Fréttablaðið - 30.06.2004, Blaðsíða 15

15MIÐVIKUDAGUR 30. júní 2004
Útsalan
hefst á morgun
Jakkaföt
stakir jakkar
yfirhafnir
skyrtur
o.fl. o.fl.
bolir
Laugavegi 74 • Sími 551 3033
KAUPSKIP Innan samgönguráðu-
neytisins er því vísað á bug að
ekki hafi verið unnið að því að
koma á reglum um skipa-
skráningu íslenskra kaupskipa
en félag skipstjórnarmanna hef-
ur þungar áhyggjur af mikilli
fækkun Íslendinga í áhöfnum
þeirra erlendu skipa sem hér
starfa fyrir íslenskar kaupskipa-
útgerðir.
Er bent á þá staðreynd að
Sturla Böðvarsson samgönguráð-
herra setti ásamt Geir Haarde
fjármálaráðherra á fót starfshóp
til að fara yfir og koma með til-
lögur að frumvarpi til laga um ís-
lenska alþjóðlega skipaskrá.
Hefur verið unnið síðan að því að
kanna fjárhagslegan ávinning,
kostnað af stofnun slíkrar skipa-
skrár og hver þörfin sé hér á
landi. Sé tekið mið af nágranna-
þjóðum eru skattaívilnanir af
hálfu stjórnvalda forsenda stofn-
unar slíkra skráa og hafa stjórn-
völd hérlendis að nokkru tekið
fyrstu skrefin í þá átt með und-
anþágu frá stimpilgjöldum af af-
sali og veðböndum og enn frem-
ur heimilað þurrleiguskáningu á
íslensku skipaskránni. Þetta hef-
ur gert að verkum að kostnaður
við skráningu hérlendis og
erlendis er svipaður.
Hagsmunaaðilar hafa einnig
sýnt samstarfsvilja sem ekki var
til staðar áður og standa vonir til
að hægt verði að komast að
niðurstöðu innan tíðar. ■
EFNAHAGSMÁL Heildartekjur ríkis-
sjóðs námu tæpum 67 milljörðum
króna á fyrsta ársfjórðungi þessa
árs, samkvæmt Hagstofu Íslands,
sem birtir nú í fyrsta sinn saman-
dregið talnaefni yfir fjármál ríkis
og sveitarfélaga á rekstrargrunni
innan ársins, en ekki eingöngu
árstölur eins og verið hefur.
Rekstrargjöld og fjárfestingar
ríkisins voru 68.282 milljarðar
króna og var tekjujöfnuður því
neikvæður um 1,3 milljarða
króna. Tekjur sveitarfélaganna
voru rúmir 21 milljarður króna og
rekstrargjöld og fjárfestingar
námu 21.991 milljarði. Tekju-
jöfnuður sveitarfélaga var því
neikvæður um 0,6 milljarða.
Tekjujöfnuður hins opinbera í
heild var neikvæður um tvo millj-
arða króna eða 2,2% af tekjum
þeirra á fyrsta ársfjórðungi.
Talnaefni þetta, sem byggir á
bráðabirgðatölum frá Fjársýslu
ríkisins og sveitarfélögum, er
meðal annars unnið vegna þeirra
alþjóðlegu skuldbindinga sem
íslensk stjórnvöld hafa tekið á sig
í tengslum við EES-samninginn.
Upplýsingarnar munu einnig
koma innlendum stjórnvöldum að
gagni við mat á hagþróun innan
ársins. Tölurnar frá sveitarfélög-
unum byggja á úrtaki sjö sveitar-
félaga með 50% íbúafjöldans og
hefur það úrtak verið fært upp til
heildar. ■
Menntaskólinn í Kópavogi:
Skólinn
fullsetinn
FRAMHALDSNÁM Menntaskólinn í
Kópavogi er fullsetinn og getur
ekki tekið við fleiri nýnemum, seg-
ir Steinnunn Inga Óttarsdóttir,
áfangastjóri skólans. Greint var frá
því að örfá sæti væru laus í frétt
blaðsins í gær. Þau eru á skrifstofu-
braut tvö. Inntökuskilyrði er að
hafa lokið skrifstofubraut eitt eða
tveim til þrem önnum í framhalds-
skóla. Einnig eru nokkur laus pláss
í hagnýtt fjármála- og viðskipta-
greinanám sem er sérsniðið að
þörfum fjármálafyrirtækja. Skrif-
stofur skólans verða opnaðar 4.
ágúst. Sjá upplýsingar á heimasíðu
skólans. ■
GEIR HAARDE FJÁRMÁLARÁÐHERRA
Rekstrargjöld og fjárfestingar ríkisins voru 68.282 milljarðar króna
og var tekjujöfnuður því neikvæður um 1,3 milljarða króna.
Hagstofan birtir tölur um fjármál hins opinbera
á fyrsta ársfjórðungi:
Tveggja milljarða tap
á rekstri hins opinbera
Samgönguráðuneyti kannar
kosti og galla alþjóðlegar skipaskrár:
Unnið í samráði
við hagsmunaaðila
NÝLEG SKIP KAUPSKIPAFLOTANS
Meta þarf kosti og galla alþjóðlegrar skipaskrár í samráði við hagsmunaaðila
áður en ákvörðun um upptöku verður tekin.