Fréttablaðið - 26.06.2004, Blaðsíða 35
Búist er við að tíu þúsund manns
leggi leið sína að Gaddstaðaflötum
yfir mótsdagana og segja má að all-
ir þeir sem setið hafa hest oftar en
einu sinni hafi hugann við mótið.
Gangi áætlanir mótshaldara eftir
verður þetta fjölmennasta Lands-
mót frá upphafi. Að venju leggja
fjölmargir áhugamenn um íslenska
hestinn í útlöndum leið sína til
landsins og er því spáð að sá hópur
telji á milli 2.500 og 3.500 manns.
Hrossin verða einnig mörg, um eitt
þúsund taka þátt í mótinu með ein-
um eða öðrum hætti og ætla má að
tvö til þrjú hundruð hross til við-
bótar verði á staðnum.
Líkt og gefur að skilja setur
mótshaldið rækilegt mark á mann-
og bæjarlíf á Hellu og næsta ná-
grenni og talsverð uppgrip verða
hjá seljendum vöru og þjónstu. Veit-
ingamenn á Hellu sem rætt var við
sögðust búast við annríki, heitt yrði
í kolunum á meðan á mótinu stæði
og glaumur og gleði á dansgólfun-
um kvöldin. Kjartan Erlingsson á
veitinga- og skemmtistaðnum
Kristjáni X beið spenntur eftir
Landsmótinu, ekki síst eftir að sjá
hvort gestir veldu sér til matar
pönnusteikt hrossafilet með beikon-
sósu en sá réttur hefur lengi verið á
matseðlinum og nýtur vinsælda.
Gistihúsaeigendur sögðu pantan-
ir á gistingu hafa farið að berast
fyrir ári og þétt væri legið flesta
mótsdaga. Eitthvað er um að heima-
menn bregði sér af bæ á meðan á
Landsmóti stendur og leigi hús sín
hestamönnum og öðrum gestum og
einhverjir ætla sér að halda til á
höfuðborgarsvæðinu og láta sig
hafa það að aka á milli dagana sjö.
Landsmót hestamanna var fyrst
haldið á Þingvöllum árið 1950 en
var þá mun smærra í sniðum en nú.
133 hross voru skráð til þátttöku en
menn voru nokkuð fleiri. Upp frá
því var Landsmót haldið á fjögurra
ára fresti en fyrir nokkrum árum
ákváðu hagsmunaaðilar að rétt
væri að halda veisluna annað hvert
ár.
Icelandair varð nýlega sam-
starfsaðili hestamanna að Lands-
móti og sýnir það glögglega hve
mikilvægt mótið er ferðaþjónust-
unni. Áhugafólk um íslenska hest-
inn er víða um heim og fjöldi
íslenskra hrossa í útlöndum vex
stöðugt.
Viðbúið er að einhverjir hestar
eignist nýtt lögheimili að mótinu
loknu enda algengt að menn grípi
tækifærið og geri þar hrossakaup, í
jákvæðri merkingu orðsins.
Undirbúningur mótshaldara á
Hellu hefur staðið í tvö ár, eða allar
götur síðan ákveðið var að halda
mótið þar. Öll aðstaða er sögð til
fyrirmyndar, keppnisvellir góðir og
áhorfendasvæði líka.
Líkt og vanalega ríkir mest spen-
na vegna töltkeppninnar en for-
keppni hennar fer fram á fimmtu-
dag og úrslit um helgina. Kynbóta-
hross verða sýnd á laugardag og
sunnudagurinn er sagður ein gæð-
ingaveisla.
Má ljóst vera að hross og menn
eiga stórhátíð í vændum. ■
Kringlan Reykjavík - Lækjargata 4 Reykjavík - Faxafen 12 Reykjavík
Miðhraun 11 Garðabæ - Glerárgata 32 Akureyri og söluaðilar um land allt.
3.950 kr.
Öryggislitir fyrir börnin | Verð áður 5.400 kr.
Framlengjum tilboðið!
Nýtt kortatímabil.
LAUGARDAGUR 26. júní 2004 23
Landsmót hestamanna hefst að Gaddstaðaflötum við Hellu
á mánudag og stendur í sjö daga. Mótið er í senn keppni,
sýning og vinafundur.
Tölt og skeiðað
á Hellu
ÞAÐ VÆRI NÚ GAMAN
AÐ VINNA ÞENNAN
Anna Bretaprinsessa skoðar
verðlaunagripina á Vind-
heimamelum ásamt Ólafi
Ragnari Grímssyni
FRÁ SETNINGU LANDSMÓTS HESTAMANNA Á
VINDHEIMAMELUM Í SKAGAFIRÐI 2002