Fréttablaðið - 26.06.2004, Blaðsíða 42
30 26. júní 2004 LAUGARDAGUR
„Það er miklu meira líf hérna en
vanalega í júnímánuði,“ segir
Helgi B. Sigurðsson, fararstjóri
Úrvals-Útsýnar og Plúsferða í
Albufeira á suðurströnd Portú-
gals. Hann ver nú sjötta sumrinu
sínu á þeim slóðum og þekkir því
vel til. „Þetta fer allt saman vel
fram og allir eru til stakrar prýði.
Reyndar urðu talsverð læti hér í
tvígang að næturlagi í síðustu
viku en eftir það hefur allt verið
til fyrirmyndar.“ Helgi segir
mikla löggæslu í bænum og yfir-
völd vel búin undir að grípa inn í
ef eitthvað fer úrskeiðis.
Veitinga- og kaupmenn gera
sér auðvitað mat úr knattspyrn-
unni og haga sínum seglum eftir
vindi. „Það er gert talsvert út á
fótboltann, veitingamenn hafa all-
ir komið sér upp stórum skjám
svo sem flestir getir horft á leik-
ina og víðast hvar er þétt setið og
fjörið eftir því.“ Hann segir þó
skiptar skoðanir meðal manna um
fjárhagslegan ávinnig af keppnis-
haldinu. „Þetta kemur sumum til
góða en þó reikna margir með að
tap hljótist af þessu og að það taki
nokkur ár að borga upp kostnað-
inn.“ Litlu fleiri eru í Albufeira nú
en vanalega og er aukningin
minni en spáð var. Flestir leikj-
anna eru enda í norðurhluta lands-
ins og þangað hefur ferðamanna-
straumurinn orðið mestur.
Helgi segir að á sínum slóðum
megi þó finna fólk frá flestum
þátttökulöndum keppninnar. „Hér
er fólk frá öllum löndum og það
setur sterkan svip á mannlífið.
Það er málað í framan, klætt
keppnistreyjum landa sinna og
ber fána og flögg. Þetta er fólk á
öllum aldri og eftir sigurleiki er
dansað og sungið, fólk kyssist og
faðmast og þetta er bara stórkost-
legt að sjá.“ Hann segir áfengis-
neysluna ekki yfirdrifna, hún sé
ekki áberandi á kristilegum tím-
um en vissulega sé drukkið á
börunum á kvöldin og um nætur.
Ætla má að um 700 Íslendingar
séu á svæðinu og taka þeir margir
hverjir virkan þátt í gleðinni. „Ís-
lendingarnir fylgjast auðvitað
með og hafa gaman af og margir
eiga miða á einhverja leiki.“
Veðrið hefur verið gott í
Albufeira að undanförnu, of gott
myndu einhverjir segja. „Hér er
30 stiga hiti og steikjandi sól og
júnímánuður hefur verið mjög
góður. Ekkert hefur rignt síðan
um miðjan maí og fólki líður bara
almennt mjög vel,“ segir Helgi B.
Sigurðsson. ■
Evrópukeppnin hefur sett svip sinn á mannlífið í Portúgal:
Líf og fjör í
Albufeira
HELGI B. SIGURÐSSON FARARSTJÓRI
„Hér er fólk frá öllum löndum og það
setur sterkan svip á mannlífið. Það er
málað í framan, klætt keppnistreyjum
landa sinna og ber fána og flögg.“