið-
inu mun betur.
FH-ingar unnu sex af síðustu
átta leikjum Landsbankadeildar
karla í fyrrasumar og voru með
markatöluna 22-9 í þeim átta
leikjum. FH hefur nú enn fremur
unnið síðustu þrjá deildarleikina
með Borgvardt í byrjunarliðinu
með markatölunni 14-1. FH-ingar
unnu „aðeins“ tvo af fyrstu sex
leikjum sínum í sumar og það var
ljóst á öllu að meiðsli Allans urðu
til þess að liðið náði ekki upp
þeirri frábæru spilamennsku
sem liðið endaði Íslandsmótið á í
fyrra. Nú er liðið komið á rétta
braut, taplaust í fimm leikjum og
með sjö stig í húsi af síðustu níu
mögulegum. ■
Grikkir hafa
engu að tapa
Otto Rehhagel segir pressuna vera á Frökkum fyrir leik þjóðanna í átta
liða úrslitum EM í kvöld. Frakkar fullir sjálfstrausts og orðrómur um að
Jacques Santini ætli að hvíla lykilmenn í leiknum.
EM Í PORTÚGAL „Við höfum náð
lengra en okkur dreymdi nokkurn
tíma um fyrir mótið og við höfum
engu að tapa gegn Frökkum. Ná-
kvæmlega engu,“ segir Otto
Rehhagel, þjálfari gríska liðsins,
sem mætir Frökkum í öðrum leik
átta liða úrslita EM í kvöld. Ekki
er búist við því að Grikkir nái að
valda Frökkum miklum skráveif-
um, enda mikill getumunur á lið-
unum samkvæmt pappírunum.
Rehhagel segir það hins vegar
telja lítið í stórmótum. „Við vitum
að Frakkar hafa marga af allra
bestu leikmönnum Evrópu, en við
munum gera okkar besta. Lykill-
inn er að við náum að stjórna
leiknum á miðjunni til að ná niður
hraðanum í leik Frakka,“ segir
Rehhagel.
Kollegi hans hjá Frökkum,
Jacques Santini, segir alla gagn-
rýnina sem franska liðið fékk
fyrir frammistöðu sína í riðla-
keppninni vera út í hött, og að
væntingarnar sem gerðar séu til
liðsins séu veruleikafirrtar. „Ég
hlusta ekki á þá sem segja að ég
hefði átt að gera þetta eða hitt. Við
urðum í efsta sæti okkar riðils
með sjö stig. Aðeins Tékkar gerðu
betur. Allir sögðu að við hefðum
verið heppnir á móti Sviss og að
við hefðum eðlilega átt að vinna
5-0. Þetta er ekki bara rugl, held-
ur líka mógðun gagnvart Sviss-
lendingum. Þeir eru með gott lið,
en við unnum þá samt 3-1,“ segir
Santini ósáttur.
Rætt er um að Santini ætli sér
að hvíla einhverja af lykilmönn-
um sínum gegn Grikkjum – svo
sigurviss sé hann. Louis Saha er
talinn líklegur til að leysa af
David Trezeguet í framlínunni, en
Santini er sagður vilja halda
Thierry Henry í liðinu því hann
þurfi á fleiri mörkum að halda
fyrir sjálfstraustið. Saha, sem átti
fína innkomu gegn Sviss og lagði
meðal annars upp mark, segir
Henry vera rétt að byrja í keppn-
inni. „Honum mun líða mun betur
inni á vellinum núna eftir að hann
hefur brotið ísinn. Hann á eftir að
skora þau nokkur í viðbót,“ segir
Saha.
Santini er í nokkrum vandræð-
um með uppstillinguna fyrir leik-
inn, en í ljós hefur komið að bak-
vörðurinn Willy Sagnol er hand-
leggsbrotinn og verður ekki
meira með. Þá eru William Gallas
og Patrick Viera einnig tæpir og
er ekki víst að Santini vilja taka
þá áhættu að láta þá spila gegn
minni spámönnum á borð við
Grikki. Þýðir það að Santini verð-
ur líklega knúinn til að setja
Marcel Desailly í vörnina, en
hann virðist vera kominn á síðasta
snúning í boltanum og hefur ekki
átt gott mót.
Grikkir eru betur settir hvað
varðar leikmenn og fá aftur Gior-
gos Karagounis á miðjunna, en
hann var í leikbanni gegn Rússum
og var sárt saknað. Hann segir öll
lið eiga möguleika á Evrópumeist-
aratitilinum, og að þar séu Grikk-
ir engin undantekning. „Ef þú
ferð inn í leik hugsandi það að þú
eigir engan möguleika á sigri, þá
muntu tapa. Fótbolti hefur breyst
mikið síðustu ár og það er ekki
svo mikil munur á milli liða.
Pressan er á Frökkum, þeir þurfa
að sanna að þeir eigi heima á með-
al þeirra stóru á meðan það er
engin skömm fyrir okkur að falla
úr leik fyrir ríkjandi Evrópu-
meisturum,“ segir Karagounis. ■
BORGVARDT KOMINN Í BYRJUNAR-
LIÐIÐ
Daninn Allan Borgvardt er búinn að ná sér
af meiðslunum sem hrjáðu hann í upphafi
móts.
SÝND VEIÐI EN EKKI GEFIN
Franska landsliðið hefur undirbúið sig vel fyrir leikinn gegn Grikkjum, og er búist við því að þeir Marcel Desailly, Claude Makelele og
Thierry Henry verði allir í byrjunarliði liðsins. Grikkir segjast þó hafa engu að tapa.