Fréttablaðið - 26.06.2004, Blaðsíða 8

26. júní 2004 LAUGARDAGUR
Talning hefst klukkan sjö:
Fyrstu tölur klukkan tíu
FORSETAKJÖR Atkvæðatalning í
forsetakosningunum hefst
klukkan 19.00 í kvöld í öllum
kjördæmum landsins.
Talningar fara fram á eftir-
töldum stöðum: Í Reykjavíkur-
kjördæmi suður í Hagaskóla, í
Reykjavíkurkjördæmi norður í
Ráðhúsi Reykjavíkur, í Suð-
vesturkjördæmi í Kaplakrika í
Hafnarfirði, í Suðurkjördæmi í
Fjölbrautaskóla Suðurnesja á
Selfossi, í Norðvestur í Hótel
Borgarnesi og í Norðaustur-
kjördæmi í KA-heimilinu á Ak-
ureyri.
Samkvæmt upplýsingum
frá yfirkjörstjórn er búist við
fyrstu tölum klukkan 22.00.
Þórunn Guðmundsdóttir, full-
trúi yfirkjörstjórnar í Reykja-
víkurkjördæmi segir að loka-
talningar megi vænta fyrr en
við Alþingiskosningar í fyrra
þegar talningu lauk klukkan
02.30.
„Þetta er auðveldari talning
en í Alþingiskosningum auk
þess sem við gerum ráð fyrir
að kjörsókn verði minni. Við
búmst því að talning taki
skemmri tíma en í fyrra.“ Þór-
unn segir að auðir atkvæða-
seðlar verði taldir á sama tíma
og aðrir seðlar en ekki í lok
talningar eins og venja er til og
auðir seðlar og ógildir verða
taldir í sitthvoru lagi.
Ríkissjónvarpið flytur
fregnir af gangi mála á milli
dagskrárliða í kvöld og sendir
fyrst út klukkan 21:59.
Meðal gesta í sjónvarpssal
verða allir forsetaframbjóð-
endur. ■
Spennan í auðum
seðlum og kjörsókn
Ólafur Þ. Harðarson segir algjöra óvissu um kjörsókn og fjölda auðra seðla í
kosningunum í dag og þær séu að því leyti spennandi. Hlutfall auðra seðla
þarf ekki að vera hátt til að forsetinn sé ekki lengur sameiningartákn.
FORSETAKJÖR „Ef við gefum okkur
að auðir seðlar verði tíu prósent
er ljóst að forsetinn er ekki leng-
ur óumdeilanlegt sameiningar-
tákn,“ segir Ólafur Þ. Harðarson,
prófessor í stjórnmálafræði við
Háskóla Íslands, um forsetakosn-
ingarnar í dag.
„Á hinn bóginn,“ bætir hann
við, „þýðir slíkt hlutfall auðra
seðla ekki að forsetinn sé orðinn
venjulegur stjórnmálamaður. Ef
svo væri mætti gera ráð fyrir að
andstaðan við hann væri mun
meiri.“ Ólafur Þ. segir ljóst að ef
margir skili auðu sé það fyrst og
fremst gert til að lýsa yfir óá-
nægju með Ólaf Ragnar Grímsson
og sérstaklega ákvörðun hans um
að skrifa ekki undir fjölmiðlalög-
in. Ólafur Þ. vill þó ekkert segja
um hvað megi
túlka sem sigur
fyrir Ólaf Ragnar
og hvað ekki.
„Þetta er mikið
álitamál og hver
túlkar það fyrir
sig.“
Ólafur Þ. segir
tvo óvissuþætti
vera athyglis-
verðasta í kosn-
ingunum í dag; í
fyrsta lagi fjölda
auðra seðla og í
öðru lagi hversu
mikil kjörsókn
verður. Við venju-
legar kringum-
stæður, þar sem
úrslitin virðast fyrir fram ljós,
megi gera ráð fyrir minni kjör-
sókn en ella, til dæmis eins og
gerðist árið 1988. Hins vegar sé
ekki bara verið að kjósa um fram-
bjóðendurna þrjá. „Margir hvetja
fólk til að mæta og skila auðu sem
mótmæli við gjörðum Ólafs Ragn-
ars og ef sá hópur nær miklum
hljómgrunni má búast við að kjör-
sókn aukist. Þetta verður því ein-
hvers konar styrkleikamæling á
fylgi Ólafs Ragnars meðal þjóðar-
innar, þó hann hafi enga alvöru
keppinauta.“ Ólafur Þ. telur þó
erfitt að meta áhrif þessara brey-
ta, en segir að margir auðir seðlar
væru dæmi um virkt lýðræði.
Um hina frambjóðendurna seg-
ir Ólafur Þ. að allt það fylgi sem
þeir fái megi túlka sem góða út-
komu fyrir þá.
Ólafur Þ. hefur sagt að Ólafur
Ragnar Grímsson hafi gert emb-
ættið pólitískara með því að beita
málskotsréttinum og telur mikla
óvissu ríkja um þróun embættis-
ins í nánustu framtíð. „Það virðist
ljóst að eftir þjóðaratkvæða-
greiðsluna verður rætt um hvort
breyta eigi hlutverki forsetans í
lögum og stjórnarskrá. Það er
ómögulegt að segja á þessu stigi
hver sú þróun verður.“ ■
,,Þetta
verður því
einhvers
konar
styrkleika-
mæling á
fylgi Ólafs
meðal
þjóðarinn-
ar, þó hann
hafi enga
alvöru
keppi-
nauta.“
Fall sjónvarpskónganna er hátt
Pabbi stendur með stráknum sínum
DAGBLAÐIÐ VÍSIR 142. TBL. – 94. ÁRG. – [LAUGARDAGUR 26. JÚNÍ 2004 ] VERÐ KR. 295
Dularfullarnæturheimsóknir íBessastaðakirkju Bls. 4
„Ég veit hver myrti son minn“Bls. 26-27
Úr
Fame
í fangelsi
Sjónvarpskóngarnir Árni Þór og KristjánRa. frumsýndu söngleikinn Fame í fyrra-kvöld. Þeir ætla að bera við heimsku íHæstarétti og segjast ekki hafa vitað aðbróðir Kristjáns væri að dæla í þá stolnufé. Fallið er hátt. Bls. 12-13
Ætla að
sannfæra
Hæstarétt
um að
þeir séu
heimskir
ÞING Þeir Haukur Logi Karlsson,
núverandi formaður Sambands
ungra framsóknarmanna, og Jakob
Hrafnsson, bróðir Björns Inga
Hrafnssonar, hafa gert með sér
samkomulag um að skipta for-
mannssætinu á næsta starfstímabili
en nú stendur yfir þing Sambands
ungra framsóknarmanna á Nesja-
völlum.
Til stóð að kosið yrði um for-
mann sambandsins í dag en af því
verður líklega ekki vegna sam-
komulagsins. Jón Einarsson hugðist
bjóða sig fram til formanns en seg-
ir að eftir að hafa ráðfært sig við
sína stuðningsmenn hafi hann
ákveðið að draga framboðið til baka
til að auka möguleika Jakobs
Hrafnssonar á formannssætinu.
Heimildir segja að háttsettir menn
innan flokksins hafi kippt í strengi
innan sambandsins til að koma nú-
verandi formanni frá og skipting
formannssætisins hafi verið lend-
ingin.
„Gert var samkomulag um að
best væri að semja svo það myndi
ríkja sátt og eining, þannig að allur
hópurinn vinni saman í staðinn fyr-
ir að vera í baráttu hvert á móti
öðru. Þetta varð lending sem ég
held að allir séu ánægðir með. Það
verður kosið um þessa tillögu og ég
á von á að það verði farsæll endir á
því,“ segir Jakob, sem mun taka við
formannssætinu fimmtánda maí
næstkomandi þegar Haukur Logi
hættir í stjórn. Haukur Logi segir
að í dag sé félagsmönnum frjálst að
bjóða sig fram en það kæmi á óvart
ef einhver gerði það. ■
Formannsskipti í SUF á miðju starfstímabili:
Átökum milli fylkinga forðað
ÓLAFUR Þ. HARÐARSON
Segir það álitamál hvernig megi túlka úrslit kosninganna.