Fréttablaðið - 01.07.2004, Blaðsíða 51
ar
gu
s
04
-0
40
3
FIMMTUDAGUR 1. júlí 2004
Harðkjarnasveitin grímuklædda
Slipknot hefur verið bætt á dag-
skrá Hróarskelduhátíðarinnar í
ár. Þeir eiga að verða nokkurs
konar sárabót fyrir það að David
Bowie skyldi hafa hætt við tón-
leika sína á hátíðinni vegna
meiðsla. Læknir hans bannaði
honum að koma fram þar sem
gamla kempan er með klemmda
taug.
Dagskráin tekur stöðugt breyt-
ingum þessa dagana og afboðaði
breska sveitin Syntax spila-
mennsku sína á hátíðinni í gær.
Enn er óvíst hvort Muse spili.
Trommarinn missti föður sinn um
síðustu helgi og hefur sveitin af-
boðað nokkra tónleika í kjölfarið.
Þegar þetta var skrifað hafði þó
sveitin enn ekki afboðað tónleika-
hald á Hróarskeldu.
Búast má við því að aðstand-
endur Hróarskeldu bæti við
nokkrum tónlistaratriðum til við-
bótar, en hátíðin hefst formlega í
dag. ■
Slipknot á Hróarskeldu
SLIPKNOT
Kæta vonandi einhverja sem syrgja þá
ákvörðun Bowie að draga til baka tónleika
sína á Hróarskelduhátíðinni .
Óli Palli, forseti Rokklands, er
með lausn fyrir þá tónlistarunn-
endur sem líður vel á tónlistar-
hátíðum, en geta þó ómögulega
hugsað sér að fara í rigninguna á
Hróarskeldu í ár. Hann ætlar
nefnilega að senda beint út frá
hátíðinni í Rokkland, þætti
sínum á Rás 2, næstkomandi
sunnudag.
Þátturinn fer sem fyrr í loftið
klukkan 16 og verður tveggja
stunda langur. Þar mun Óli spila
viðtöl og tónleikaupptökur frá
helstu sveitum sem leika á hátíð-
inni blautu. Hann ætti að vera
búinn að safna saman góðum lag-
er, þar sem sunnudagurinn er síð-
asti dagur hátíðarinnar.
Óli Palli fórnar sér fyrir vinn-
una og fór út í gær til þess að vaða
leðjuna á milli tónleikasviða. Bara
til þess að þegnar Rokklands, geti
fengið að upplifa stemninguna á
Hróarskeldu heima í stofu, eða á
rúntinum í bílnum. Lengi lifi for-
setinn! ■
Rokkland í beinni
frá Hróarskeldu
FRANZ FERDINAND
Er ein þeirra sveita sem kemur fram á Hró-
arskeldu í ár. Kannski getur Óli spilað frá
tónleikum þeirra í Rokklandi á sunnudaginn.
■ ÚTVARP
The Cure: The Cure
„Þetta er reiða hliðin á The Cure sem hefur fengið
að fljóta með í nokkrum lögum áður, en sem hef-
ur aldrei verið splæst á heila plötu. Þetta er hug-
rökk plata og tilraunir Ross Robinson ganga upp.
Besta og heilsteyptasta plata The Cure frá því að
Disintigration kom út árið 1989.“ BÖS
Janet Jackson: Damita Jo
„Óumdeilanlega hefur einlægnin verið víðs fjarri
þegar þessi plata, Damita Jo, var unnin. Maður sér
fljótlega í gegnum þunnan undirtón plötunnar og
sígild, en dauðþreytt formúlan, að selja Janet sem
kynlífstákn. Janet Jackson er fær í flest, sungið get-
ur hún, en hér gerir hún allrækilega í buxurnar.“ SJ
Sonic Youth: Sonic Nurse
„Á meðan Sonic Youth heldur áfram að hjakka í
sama farinu þá verður ást mín á sveitinni að vera
eins og til fjarskyldra frænda hjá mér í stað
elskenda, þannig er það nú bara. Fín plata, lítið
meira en það. Tími til þess að senda sveitina á
rokkspítalann.“
BÖS
Method Man: Tical 0 - The
Prequel
„Þrátt fyrir nokkrar hlustanir er ekkert lag sem
kveikir af einhverju viti í mér, undirspilið er þunnt
og maður gerir ekki öflugt hip-hop á rappinu einu
saman, grunnurinn verður að vera góður. Og þeg-
ar hvort tveggja bregst þá er fokið í flest skjól.“ SJ
Keane: Hopes and Fears
„Góður flutningur, góður söngur, góður hljómur og
ágætar útsetningar. Það er samt ekkert sem fangar
athyglina. Ullin er bara eins og á hinum kindunum,
augnaráðið jafn tómt og laust við alla dulspeki. Að
sama skapi er hún gjörsamlega laus við tilgerð og
óþarfa töffarastæla.“ BÖS
Beastie Boys:
To the 5 Boroughs
„Þetta er því blygðunarlaust afturhvarf í gamla
starfshætti. Þessi gamli hljómur er yfir allri plöt-
unni, þannig að fyrir vikið virkar hún góð sem
heild. Þetta er þó frekar erfið plata þegar allt kem-
ur til alls, og krefjandi.“ BÖS
Shai Hulud: That Within
Blood Ill-Tempered
„Oft hafa aðrar hljómsveitir þreytt sams konar stíl
og útkoman oftar en ekki orðið frekar grautkennd.
Shai Hulud nær hins vegar að bjóða upp á breiða
flóru í lagasmíðum sínum án þess að þreyta hlust-
andann, eitthvað sem er greinilega ekki á allra
færi. Tónlist Shai Hulud er ævintýri líkust.“ SJ
Graham Coxon: Happiness in Mag-
azines
„Ég held barasta að við þurfum ekki að hafa nein-
ar áhyggjur af gleraugnagláminum honum Gra-
ham. Að minnsta kosti gefa lokaorð plötunnar það
í skyn að hann hafi það bara fínt. Þar syngur hann
af einlægni við fallegt og einfalt píanóstef og gítar
spil; „Life, I Love You“. Fallegur endir á góðri
plötu.“
BÖS
Slipknot: Vol. 3
(The Subliminal Verses)
„Það sem stendur upp úr er tilraunamennska Slipknot
á Vol. 3, eitthvað sem sveitin hefur ekki leyft sér áður.
Slipknot nær ekki að fullkomna stíl sinn á þessari plötu
en Vol. 3 lofar þó góðu fyrir það sem koma skal.“ SJ
Mike Pollock: World Citizen
„Pollock hittir mun betur í mark með kassagítarinn
í hendi. Þar eru bestu lög Great Spirit, Lost &
Found og Dreaming. Ekki má heldur gleyma enskri
útgáfu hans á gamla Megasarlaginu Lóa Lóa þar
sem saxófónninn fær að njóta sín á skemmtilegan
hátt. Rolling Stones-lagið No Expectations kemur
einnig vel út í flutningi Pollocks. Plötunni lýkur síð-
an með kórsöng á trúarlegu nótunum, sem er fínn
endahnykkur á ágætis plötu.“ FB
Morrissey: You Are the Quarry
„Það er ótrúlega ljúft að heyra rödd Morrissey aftur
og yndislegt að hann skuli skila af sér góðri plötu.
Jú, jú, hún hljómar á köflum svolítið útrunnin tón-
listarlega en fínar lagasmíðar, einlæg tjáning og
fyrsta flokks textasmíðar bæta upp fyrir það.“ BÖS
Birgir Örn Steinarsson
Freyr Bjarnason
Smári Jósepsson
[ SMS ]
UM NÝJUSTU PLÖTURNAR
PLATA VIKUNNAR
Samnefnd plata The Cure er þeirra besta í
15 ár, hlýtur því að teljast plata vikunnar.
PLATA VIKUNNAR