Fréttablaðið - 02.07.2004, Blaðsíða 14
Samskip:
Nýjar
skrifstofur í
Þýskalandi
ÚTRÁS Samskip opnuðu í gær nýjar
þjónustuskrifstofur í Þýskalandi,
í Düsseldorf og München. Fyrir-
tækið starfrækir fyrir tvær skrif-
stofur í Þýskalandi sem staðsettar
eru í Bremen og Hamborg. Opnun
nýju skrifstofanna í Þýskalandi er
enn einn áfanginn í útrás Sam-
skipa og hefur það að markmiði að
þjóna enn betur ört vaxandi starf-
semi félagsins á meginlandi
Evrópu, að því er fram kemur í
fréttatilkynningu frá Samskipum.
„Skrifstofunni í Düsseldorf er
ætlað að þjóna vaxandi flutninga-
starfsemi okkar í Rínardal og Ruhr-
héraðinu en suðurhéruð Þýska-
lands verða á ábyrgð skrifstofunn-
ar í München,“ segir Ásbjörn Gísla-
son, forstjóri Samskipa. ■
14 2. júlí 2004 FÖSTUDAGUR
FARÐU BURT!
Hong Kong mótmæltu yfirráðum Kínverja í
gær. Einn mótmælenda heldur hér á spjaldi
af Tung Chee-hwa, landstjóra eyjarinnar.
Tugþúsundir útlendinga sækja í íslenska hestinn:
Um 40 þúsund á ári í hestaferðir
HESTAMENNSKA „Að þessu sinni eru
3000–3.500 erlendir gestir á
Landsmóti hestamanna á Hellu,“
sagði Steinn Logi Björnsson,
framkvæmdastjóri sölu- og mark-
aðssviðs Icelandair.
Hann sagði að hestaferðir nytu
sívaxandi vinsælda erlendra
ferðamanna. Áætla mætti að um
3000 manns fari í lengri hesta-
ferðir hér á hverju ári. Þar kæmi
þjónusta Icelandair ekki einungis
við sögu, því margir bændur
hefðu atvinnu að því að þjóna
þessu fólki, með leiðsögn, útveg-
un hesta eða gistingu. Ef litið væri
til styttri ferða þá væri fjöldinn
enn meiri. Mætti áætla að á síð-
asta ári hefðu allt að 40.000 manns
keypt sér slíka hestaferð. Ekki
mætti gleyma Landsmóti hesta-
manna sem drægi að sér þúsundir
erlendra ferðamanna sem dveldu
lengi og keyptu hér fjölbreyttari
þjónustu.
„Ekkert eitt fyrirbæri í ís-
lenskri náttúru eða íslenskri
menningu dregur til sín annan
eins fjölda ferðamanna og ís-
lenski hesturinn,“ sagði Steinn
Logi. „Nú er svo komið að fleiri ís-
lenskir hestar eru á erlendri grun-
du en á Íslandi. Reikna má með að
í Evrópu séu vel á annað hundrað
þúsund íslenskir hestar. Áætlað
hefur verið að á bak við hvern ís-
lenskan hest í útlöndum séu 3–4
einstaklingar. Allir þessir einstak-
lingar eru líklegir til að vilja
heimsækja Ísland í tengslum við
áhugamál sitt.
Það er með þessa hagsmuni í
huga sem Icelandair er aðalstuðn-
ingsaðili Landsmóts hestamanna,
Icelandair Horse
Festival, sem við höfum gert
sex ára samning um. Við erum að
stórauka markaðssetninguna er-
lendis og viljum reyna að höfða til
breiðari hóps.“ ■
Mesti öryggisviðbúnaður
í sögu Ólympíuleikanna
Grikkir keppast við að undirbúa Ólympíuleikana enda við það að falla á tíma. Kostnaður vegna
öryggisgæslu á leikunum er áætlaður um 90 milljarðar íslenskra króna.
ÓLYMPÍULEIKAR Öryggisviðbúnaður
vegna ólympíuleikanna í Aþenu í
Grikklandi er nú að ná hármarki
en í gær tóku þúsundir liðsmanna
öryggisveita í Aþenu og helstu
borgum Grikklands til starfa.
Leikarnir hefjast um miðjan
ágúst og mjög er óttast að hryðju-
verkamenn líti til leikanna sem
heppilegs skotmarks. Aldrei í sög-
unni hafa verið viðhafðar aðrar
eins öryggisráðstafanir.
Grískar sérsveitir hafa undan-
farna mánuði æft viðbrögð við hin-
um ýmsu aðstæð-
um sem upp geta
komið á leikvöng-
um þeim sem leik-
arnir fara fram á
og öðrum mikil-
vægum bygging-
um sem leikjunum
tengjast. Þessi
mannvirki verða
lokuð næstu vikur
og leitað verður ít-
arlega að tíma-
stilltum sprengj-
um innan þeirra.
Kostnaður við öryggisgæslu
á Ólympíuleikunum er talinn
nema allt að einum milljarði
evra, eða tæplega níutíu millj-
örðum íslenskra króna.
Fjörutíu þúsund lögreglu-
menn, auk þúsunda hermanna,
munu gæta leikvanganna, ólymp-
íuþorpsins, þar sem aðsetur
keppenda og fylgdarliðs verður,
hafnarinnar í Aþenu og fleiri
mikilvægra staða í Aþenu. Þá er
sérstaklega gert ráð fyrir loft-
vörnum í höfuðborginni og
strandgæsla verður efld um allt
Grikkland.
Grikkir hafa sætt mikilli gagn-
rýni fyrir seinagang í undirbún-
ingi ólympíuleikanna sem hefjast
13. ágúst og standa yfir í sextán
daga. Enn eru stórvirkar vinnu-
vélar að störfum á aðalleikvangi
leikanna og svæðið hefur enn ekki
verið girt af. Stjórnvöld í Grikk-
landi hafa lýst því yfir að
framkvæmdum verði að mestu
lokið fyrir miðjan júlí.
Heimildir breska útvarpsins
BBC herma hins vegar að ekki
verði hægt að girða aðalleik-
vanginn af fyrr en örfáum dögum
fyrir setningarhátið leikanna um
miðjan ágúst.
Ótti manna við að reynt verði
að fremja hryðjuverk á Ólympíu-
leikunum er ekki ástæðulaus. Á
Ólympíuleikunum í München árið
1972 féllu nokkrir ísraelskir
íþróttamenn í gíslatöku palest-
ínskra hryðjuverkamanna. ■
,,Ótti
manna við
að reynt
verði að
fremja
hryðjuverk
á Ólympíu-
leikunum
er ekki
ástæðulaus.
s í m i 5 5 3 8 0 5 0 • w w w . e c c o . c o m
G E R Ð U F R Á B Æ R K A U P !
afsláttur af völdum tegundum
30-70%
Útsala
HESTAFERÐIR
Ætla má að á síðasta ári hefðu allt að
30.000 manns keypt sér stutta hestaferð
hér á landi á síðasta ári.
PARÞENON Á AKRAPÓLIS
Endurbætur hafa staðið yfir á hinu 2.500 ára gamla Parþenon-hofi á Akrapólis-hæð
síðustu mánuði vegna Ólympíuleikana í Aþenu sem hefjast 13. ágúst.
Í KAPPI VIÐ TÍMANN
Grikkir keppast við undirbúning Ólympíu-
leikana sem hefjast 13. ágúst. Eitt af því
sem gera þarf er að setja upp umferðar-
skilti með merkingum á ensku.
FR
ÉT
TA
B
LA
Ð
IÐ
/M
YN
D
/A
P
HEILBRIGÐISMÁL Jón Kristjánsson
heilbrigðis- og tryggingamála-
ráðherra undirritaði í gær nýja
reglugerð um landsnefnd og ráð-
gefandi ráð Lýðheilsustöðvar.
Einnig opnaði hann formlega
nýja heimasíðu hennar,
lydheilsustod.is. Tilefnið var
eins árs afmæli stöðvarinnar og
var efnt til kynningar á starf-
semi hennar.
Eins og fram kemur í lögum
er hlutverk Lýðheilsustöðvar að
„efla lýðheilsustarf og sam-
ræma það, annast fræðslu til
almennings um heilbrigði og
heilsueflingu í samstarfi og sam-
vinnu við landlækni og aðra eft-
ir því sem við á og styðja starf-
semi stofnana og frjálsra félaga-
samtaka til eflingar lýðheilsu.
Lýðheilsustöð skal vera stjórn-
völdum til ráðgjafar um stefnu-
mótun á sviði lýðheilsu. For-
gangsröðun verkefna skal vera í
samræmi við heilbrigðisáætlun.
Stöðin fylgist með árangri af
lýðheilsustarfi og stuðlar að
rannsóknum á sviði lýðheilsu í
samvinnu við landlækni og men-
nta- og rannsóknastofnanir.“
Við formlega opnun heima-
síðunnar sagði Bryndís
Kristjánsdóttir sviðsstjóri frá
uppbyggingu síðunnar og inni-
haldi hennar. Sérstaklega verður
hugað að þörfum blindra og
sjónskertra við framsetningu
efnis á síðunni. ■
Ár frá stofnun Lýðheilsustöðvar:
Forgangsröðun í samræmi
við heilbrigðisáætlun
ÚTRÁS HJÁ SAMSKIPUM
Opna tvær nýjar skrifstofur í Þýskalandi.
HEILBRIGÐISRÁÐHERRA
Undirritaði í gær nýja reglugerð um lands-
nefnd og ráðgefandi ráð Lýðheilsustöðvar.