Fréttablaðið - 30.06.2004, Blaðsíða 31
22 30. júní 2004 MIÐVIKUDAGUR
Lorenzo Sanz tjáir sig um enska landsliðsfyrirliðann:
Það voru mistök að
kaupa David Beckham
FÓTBOLTI Ákvörðun forseta Real
Madrid, Florentino Perez, þess
efnis að kaupa David Beckham
var ein af aðalástæðunum fyrir
slæmu gengi liðsins á nýliðinni
leiktíð, en þá stóð Real Madrid
uppi titlalaust í fyrsta sinn í fimm
ár.
Þetta segir fyrrum forseti Real
Madrid, Lorenzo Sanz, sem stefnir
að því að velta Perez úr sessi í for-
setakosningum félagsins í næsta
mánuði en þessir tveir kappar átt-
ust við fyrir fjórum árum.
„Liðið eins og það er í dag er
ekkert annað en lið sem er stút-
fullt af stórstjörnum án jafnvæg-
is. Það er deginum ljósara að það
var fáránleg ákvörðun að kaupa
David Beckham og leyfa Claude
Makelele að fara. Þá höfðum við
líka Luiz Figo og var það ekki nóg?
Mér sýnist sem svo að aðalá-
stæðan fyrir kaupunum á Beck-
ham hafi verið af markaðslegum
toga en ekki fótboltalegum. Ásýnd
félagsins nú er ekki góð, við lítum
út fyrir að vera hrokafullir og lið-
ið skortir alla auðmýkt. Nú verð-
um við að snúa við blaðinu og búa
til þétt lið sem er í jafnvægi, innan
vallar sem utan,“ sagði Lorenzo
Sanz. ■
Báðum liðum líður best að
spila blússandi sóknarleik
Portúgalar mæta Hollendingum í kvöld í undanúrslitum á Evrópumótnu í Portúgal.
EM Í FÓTBOLTA Portúgalar mæta
Hollendingum í undanúrslitum
EM í kvöld og verður væntanlega
mikið um dýrðir, innanvallar sem
utan.
Mikil spenna er í Portúgal en
heimamenn hafa heldur betur snú-
ið við dæminu eftir óvænt tap
gegn Grikkjum í fyrsta leik. Hol-
lendingar voru heldur ekkert
alltof sprækir í byrjun móts en
rétt eins og hjá Portúgölum hefur
verið stígandi í leik liðsins.
Báðum liðum fer best að leika
blússandi sóknarbolta og vonandi
verður raunin sú. Á hinn bóginn
vill það oft brenna við að í leikjum
sem eru þetta mikilvægir að var-
kárnin verði höfð í fyrirrúmi enda
hver mistök dýr og enginn vill
verða valdur að tapi – framlenging
og vítaspyrnukeppni myndi vænt-
anlega ekki koma neitt gríðarlega
mikið á óvart.
Hollendingar hafa einu sinni
komist í úrslitaleikinn, fyrir sext-
án árum, en þá fóru þeir alla leið
og hömpuðu Evrópumeistaratitlin-
um eftir leik gegn Sovétmönnum.
Árangur Portúgala nú er jöfnun
á þeirra besta árangri hingað til en
í EM árið 1984 komust þeir í undan-
úrslit en töpuðu þá fyrir Frökkum.
Þjálfari Portúgala, Brasilíu-
maðurinn Luiz Felipe Scolari,
virðist á hinn bóginn vera nokkuð
upptekinn af leikaraskap og
brögðum Hollendinga. Hann hefur
hvatt dómara leiksins, Svíann
Anders Frisk, í fjölmiðlum, að
vera á varðbergi gagnvart Hol-
lendingum:
„Dómarinn verður að fara var-
lega svo hann gefi ekki Hollend-
ingum forskot – við erum búnir að
greina leik þeirra niður í smæstu
atriði og erum meðvitaðir um
brögð þeirra sem dómarinn á ekki
alltaf auðvelt með að koma auga á.
Ég sagði fyrir mót að markmið
okkar væri að komast í undanúr-
slitin en auðvitað vil ég núna fara
alla leið og við getum það alveg.
Við verðum hins vegar að gera
okkur grein fyrir því að Hollend-
ingar eru með mjög sterkt lið og
við erum ekki á neinn hátt sigur-
stranglegra liðið þó við séum á
heimavelli. Ef litið er á tölfræðina
sjáum við að liðin eru nokkuð jöfn
í helstu þáttum hennar og væntan-
lega verður því um mjög jafnan
leik að ræða,“ sagði Luiz Felipe
Scolari fyrir leikinn. ■
Helveg yfirgefur Inter:
Fer líklega til
Everton
FÓTBOLTI Danski landsliðsmaður-
inn, Thomas Helveg, segist vera á
förum frá Ítalska liðinu Inter
Mílanó.
„Ég verð ekki áfram hjá Inter
en það er ekki komið á hreint
hvert ég mun fara. Næsta skref er
að ráðfæra mig við umboðsmann
minn en helst af öllu vildi ég vera
áfram á Ítalíu.
Þó væri ákveðin ögrun að enda
ferilinn í öðru landi og ég get sagt
það að Everton hefur sýnt áhuga á
að fá mig til liðs við sig,“ sagði
Thomas Helveg sem spilað hefur
á Ítalíu undanfarin tíu ár þar á
meðal með liði AC Milan. ■
■ ■ SJÓNVARP
18.25 EM í fótbolta á RÚV. Bein
útsending frá leik Portúgala og
Hollendinga í undanúrslitum á
EM í fótbolta.
19.20 Suður-Ameríku bikarinn á
Sýn. Umfjöllun um fótboltaveisl-
una sem er framundan á Sýn.
20.20 Gullleikur úr Meistara-
deildinni á Sýn. Úrslitaleikurinn í
Evrópukeppni meistaraliða 1994,
milli AC Milan og Barcelona.
22.00 Olíssport á Sýn. Fjallað er
um helstu íþróttaviðburði.
22.15 Spurt að leikslokum á RÚV.
Spjall og samantekt úr leikjum
dagsins á EM í fótbolta.
22.50 Landsmót hestamanna á
RÚV. Samantekt frá keppni
dagsins á landsmótinu á Hellu.
HVAÐ? HVENÆR? HVAR?
27 28 29 30 1 2 3
Miðvikudagur
JÚNÍ
EM Í FÓTBOLTA Það er Tékkinn Kar-
el Poborský sem hefur lagt upp
flest mörk á Evrópumótinu í
Portúgal til þessa en Poborský
hefur átt alls fjórar stoðsendingar
í fjórum leikjum Tékka í keppn-
inni þar af tvær þeirra gegn Dön-
um í átta liða úrslitunum.
Karel Poborský lagði þar upp
mörk fyrir Jan Koeller og Milan
Baros en hann lagði einnig upp
mark fyrir Milan Baros gegn Lett-
um í fyrsta leiknum og sigur-
markið fyrir Vladimir Smicer
gegn Hollandi í riðlakeppninni.
Poborský lék aðeins í 20 mínút-
ur í leiknum gegn Þjóðverjum á
lokadegi riðlakeppninnar en það
er eini leikurinn sem hann hefur
ekki náð að leggja upp mark.
Karel Poborský er einn þriggja
leikmanna tékkneska liðsins sem
voru með fyrir átta árum þegar
liðið fór alla leið í úrslitaleik Evr-
ópukeppninnar í Englandi þar
sem liðið tapaði 1-2 fyrir Þjóð-
verjum. Poborský lagði upp tvö
mörk í þeirra keppni og hefur því
alls gefið sex stoðsendingar í
lokaúrslitum Evrópukeppninnar
sem er met. Hann var aðalstjarna
tékkneska liðsins í þá daga en er í
aðeins öðruvísi hlutverki nú þótt
mikilvægi hans sé enn það sama.
Tékkar eiga líka markahæsta
mann keppninnar til þessa því
Milan Baros hefur skorað fimm
mörk í þessum fjórum leikjum.■
Tékkar eiga atkvæðamestu mennina á EM:
Poborský er með
flestar stoðsendingar
FLESTAR STOÐSENDINGAR Á
EM Í PORTÚGAL 2004:
Karel Poborský, Tékklandi 4
Arjen Robben, Hollandi 3
David Beckham, Englandi 2
Michael Owen, Englandi 2
HELDUR FÖGNUÐUR PORTÚGALA ÁFRAM?
Eða hrósa Hollendingar sigri? Liðin mætast í undanúrslitum EM í kvöld.
HUGGAÐUR
Hér sést Ray Clemence hugga David Beck-
ham eftir tapið gegn Portúgölum.