Fréttablaðið - 26.06.2004, Blaðsíða 16

Fulltrúar 50 þjóða undirrituðu
stofnsáttmála Sameinuðu þjóð-
anna á þessum degi árið 1945 í
Herbst Theater í San Francisco.
Með þessu var alþjóðlegri stofnun
komið á fót sem átti að bjarga
komandi kynslóðum frá óhugnaði
stríðs. Sáttmálinn kom svo til
framkvæmda 24. október sama ár
og fyrsta þing Sameinuðu
þjóðanna kom saman í London, 10.
janúar 1946.
Þrátt fyrir að Þjóðabanda-
laginu hafi ekki tekist að koma í
veg fyrir þau átök sem leiddu til
síðari heimsstyrjaldarinnar, hófu
bandamenn undirbúning að stofn-
un nýrrar alþjóðastofnunar með
það að markmiði að stuðla að friði
í heiminum. Vitað er að hugmynd-
in kom fyrst fram í ágúst 1941,
þegar Franklin D. Roosevelt og
Winston Churchill skrifuðu undir
Atlantshafssáttmálann. Síðar það
ár notaði Roosevelt frasann
sameinaðar þjóðir til að lýsa þeim
þjóðum sem börðust gegn öxul-
veldunum þremur, Þýskalandi,
Ítalíu og Japan. Fyrst var þessi
titill þó opinberlega notaður í jan-
úar 1942, þegar fulltrúar 26 ríkja
bandamanna hittust í Washington
DC til að skrifa undir yfirlýsingu
hinna sameinuðu þjóða, sem lýsti
sameiginlegum stríðsmarkmiðum
þeirra.
Í október 1943 hittust fulltrúar
Bretlands, Bandaríkjanna, Sovét-
ríkjanna og Kína í Moskvu til að
ræða þörfina á því að skapa nýjan
alþjóðlegan vettvang, í stað Þjóð-
arbandalagsins. Eftir miklar
samningaviðræður um hvernig
þessi nýja stofnun ætti að líta út,
komust Bandaríkjamenn, Bretar
og Sovétmenn að sameiginlegri
niðurstöðu á Yalta-ráðstefnunni í
febrúar 1945 og í kjölfarið var
fulltrúum allra þeirra þjóða sem
skrifuðu undir yfirlýsinguna frá
1942 boðið að mæta á stofnfund
Sameinuðu þjóðanna. ■
■ ÞETTA GERÐIST
1243 Mongólar gjöreyða tyrkneska her
Seljuk í Litlu-Asíu.
1483 Ríkharður þriðji hrifsar til sín
ensku krúnuna.
1794 Frakkar sigra austurríska herinn í
bardaganum um Fleurus.
1925 Grínmynd Charlie Chaplin,
Gullæðið, er frumsýnd í
Hollywood.
1948 Berlínarloftbrúin er opnuð þegar
Bandaríkjamenn, Bretar og Frakk-
ar hefja flug á nauðsynjavörum til
vesturhluta Berlínar.
1951 Sovétríkin leggja til vopnahlé í
Kóreustríðinu.
1963 Bandaríski forsetinn John F.
Kennedy segir hin frægu orð „Ich
bin ein Berliner“ (Ég er Berlínar-
bolla) við Berlínarmúrinn.
1977 Rokkkóngurinn Elvis Presley
heldur síðustu tónleika sína í
Market Square Arena í Indiana-
polis.
1979 Muhammad Ali tilkynnir að hann
sé hættur keppni í hnefaleikum,
37 ára.
2000 Forseti Indónesíu, Abdurrahman
Wahid, lýsir yfir neyðarástandi í
Moluccas vegna vaxandi ofbeldis
milli múslima og kristinna.
EGYPTAR SKRIFA UNDIR
STOFNSÁTTMÁLANN
Fulltrúar 50 þjóða skrifuðu undir stofn-
sáttmála Sameinuðu þjóðanna í San
Francisco á þessum degi fyrir 59 árum.
„Liðin vika var aldeilis góð. Veðr-
ið var gott. Og golfið var gott,“
segir hjartaknúsarinn Vignir
Freyr Andersen, sem flestir þekk-
ja sem lottókynni og verslunar-
stjóra golfverslunarinnar Nevada
Bob. „Ég notaði veðrið svolítið til
að stjórna afþreyingarmöguleik-
unum eftir hefðbundinn vinnu-
dag; fór á golfvöllinn í Grafarholt-
inu í góða veðrinu og lék við kon-
una og pjakkinn minn í garðinum
meðan kvöldsólin skein sem blíð-
ast. Svo var það auðvitað EM í fót-
bolta sem átti mig dálítið þegar
rigndi. Ég horfi alltaf með öðru
auganu á boltann þótt ég sé engin
bulla. Frelsaðist frá fótboltanum
þegar ég fór í golfið 1997 og hefði
átt að byrja miklu fyrr. Þetta er
svo skemmtilegur félagsskapur
og maður ræður tíma sínum sjálf-
ur; þarf ekki að mæta á æfingar
og golfinu fylgja engin meiðsli.“
Vignir ætlar að enda vikuna
eins og hann byrjaði hana, í vinn-
unni. „Vikan byrjaði skemmtilega
en við vorum með í heimsókn út-
lenda gesti frá Galloway, sem er
eitt af stærstu golffyrirtækjum
heims. Héldum demodaga í Graf-
arholtinu, en þá getur fólk prófað
kylfur og farið í mælingu, sem sí-
fellt verður vinsælla. Margir
halda að þessi stóru merki séu að-
eins fyrir atvinnumenn, en það er
nú öðru nær. Svo verður maður í
búðinni um helgina, enda aldrei
frí hjá verslunarfólki. Þetta er
orðið eins og í New York, opið alla
daga vikunnar, en ég reyni að nota
kvöldin vel og slappa af. Er líka
kominn á þann aldur að vera orð-
inn „out of date“ upp á næturlífið
að gera; kominn í hóp karla og
kerlinga,“ segir hinn 33 ára gamli
hrútur og hlær dátt. ■
16 26. júní 2004 LAUGARDAGUR
■ AFMÆLI
CHRIS ISAAK
Söngvarinn sem sló virkilega í gegn með
laginu Wicked Game er 48 ára í dag.
26. JÚNÍ
Ragnheiður Steindórsdóttir leikkona er
52 ára.
Kristján L. Möller alþingismaður er 51
árs.
■ ANDLÁT
Ingimar Ástvaldur Magnússon húsa-
smíðameistari, hjúkrunar- og dvalar-
heimilinu Holtsbúð, Garðabæ, lést
fimmtudaginn 24. júní.
Ragnheiður Brynjólfsdóttir, Hamrahlíð
25, Reykjavík, lést miðvikudaginn 23.
júní.
Sigríður Kolbrún Guðmundsdóttir frá
Emmubergi, Drekagili 28, Akureyri, lést
sunnudaginn 20. júní.
■ JARÐARFARIR
14.00 Friðþór Guðlaugsson, Illugagötu
49, Vestmannaeyjum, verður jarð-
sunginn frá Landakirkju.
14.00 Sigurlaug Siggeirsdóttir, Seli,
Stokkseyri, verður jarðsungin frá
Stokkseyrarkirkju.
14.00 Svavar Guðbjartsson frá Lamba-
vatni, Strandgötu 11, Patreksfirði,
verður jarðsunginn frá Patreks-
fjarðarkirkju.
„Ég verð á leiðinni til Íslands,“
segir Svavar Gestsson, sendi-
herra Íslands í Svíþjóð, um af-
mælisdaginn sinn, en hann er 60
ára í dag. „Ég verð staddur í
Noregi því sumarfríið mitt er að
hefjast og við ætlum að taka ferj-
una til Íslands, en hana hef ég
aldrei tekið áður.“ Áður en hann
kemur til Íslands, segist hann
ætla að heimsækja systur sína
sem býr á vesturströnd Noregs og
koma við í Færeyjum. Það er við-
eigandi fara í frí núna því í gær
var það sem Svíar kalla
midsommerafton, sumarhátíð
þeirra Svía. „Þá er lokað í stórum
stíl skrifstofum fyrirtækja og
jafnvel opinberar skrifstofur.“
Aðspurður að því hvort eitt-
hvert fararsnið sé á honum frá
Svíþjóð, segist hann ekki vita það
þar sem það sé á valdi ráðherra.
„Við höfum verið hérna í þrjú ár
og kunnum ágætlega við okkur.
Það er stórkostlega gaman að
vera í Svíþjóð því hér er fyrir-
varalaus velvilji ríkjandi í garð
Íslendinga og einlægur áhugi.
Fólk vill fara til Íslands og fá að
vita mikið um landið.“
Svavar segir að stærstu verk-
efni sendiráðsins séu í tveimur
málaflokkum, viðskiptamálum og
menningarmálum. „Það er fjöld-
inn allur af rithöfunum sem koma
til landsins á þessu ári, einnig
myndlistarmenn og tónlistarfólk.
Stærsta verkefnið framundan er
þó heimsókn Svíakonungs, drottn-
ingar og krónprinsessu til Íslands
í september. Þá verður stór
sýning á íslenskri hönnun í Sví-
þjóð árið 2005 og sá undirbúning-
ur er í fullum gangi.“
Eftir tímann í utanríkisþjón-
ustunni segist Svavar bara stund-
um sakna þess að vera ekki í
hringiðu stjórnmálanna á Íslandi.
„En ekki oft. Ég sakna bara Ís-
lands og barnanna minna. Það er
dálítil fórn að vera langt í burtu
frá sínu fólki.“ Hann bætir svo
við; „En Svíþjóð er ekki langt í
burtu og mun styttra en frá
Kanada þar sem ég var síðast.“ ■
AFMÆLI
SVAVAR GESTSSON
■ er 60 ára. Mikið að gerast í
samskiptum Íslands og Svíþjóðar.
VIKAN SEM VAR
VIGNIR FREYR ANDERSEN
■ lottókynnir og verslunarstjóri
Nevada Bob, notaði góð og slæm
veðurskilyrði í fótboltagláp og golf.
26. JÚNÍ 1945
SAMEINUÐU ÞJÓÐIRNAR
■ Hugmynd færist nær veruleika.
SVAVAR GESTSSON
Á leiðinni í sumarfrí og ætlar meðal
annars að ferðast til Íslands með
Norrænu í fyrsta sinn.
Stofnsáttmálinn undirritaður
Undirbýr
heimsókn
Svíakonungs
til Íslands
M
YN
D
/
P
R
ES
SE
N
B
IL
D
/
F
R
ED
R
IK
P
ER
SS
O
N
EINBEITTUR VIÐ ORGELIÐ
Tónskóla Þjóðkirkjunnar var slitið nýverið.
Kantorar
útskrifast
Tónskóla Þjóðkirkjunnar var slit-
ið í Hallgrímskirkju þann 27. maí
síðastliðinn. Við það tækifæri
voru útskrifaðir fjórir nemendur,
þar af einn með einleikspróf í org-
elleik, Sigrún Magna Þórsteins-
dóttir, og þrír nemendur með
kantorspróf, Ágúst Ármann Þor-
láksson, Dagný Björgvinsdóttir
og Stefán Helgi Kristinsson. Auk
þeirra munu útskrifast í haust
með kantorspróf þeir Jónas Þórir
Þórisson og Torvald Gjerde.
Auk þess luku þrír nemendur
miðprófi í orgelleik, þrír fyrsta
áfanga í litúrgískum orgelleik og
þrír luku prófi á fyrsta og öðru ári
kórstjórnarnáms. Sjö nemendur
luku prófi í Gregorfræðum, fjórir
í Reykjavík og þrír á Austurlandi,
en próf var tekið á báðum stöðum.
Einnig luku sjö nemendur prófi í
kirkjutónlistarsögu. ■
Lék við konuna og pjakkinn í garðinum
VIGNIR FREYR ANDERSEN
Golfið setti svip sinn á vikuna enda frelsaði
það hann frá fótboltanum fyrir nokkrum
árum.